(هلاو حبايب شلونكم؟؟؟...
اجيتكم بالبارت 20...
اريدكم تصوتون وتعلقون...
وتنطوني رايكم واريدكم تتاكدون انه اني استقبل انتقادكم سواء كان سلبي او ايجابي...
من هذا البارت راح تبدي الاحداث مال الراوية...
وراح تتشوقون هواي...
ما اطول وياكم...
اعوفكم وي ابطالنا...
نور وادم وازهار والباقيين...)
نور...
مرت ثلاث شهور على خطوبة ازهار ومحمد، بالنسبة لازهار فكلش فرحانة، اما محمد فجانت فرحته متقل عن فرحة ازهار،صح ازهار سمعت حجي من وحدة من كرايبها تكول عافت رياجل الدنيا كلها واخذت واحد ابو نصاب بس ازهار مدارت بال بالعكس...
بيوم من الايام جنت بالمحكمة...
احس الدنيا دتفتر بيا عبالك اني بديلاب الهوا، مشيت خطوتين،بس مكدرت عالثالثة،وفجاة...
الدنيا سودا وظلمة وكانه واني بغير عالم،بعدين فتحت عيوني شفت ادم يمي...
-الحمدلله علسلامة
-الله يسلمك...اني وين وشصار.
-اتخربطتي بالمحكمة واجيتي للمستشفى.
-اخخخخخ.
-سلامتج من الاخ حبيبتي،ارتاحي شوية.
ادم...
جنت بالمدرسة وجان عندي درس فراغ فكعدت اصحح اوراق الامتحان مالت الطلاب،ودك جهازي،باوعت للشاشة لكيت المتصل نور عيني،جان المتصل نور،جنت مسميها علموبايل نور عيني،فتحت الخط...
-الو ها حياتي نور.
-مرحبا اخي.
-منو.
-اخي اني الاء زميلة نور،نور تخربطت بالمحكمة وجبتها للمستشفى وهسة اني وياها بالمستشفى.
-ماشي ماشي،انتو بيا مستشفى.
-ب(.......).
-ماشي ماشي دقايق واجيكم.
-حاضر اخي الله وياك.
وفعلا متاخرت ووصلت لنور طبيتلها للطوارئ، جانت نايمة،اخذو منها دم وسوولها فحوصات...
-دكتورة خوما بيها شي.
-ان شاء الله ما بيها الا العافية خاي اشياء فحوصات روتينية بس راح نودي العينات للمختبر وبعد شوية تطلع النتائج،تكدر تروح يمها.
-حاضر دكتورة...حاضر.
-عدها العافية.
رجعت كعدت يم نور بين ما تطلع نتيجة التحاليل،جنت دا اباوع لوجهها وكعدت،حجيت وياها وبين ما اني احجي اجت الدكتورة...
-الدكتورة...نور عمار مو؟.
-نور...اي دكتورة.
-الدكتورة...مبروك نور...انتي حامل.
-نور...شنووووو.
-الدكتورة...نور انتي حامل.
-ادم...الله يبشرج بالخير دكتورة...الله يبشرج بالخير.
-نور...الله يبشرج بالخير...واخيرا ادم اني راح اصير ام وانت حتصير اب(جنت احجي ودموع الفرح على خدودي).
-ادم...واخيرا حبيبتي واخيرا راح يكون اكو شي يربطني بيجظ
-الدكتورة...من نا وساعة تكدرون اطلعون للبيت،بس لازملها راحة قصوى لان هي باول اسابيع الحمل ولازملها رعاية.
-ادم...ماشي دكتورة ماشي،اصلا منو كال اني راح اخليها تتحرك.
-الدكتورة...ههه يالله اني استرخص.
نور...
شعور منيوصف،مدري صدمة،مدري فرحة،فرحة ادم متنوصف اما الاء من عرفت طارت فرح،تشكرتها على موقفها وياي،وبوستها وطلعنا اني وادم من المستشفى وهي ويانا وصلناها لبيتها ورجعنا للبيت،اول مفتت ركصت على عمتي بس ردت اكللها اني حامل...
-عمة...عمة.
-ها عمة.
-عمة اريد البشارة.
-الترديه يجرالج.
-عمة اني حامل.
-(هلهلت بصوت عالي)...مبروك،مبروك.
-الله يبارك بيج.
-يوم الي اربي ابنكم على ايدي.
-تربي ان شاء الله...تربي.
-وينج نورة،ماريدج تتحركين من مكانج.
أنت تقرأ
قصة هوانا
Romanceنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
