قصة هوانا

البارت السادس والعشرون

(مرحبا حبايب كلبي شلونكم؟؟؟...
اعذروني البارحة منزلت بارت لان كتبته بالمذكرة ونمسح...
اشكركم على تفاعلكم وياي...
ما اطول عليكم...
اعوفكم وي نور...
هااااااااا...
نسيت اكوللكم...
سوو تاك لشخصين حتى يزيد عدد متابعين  القصة...)

#قصة- هوانا.
بقلم:-
#ضي-الدليمي

نور...
رجعت لبيت اهلي، صارلي اسبوع، وكلعاده الكل يحط الصوج بيا، وصرت اني صاحبة الصوج والذنب، عدت السبع ايام، وادم مشال موبايل وكالي شمحتاجه ممحتاجه، ولا كلف روحه هو وامه واجو يرجعوني للبيت، عبالك جانو رايديها بس اطلع من البيت ويخلصون مني، جنت نايمة العصر بغرفتي وكعدت وسمعت صوت ادم، وصعدت اية لغرفتي كالتلي، لا تنزلنين للاستقبال اسيد يكول، لان ادم اجا يرجعج للبيت واسدي وعمي ديتفاهمون وياه على سالفتج، وفعلا منزلت طبيت للاستقبال ولا سلمت عليه، وطبيت للمطبخ.

نور... شتكولين يوم ارجع ...لا ؟.

ام اسيد...بنتي نور اريد احجي وياج لان هاي الفتره كلها محجيت وياج...
يمه ترا ميصير على كل كلمة يحجيها تتصعبين براسه، ترا الرجال ميقبل هيج، وميتحمل، وانتي كلمتج جانت جبيره بحقه، وماكو رجال يرضاها.

نور...يمه بس هو بزعني، يدوس ابطني ويرديني اظل ساكته، حريني، لا هو القابل بوضعي ولا هو الي يرضى يتزوج.

ام اسيد...يمه ترا انتي محامية، وتكدرين تسطرين على روحج بالجلسات والقضايا والمحاكم، ومتكدرين تسطرين على روحج وي زوجج!... وبالنسبة لكلمة متجيبين وياج حجيت وياه بيها هلكمة اني وابوج واخوج، يمه الله يخليج حطي عقلج براسج، واني همين لتلحلين علي بسالفة الزواج اذا يريد الزواج يتزوج، فلتلحين عليه الله يرضى عنج.

نور...ماشي...اكول.

ام اسيد...كولي.

نور...اجت امه وياه.

ام اسيد...لا.

نور...ليش؟!...مو من الاصول يجي وحده.

اية...الميردينا الله وياه.

وطب اسيد للمطبخ.

اسيد...نور روحي طبي للاستقبال وسلمي على زوجج.

نور...مو انت دزيتلي اية كتلها تنزل.

اسيد...اي بس هسة طبي سلمي.

نور...ماشي...
اية انطيني اصب جاي.

اية...لا انتي بس حضري الاتسكاين.

نور...ماشي.

نور...
وطبيت للاستقبال وبيدي صينية الجاي وسلمت عليه، وكالي صعدي بدلي وحضري غراضج ترجعين وياي، باوعت لابوية بنظرة تسأل كالي روحي اصعدي وسوي الي زوجج كالج عليه، وفعلا صعدت وبدلت ولبست ارقى الملابس ومكيجت وحضرت غراضي ونزلت واستقبلتني امي يم الدرج وكالتلي مثل موصيتج، كتلها ماشي، ورجعت للبيت وي ادم وطبيت ولاكيت عمتي، شكلها من شافتني عبالك قتلت عزيز عليها، كالبه وجهها عليا، شبيها مادري، قابل اني سويت بروحي هيج وموتت بنتي، وصرت عقيمة، كالتلي صعدي لغرفتج بدلي بسرعة تساعديني بالعشا، صعدت ونزلت، وظليت اساعدها ونحنا ساكتين، يمكن اذا الحايط يحجي نحنا منحجي، بعدين حجت وكالتلي...