(مرحبا حبايب شلونكم...
اخباركم...
ان شاء الله تكونون بخير...
اجيتكم ببارت جديد...
وبالنهاية مالت البارت راح يصير شي ممتوقعي كلكم...
يالله اني استرخص...
لان ماريد اطول عليكم واحرك الاحداث...)
#قصة- هوانا.
بقلم:-
#ضي-الدليمي
اثناء السفر الى الموصل...
الا حبذا...حبذا...حبذا...
حبيبٌ تحملتُ منهُ الاذى...
الا حبذا...حبذا...حبذا...
حبيبٌ تحملتُ منهُ الاذى...
بنفسيَ مَن اشتكي حُبَهُ...
ومن ان شكى الحُبَ لم يكذبِ...
ومن لا ابالي رضا غيرهِ...
اذا هو سُرَ ولم يغضَبِ...
الا حبذا...حبذا...حبذا...
حبيبٌ تحملتُ مِنهُ الاذى...
الا حبذا...حبذا...حبذا...
حبيبٌ تحملتُ مِنهُ الاذى...
نور...
جنت رايحة للموصل، بالطريق، حاطة الهيتفون باذاني، واسمع اغاني شوية، وسمعت اغنية الا حبذا، الاغنية الي ما امل منها، وتذكرت كلشي صار وياي، تذكرت من اجيت للموصل من طلع قبولي بالجامعة، تذكرت ادم، لمن كالت المغنية بالاغنية "حبيب تحملت منه الاذى"، ادم حبيبي الي تحملت منه الاذى، والي بعدني دا اتحمل منه الاذى، حتى من طلكني جنت احبه مثل كبل، والله لو بيدي اسوي كلشي حتى الماضي يرجع، يرجع كبل ما اموت بنتي، بس هيهات، هيهات يرجع الماضي، الماضي شيرجعه، شكد جنت احبه، وحتى لو يريد عيوني انطيهن اله بدون ما افكر، الا ادم، جان قطعه من كلبي، شلون سوا هيج بحبنه مادري، على العموم، الله يهني، ظليت افكر بي وابجي، لحد ما غفيت ونمت...
اماني...نور، نور.
نور...ممم.
اماني...يالله حبيبتي متصحين، ترا وصلنا للموصل.
نور...ماشي ماشي صحيت.
اماني...فدوة اروحلج شكد نومج عميق.
نور...اي والله يا امونه نومي جنه سبات.
اماني...انتي عكسي.
نور...اكلك استاذ ارشد، اريدكم توصلوني لحي( ) لان هنا بيت خالتي.
ارشد...حاظر استاذة نور، بس منو راح يستقبلج، حتى لمن نوصل ادكين عليه نتفق على مكان محدد.
نور...زوج خالتي هو راح يستقبلني.
ارشد...اوك ماشي دكيله، خل اتفق وياه على مكان.
نور...ماشي.
نور...
دكيت على زوج خالتي ابو اية، واتفقو على مكان محدد، صح اني عشت بالموصل اربع سنوات، بس الموصل جبيرة وما اكدر اطلع من البيت اني وحدي لان اكيد اضيع، رحت وي زوج خالتي لبيت خالتي وهناك استقبلتني خالتي احر استقبال.
أنت تقرأ
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
