فات العريس، وفاتو گرايبه واصديقائه...رحنا اني والبنات لبسنا عبايات وشالات لان لبسنا قصير...بعدين كامو العرسان يركصون على اغنية اليسا...
اجمل احساس فالكون...
انك تعشق بجنون...
ودا حالي معاك...
خلتني اعيش ايام...
مليانه بشوق وغرام...
ذوبني هواك...
سرحت بعيييد عن العرس، تخيلت نفسي اني وادم نرگص على هالاغنية بدال اسيا ويزن، ماعرف ليش افكر بي، مع العلم اني رفضته...
من اشد واقوى الصراعات هو صراع العقل ويا الگلب...
صراع قوي، يحطم الشخص، يحطم حاضره ويسرق منه احلى اللحظات...
رجعت للواقع لما كملو رگصتهم...
جانو طالعين كلش حلوين، جنهم طيور الحب...
وبعدين كامو الشباب طفو الـ DJ وهمَ كامو يغنون...
هاي الرادها وهاي التمناها...
بنت الشيخ لابن الشيخ جبناها...
جان يوم كلش حلو، مميز ورائع، خلص هذا اليوم وخلصت الايام البعده بلمح البصر، ورجعنا للموصل اني وبيت خالتي، وصار اول يوم دوام بعد العطلة...
ـ هلاااا بنور شلونج...مشتاقيلج.
ـ هلا هلا مهند شلونك.
ـ من شفتج صرت بخير.
ـ ههه، عساك دوم بخير...يالله اني استرخص.
ـ الله وياج وگلبي داعيلج.
مهند...
من عطلنا نصف السنة واني جسد بلا روح...شوفت نور جانت سبب حياتي، اليوم تاكدت انه ريتي ما تتنفس هوا، ريتي تتنفس عطر نور، اليوم من شفتها ردت اليَ الروح...اريد اظل وياها...اغفى واباوعلها...اصحى واصبح بوجهها...ياريت اظل وياها طول حياتي...ياريت ما تبتعد عني...بس للاسف متنطيني مجال احجي وياها ابد...
ماعرف هذا حرص حتى ليحجي واحد عليها، معرف غرور، معرف تكرهني...لا يارب ان شاء الله متكرهني...
ادم...
(شعر بقلمي...
اني القصته قصة...
بگلبي الف غصة...
شغت الضيم الچان مكتوب عالگصة...
واني العليل وبداخلي نغصة...
واني العليل وبداخلي نغصة...)
مرت اسبوعين على فاجعة گلبي، مرت ايام على رفض محبوبة گلبي الي، جنت كل هاي الفترة ما عايش، ياريت اشوفها واحجي وياها واكللها انطيني فرصة، ليش متقبلين بيا...بس هيهات، يعني معقولة بعد ماكو نور؟...يعني معقولة مراح تصير الي...
اخ يا گلبي...اخ...
أنت تقرأ
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
