قصة هوانا

البارت الحادي والاربعون

بارت جديد من #قصة- هوانا
#بقلم:-
#ضي-الدليمي
🌷🌷🌷🌷🌷🌷🌷🌷🌷

وكف مهند مصدوم يباوعلي

-شنو شكلتي
-احبك
-واخيرا نطقتيها
-وراح ابقى انطقها طول حياتي
-ممصدك
-لا لا صدك مهند
صدك
احبك احبك احبك
وخليني اطلع للمنصة بالجامعة اصيح احبك حتى اخاف انت بس تسمعني هسة حتى بالمنصة الموصل كلها تسمعني
-يعني رايده تفضحينا ههه
-ههههه وشكو بيها اني حبيتك
-مابيها شي بس اني ردت اسمعها من زمان وممصدك سمعتها يبعد عيني

مهند
الكلمة الي ردت اسمعها من يوم شفتها لحد هسة سمعتها واخيرا احبك
من محبوبة كلبي من بت كلبي من نور عيوني من فلذة جبدي شكد ردتها اسمعها وسمعتها ومبقت بنفسي

نور
ممانع كلبي اكله احبك حسيت هذا الشي قليل بحقه وميسوى شي تجاه حبه الي ويجي نقطة ابحر حبه الي
شكد حنون وحنيته ما الكه منها لو افر الدنيا مالكه منها
ممصدكة اني طلعت ادم من كلبي وخليت مهند يتملكه وتملك حياتي لانها كلها بين ايده
ممصدكة الضوا طب على كلبي
والشمس اشرقت على حياتي من جديد
وين ادم ووين مهند
الي صار بيَ يوم ماتت بنتي مو سهل وفوك كل هذا ادم زاد الطين بله وعصر فوك جروحي ليمون مخلاني اصرخ
جنت متحملته وكل يوم انضرب وانهان
بس مهند غير
متمسك بحبه وميتهور ويأذي الي يحبه
بس وين
مهند حبني
وادم محبي
لو حبني مجان سوا الي سوااا بيَ وكسر كلبي
طلعت الشمس بعد مطر قوية على سما الموصل مثل الشمس الي اشرقت بكلبي
الموصل اشرقت بيها الشمس بعد المطر القوية وبعد العواصف الداعشية الي غزتها ثلاث سنوات
والي تعذب بيها هواي ناس من ضمنهم بيت خالتي واهل امي ومهند واهله
والشمس اشرقت بكلبي بعد عواصف وحروب شنّها ادم عليَ بكل ما اوتي من قوة وجبروت
بس كدرت اتحرر من قوته وحبي اله، حب ذل وهوان وتعب وضيم
تحررت وخليت كلبي بيد مهند
رجل حياتي
والشمس المشرقة بالنسبة الي
كل الفضل للمطر القوية، الي فززت حب مهند بكلبي، والي مرضتني، وخلتني اصحي هواي شغلات جنت غافلة عنها، مثل تعلقي بشخص باعني، ورفضي لشخص شاريني

*******
-جوعانه اريد اكل
-خسه الجوع حبيبتي
صار الغدا
-واخيراااا😰
-مهند حبيبي صار الغدا تعال انزل حياتي
-اجيت حبيبي اجيت شعدنا غدا
-دولمة
-واااو
الدولمة مالتج شي فضيع
-هههه ليش يعني مو طيبة
-منو الي يكول مو طيبة
الي يكول اموته، اذبحه، اصلخه
بالعكس الدولمة المالتج عشك اتصوري انه لحد الان طعمها بحلكي يوم جنّا سنة ثالثة كلية
-بعدك لحد الان تتذكرها
-ولو ليش منو يكدر ينساها
-بوكتها صارت حرب عليها
-ايييي حرب ابين سهى وعلي واني قضينا عليها وصرنا نتكاون جنّا مماكلين من كبل جايين من جنوب افريقيا
-هههههه والله يامهند عليك تشبيهات تموت
-اي بعد مشفتي شي