قصة هوانا

البارت الحادي والثلاثون

(مرحبا غوالي شلونكم؟؟؟...
ان شاء الله بخير...
بعد ما اسألكم شلونكم...
لان متجاوبون...
اريد اعتذر عن التاخير..وصلتني رسائل عن تاخيري، واني اسفة، بس مثل متعرفون انه بدت المدارس...
المطلوب منكم...
انه نسوي جدول بتنزيل البارتات...
يعني تردون انزللكم خميس وجمعة وسبت، لو انزللكم خميس وجمعة وثلاثاء؟؟؟...
جاوبني بخانة التعليقات...
ولا تنسون التصويت والتعليق...
واعتذر عن قصر البارت...
بس باجر راح اجيبلكم خوش بارت وطويل وبي احداث هواااااي...)

#قصة- هوانا.
بقلم:-
#ضي-الدليمي

الكل...شنو....

نور...شبيكم، اطلكت.

ابو اسيد...شبيج نور، شدتكولين.

نور...انتو شبيكم، شنو مسامعين بوحدة اطلكت.

اسيد...شلون وليش، وج خبلتيني تعالي احجيلي.

نور...جان عيد زواجنا، رحت للصالون، ومن رجعت طلكني.

ابو اسيد...امشي اسيد نروحلهم، شبي هذا، امشي نتفاهم وياه.

ام اسيد...لا لتروحون.

اسيد...شنو منورح.

ام اسيد...تركولها لباجر، الصباح رباح.

نور...فعلا.

ابو اسيد...باجر من الصبح تكعدين ترحين ويانا وتتفاهمين وي زوجج.

نور...قصدك طليقي، يالله اني اصعد فوك انام، تعبانة.

نور...
رجعت لبيت اهلي، طبيت وكتلهم اطلكت ومصدكو...
صرت مجنونة، صعدت لغرفتي وكمت اضحك، اي اضحك، عكس الباقي اليبجون، لان ممصدكة، كرصت نفسي قوي، كلت بلكت اني بحلم واصحى واخلص، معقولة الي ديصير وياي، حب حياتي يطلكني، ادم طلكني، يعني بعد كلشي هيج يسوي، نمت والدمعة بعيني، كعدت بالخمسة الصبح، بدون وعي وكفت جوا الدوش، ومحسيت على روحي، طولت ساعتين، وطلعت بالسبعة.

ابو اسيد...يالله نور لنتأخر.

نور...ماشي، ماشي، اليوم جمعة ماكو دوام.

نور...
بدلت ولبست وحطيت مكياج طوخ، لبست ارقى الملابس، ولبست ذهب وحطيت عطر قوي هواي، عبالك عرسي، رحنا ودكينا الباب، وطلعت ام ادم وطبينا، نزل ادم من فوك...

ادم...نوووووور!!!...

ابو اسيد...ادم شنو هذا الي سمعناه البارحة.

ادم...من رخصتك عمي، نور صعدي الغرفتنا نحجي.

نور...لأ، منصعد، اليوم اريد الحجي يطلع كدام الكل، باوعلي ادم، اريد احجي ومتقاطعني، ابدا...
ولا اي واحد منكم يقاطعني...