قصة هوانا

البارت الرابع والعشرون

(مرحبا حبايب كلبي...
اجيتكم ببارت جديد...
اشكركم من اعماق كلبي على دعمكم الي...
ما اطول عليكم...
اعوفكم وي نور...)

#قصة- هوانا.
بقلم:-
#ضي-الدليمي

نور...
مر يوم على ضرب ادم الي، اما عن حالتي الصحية فصرت اتخربط هواي، الدكتورة دتسوي كلشي يطلع بايدها، بس اني الماراضيه اتحسن، اريد اروح اندفن وي بنتي، الي ما ولدت، ولا شفتها، وي مريم، الي راحت وعافتني، عافت امها مكسورة الخاطر.

ادم...نور اريدج تصيرين زينة، حتى اسوي الخروج ما طلعت هاي صارلنا شكد مقيمين هنا بالمستشفى.

نور...اشكرك عيني دتتحملني، اذا تريد روح اطلع وخلصني.

ادم...نور اني حجيت شي يزعل؟.

نور... لا ما حجيت، اصلا ما الك عين تحجي شي بعد السويته بيا.

ادم...نور ترا هاي للمرة الف، اكلج، اني نقذت حياتج، نقذتج من الموت، بس خليني اسالج سؤال.

نور...ادم اطلع كافيييييي، كافي بعد كافي...مالي خلك لاسالتك وتحقيقاتك.

ادم...راح اسوي روحي مسمعت شي، لو استشاريتج جنتي راح توافقين؟.

نور تصرخ...اطلع براااااا اطلع كافيييييي، اطلعععععع، ملييييييت، اني مليت منكم، مليييييت منكم كلكم، الله يتنقم منكممممم.

ادم...نصي حسج لتخليني اكطلع لحزام عليج، ولج انتي غير صلفه، فوكاها ما اني خلصتج من الموت بقراري فوكاها تصيحين وتعلين صوتج بوجهي، غير منج هسة كاعدة ليصيرلها شي، كلساع مخربطة.

ابو اسيد طب للغرفة...

ابو اسيد...كافي ابني ادم الله يخليك الي بيها مكفيها، ترا هي مدتوعي للشي الي ديصير بيها.

ادم...
صار نقاش حاد بيني وبين نور، وجان صوتنا علي والظاهر ابو اسيد سمعنا وطب للغرفة، طب وهداني، بعدها بساعة نور صارت تبجي، تبجي بدون وعي، وتصيح وتسب، جان وضعها ابد ميطمن، عطوها ابرة مهدئة ونامت، بعدها صارت هواي مواقف مثل هاي، عدت اسبوع هالموقف، وصار وكت الخروج من المستشفى، نور كلش تعبانة، بشكل ولا واحد يكدر يتخيله، صرنا نخاف نتركها وحدها، لان اذا تركناها احتمال جبير هواي انه تاذي روحها...

ابو اسيد...ابني ادم، اريد استرخص منكم نجيب نور يمنا شكم يوم بلكت ترتاح شوية.

ادم... لا العفو عمي، على راسي انتو والله، بس بهاي ما اكدر...مرتي ما اكدر اعوفها.

اسيد...يمعود ادم شبيك هسة منو كلك عوفها، هي شكم يوم بلكت ترتاح، وهناك يمكم منو يكدر يداريها.

ام ادم...لا اسيد هاي ممقبولة منك، ليش شبيا اني وشبيها ازهار.

اسيد...لا خالة الشهادة لله مجان بقصدي شي، ومتقصرون ومن يومكم صاحبين واجب، بس يا خالة انتي وحدج متكدريلها والاخت ازهار هم عدها زوج وبيت ومتكدر تظل يمها، يمنا موجودة امي واية واسيا همين تجي كل يومين وهيج.