قصة هوانا

البارت السابع والعشرون

(مرحبا...
شلونكم؟؟؟...
اجيتكم ببارت جديد...
ما اطول عليكم...
لا تنسون التصويت...
اعوفكم وي نور...)

#قصة- هوانا.
بقلم:-
#ضي-الدليمي

ادم...
صارلي سنة تقريبا من قدمت على دراسة ماجستير خارج العراق، طلع اليوم قبولي واخيرا، بس بعد مكتلها لنور...
بالنسبة لنور فحياتي وياها صارت باردة، يعني عادية جدا، صارت تتحاشه تحجي وياي كلمة، بس جانت تكسر خاطري...
كلما اصحى بالليل اسمعها تبجي، مرات كبل ما اطب الغرفة اسمعها تكول ليش اني عقيمه، ليش اني زايدة عالبشر، حتى الي جنت احبه كام يكرهني.

نور...
جنت نايمة بغرفتي الدنيا عصر ومجان عندي محكمة ولا مكتب، سمعت صوت حركة بالغرفة، فتحت عيوني بلكوه، باوعت شفت ادم...

ادم...نور...نور.

نور...مممم.

ادم...كومي اصحي اريد احجي وياج.

نور...ادم حباب عوفني نايمة، تعبانة.

ادم...كومي احجي وياج، كافي عاد.

نور...شكو ادم...احجي.

ادم...انقبلت ماجستير.

نور...ش...شنو!!!؟؟؟...

ادم...مثل مسمعتي.

نور...يعني راح تسافر خارج العراق؟!...

ادم...اي.

نور...وين؟.

ادم...امريكا.

نور...شنووووو!!!؟؟؟...

ادم...شبيج... اميركا قابل شكلت.

نور...مكلت شي بس مستغربة، امريكا مرة وحدة.

ادم...حقج تتفاجئين، بصراحة اني همين مصدكت.

نور...يمته تطلع وشكد تطول، شو حجيلي خليني افتهم ترا دخت.

ادم...هسة اكلج، صبري.

نور...ادم احجي عاد.

ادم...اسبوع الجاي ان شاء الله، وراح اطول سنة.

نور...يعني راح تدرس ماجستير تاريخ بامريكا.

ادم...اي...اكلج نور.

نور...ها.

ادم...حضري روحج تجين وياي.

نور...شنووووو...ادم شبيك، شيوديني لامريكا.

ادم...شنو شيوديج لامريكا، اطلعين وياي للخارج، انتي زوجتي شلون اعوفج هنا وحدج سنة كاملة، بعدين اني اصلا ماكدر اعيش وحدي هناك.

نور...ادم شدتحجي، اهلي وشغلي وحياتي هنا.

ادم...شبيج نور، قابل راح تظلين هناك، هي سنة ونرجع.