ادم...
شغلت الراديو، وهنا چان اكبر قرار اتخذه بحياتي...
طلعت المذيعة تحچي...
صباح الخير يا مستمعينا الي لمن نسمع اصواتهم يجينا الخير...
صباح الخير على عراقنا الحبيب...
صباح الخير عالطلاب...
صباح الخير على سايق التكسي...
صباح الخير على كل واحد رايح لدوامه...
صباح الخير على ربات البيوت...
صباح الخير عالجميع...
ومستمعينا الكرام خلينا ننتقل لحكمة اليوم...
'' اذا احببت شيئاً بشدة فإطلق سراحة، فإن عاد لك فهو ملكٌ لك، واذا لم يعد، فهو ليس لك منذ البداية''...
وهنا چان اكبر قرار اتخذه بحياتي، سمعت هاي الحكمة وتزلزل كياني، نگلَب حالي راسا على عقب، قررت اعوف نور، اعوف الانسانة الوحيدة الي حبيتها، واتبع هاي الحكمة، صعب انه نترك شخص نحبه بين يوم وليلة، صعب ننساه وكانه ما مر علينا گبل، بس....
يگولون الي تحبه ضحي علموده...
واني راح اضحي علمودها، لان هي ما رايدتني، واذا ضغطت عليها راح تتاذى، واذا تاذت ما اسامح روحي...
نور....
دتمر الايام...مثل رمشة عين، دتمر بدون ما نوعي عليها مر شهر على زواج اسيا، ورجعنا لنفس الروتين...مرة من المرات گعدت بالليل عطشانه، نزلت للمطبخ وسمعت اية تحجي ويا اسيد...مفتهمت عليهم بس من سدت الموبايل وياه شافتني...
ـ نور شعندج كاعدة هسة؟.
ـ عطشت...
ـ سمعتي الحجي.
ـ لا تخافين، مراح اكول...شعندي وياج...اهم شي متتعدون حدودكم، صدگ يمتى يخطبج؟.
ـ انتي من يمته تدرين بينا اني واسيد.
ـ من زمان...من قبل عرس اسيا.
ـ مو بيدي بس حبيته.
ـ واني كتلج لتحبيه؟...ماگتيلي يمته يخطبج.
ـ بعد اسبوع يجون امج وابوچ لهنا ويخطبوني.
ـ علخير چنتنا...يوم الي نفرح بيكم.
ـ تعيشين غلاي.
ـ يالله خل نصعد ننام.
سمعت اية...عرفت راح يخطبوها بعد اسبوع، فرحتلهم، صعدت فوگ وحطيت راسي عالمخدة، تذكرت قبل سنوات، من جنت صغيرة، چنا نلعب اني واسيا، وچان يجي اسيد يخرب اللعبة علينا، وابوية يبسطه، وتستمر هاي الحالة يومية وياه، لحد ما كبرنا، وكبرت همومنا ويانا، اسيا تزوجت، اسيد راح يخطب، واني راح انجح بمجال عملي ودراستي، اسيا بعمر اية، بس اية هاي السنة رابع واسيا ثالث لانه اية سابقة عمرها الدراسي، ومشت الايام، واجو اهلي من بغداد، وخطبو اية لاسيد، وتمت الخطوبة، ومرت الايام.
مهند...
يوميا اشوف نور، اريد احجي وياها بس متجيني القوة انه اكللها اني احبج واريدج على سنة الله ورسوله، لحد ما قررت اتغلب على مخاوفني...
ـ نور.
ـ ها مهند.
ـ اريدج بموضوع.
ورحنا نحجي لوحدنا...
ـ خير مهند كول.
ـ نور...نور معرف منين ابدي...ماعرف شراح اكول...بس اريدج تسمعيني للنهاية.
ـ مهند احجي عاد وترتني.
ـ نور اني احبج.
ـ شنو.
ـ اي نور اني احبج.
ـ بس.
ـنور لا تقاطعيني رجاءا...اسمعيني.
ـ مهند انت سمعني...مهند انت مثل اخي، لا اكثر ولا اقل...انت الف بنية تتمناك.
ـ بس اني ماريد الالف بنية....اني رايدج الج.
ـ مهند....اني محجي بسالفتي ويا اخو صديقتي...ومنتظر اكمل دراستي ونتزوج.
ـ شنوووووو.
ـ مثل ما سمعت...اني اسفة، يالله اشوفك بخير.
مهند...
صدمة عمري، نور ممقسومة الي...نور مخطوبة لغيري، ليش هيج....ليش اني معندي حظ بدنيتي، البنية الوحيدة الحبيتها مو الي....اخ چم اخ.
نور...
جنت گاعدة ويا مها وتسنيم نسولف بلملابس والموظة والمكياج وكذا، اجا مهند، كالي اريدج بموضوع وباوع للبنات، عرفت من قصده انه يريدني احجي وياه على انفراد، رحنا نحجي لوحدنا، صدمني، گالي يحبني، صديته، معطيته مجال يحجي وياي، رديته...كتله اني محجي بامري على اخو صديقتي(مخطوبة شكليا)...ماعرف ليش ادم اجا على بالي، سويته حجه، مهند ميرهملي، بالاخص اني اشوفه اخ عزيز لا اكثر، اثنين معجبين بيا ويريدوني، بس الاثنين صديتهم من اول محاولة، لانه همَ ميرهمولي.
بعد مرور7 اشهر...
نور...
باجر عرس اسيد واية، الكل فرحان، بس ماكو مثل فرحة امي وابوية، اما اني مستعدة اتم الاستعداد للرگص والهلاهل، اريد اسوي شي ما صار، يمكن اريد اطلع الكبت الي بداخلي، احس انه اني ضايجة، الايام مرت بشكل طبيعي كلش، مسمعت اخبار جديدة عن ادم، بس الشي الوحيد الي قاهرني من صدگ هو مهند، جنت كلما جنت اشوفه ويباوعلي چنت احس بنغصة جواه، وجرح چبير ميتعالج، قهرني، بس ماريده، الگلب وما يهوى وگلبي مهاويه....
ـ اسيا...وج نور امانة عليج تركصين عني.
ـ نور...ادللي.
ـ اسيا...حظي النحيس.
ـ نور...يعني شتسوين...هذا حظج، حامل بعرس اخوج الوحيد.
ـ اووووف اووووف.
نور...
وجان يجي اليوم المرتقب، خطية اسيا حامل ولا تكدر تتحرك ولا تگدر تركص، مقهورةكلش على روحها، اصلا من عرفت انه هي حامل مدتحرك، خايفة على روحها، وهي كلش صايرة توسوس وتخاف...جان يوم كلش حلو، خلص العرس وخلصت الايام الي بعده، دتمشي الايام بدون وعي، مدنسوي بيها شي يخلينا نكون سعيدين، مدنتقرب من الناس الي نحبهم مثل مهند، مدنكدر ننسى الناس الي نحبهم مثل ادم، مدنكدر نعيش احلى ايامنا بسبب خوفنا مثل اسيا، ومدنعرف شنريد مثلي.
الى اللقاء في البارت القادم....😘
حبيايب راح اختصر الاحداث لانه نحنا بعد مفتنا بالاحداث العميقة، الي تستحق نكتبها بشغف.....
لا تنسون التصويت......
وبااااااي......
أنت تقرأ
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
