قصة هوانا

البارت الخامس والعشرون

(مرحبا حبايب كلبي...
حبيت اشكركم على تفاعلكم الحلو عالقصة...
وبالاخص حابه اشكر Sara_Esam89
لان هاي البنوتة تفاعلها عالقصة حلو هواي...
واعذروني لان البارحة منزلت بارت...
لان جنت مشغولة هواي...
ما اطول عليكم...
اعوفكم وي نور...)

#قصة- هوانا.
بقلم:-
#ضي-الدليمي

ام ادم...شبيك ادم،شبيك تصيح، دا اكلك ناديتلها تنزل تاكل وياي وتاخرت، صعدت لفوك شفتها غركانه بالدم.

ادم... اني مو كتلكم تظل وياكم لحظة متغيب عن عينكم، بالله هسة صارلها شي، منو يتسودن غيرنا؟.

ام ادم... ادم اني بعد معليا علاقة بيك، ولا بمرتك، خو كاضياها كل يوم بالمستشفيات، ولازملها واحد يداريها.

ادم...
نور حتجنني، جنت كاعد وي جماعتي، كلت بلكت اغير جو واطلع من الكآبة الي اني كاعد بيها، دك تلفوني، المتصل امي، علمني كلبي انه اكو مصيبة، لان ميدكون الا بالمصايب، جاوبت...

ام ادم... هلا ادم.

ادم...هلا يوم شونج، شبي صوتج مو على بعضج،نور بيها شي.

ام ادم...اي بيها، ولك هاي راح تموتني تالي عمري، تعال علينا بسرهة ترا نور غركانه بدمها.

ادم...شنو!!!...

ام ادم...تعال بعدين افهمك.

ادم...
رجعت للبيت صعدت للغرفة شفت نور ممدده بالكاع وايدها دم والكاع كلها دم، اجيت اشيلها اسعفها، شفت موس بايدها، ساعتها تاكدت رادت تنتحر، اسعفتها وطبت للعمليات، وخيطولها الجرح، وامي حجتلي شصار، اني فعلا دا احس انه نور سودت الدنيا بوجهي فوكاها ممسودة اصلا، طلع الدكتور وكالي ...

الدكتور...للاسف المريضة جرحها كلش عميق ونزفت دم هوايه، وهذا الشي كلش اثر عالعملية، اوردتها تاذت كلش، بس الحمدلله كردنا ننقذها على اخر لحظة.

ادم...اكدر اشوفها دكتور.

الدكتور...حاليا لا، بس من تصحى وتصير زينه تكدر اكيد...بس ممكن اسال سؤال؟.

ادم...تفضل دكتور.

الدكتور...هذا الجرح مو مقصود منك او من غيرك مو؟...اقصد يعني هذا الجرح رغبة بالانتحار؟ لو جبر؟.

ادم...لا الجرح رغبة بالانتحار، نحنا معلينا.

الدكتور...اكدر اعرف شصار بالضبط حتى التجأت للانتحار؟.

ادم...قبل فترة خسرنا بنتنا الوحيدة، وزوجتي جانت متعلقه بيها هواي، فصعب عليها فراكها.

الدكتور...الله يعينكم، على العموم، لمن تصحى المريضة تجي الشرطة تاخذ افادتها لان لازم يعرفون اذا هذا الجرح جان مقصود او بدافع الانتحار.