قصة هوانا

البارت السادس والثلاثون

(مرحبا حبايب شلونكم؟؟؟...
ان شاء الله تكونون بخير...
وعدتكم ونفذت بوعدي...
كلت الكم شوكت يصير بيدي مجال انزل، حنزل ومن بطن عيني...
ماطول عليكم...
اعوفكم وي نور...)

#قصة- هوانا.
بقلم:-
#ضي-الدليمي

استاذ ارشد...عمل موفق ست نور، انتي فعلا اثبتي جدارتج بعملج.

نور...ولو استاذ ارشد، هذا واجبي وهاي مهنتي وهذا طموحي، على العموم شكرا على دعمك الي.

استاذ ارشد...لا شكر على واجب، هذا واجبي.

نور...
البداية الي صارت بالموصل جانت بداية كلش جيدة، صارلي اسبوعين من اجيت للموصل، وكدرت اثبت نفسي، والمنظمة صارت متعلقة بيا وبشغلي هواي، يمكن هذا الشي بالنسبة الي هو الخطوة الثانية نحو التغيير، الخطوة الاولى جان قرار اتخذته من ردت انسى طليقي، والخطوة الثانية اني اثبت نفسي بمجال عملي.
صار عندي صديق قريب مني كلش، الي هو مهند، علاقتنا صارت علاقة صداقة مراح يكررها الزمن، صرنا يوميا نحجي اني وياه، بس مرات جان يضايقني شوية...

💬سوالف صايرة من صدك تضحك.

💬لعد شعبالج؟.

💬هههه، حلوة الثقة الزايدة بالنفس الي عنك، بس دير بالك منها.

💬ليش؟.

💬 لان لا يجي يوم وتنصدم.

💬لويش اتصدم، مو اني انصدمت وخلص.

💬ليش يا ستار.

💬جنت احب وحدة و محبتني، جان حب من طرف واحد، ردت انساها وارتكبت غلطة حياتي، اتزوجت، وصار عندي بنية واني ماحب زوجتي، وسميت بنتي على اسمها، بس هي يا حيف راحت للميسوون.

💬انت منو دتقصد؟.

💬اقصدج.

💬والتالي يا مهند، والتالي، اعتقني عاد.

💬باعيلي نور باعيلي...
انتي وحدة متهتمين للي يحبوج، تركضين ورا الي تحبهم، وهاي صفة سلبية بيج، متهتمين بمشاعر غيرج، بطلي هذا الطبع، بطلي.

💬مهند كافي عاد.

💬لا مو كافي، اريدج تعرفين نفسج شنو، واريدج تعرفين شكم كلب كسرتي، وكلبي منهم.

💬الله وياك.

نور...
جرحني بكلامه، اذاني ودمرني، حسسني بالانانية، بس شنو ذنب كلبي اذا ميحب شخص يحبه؟؟؟، مثل مهند، وشنو ذنب كلبي لمن حب شخص ميحبه؟؟؟ مثل ادم...
مرت ايام وايام، ورجعت لبغداد، ومن اىطلمشكلة الي صارت بيني وبين مهند بعدها محجيت وياه...

نور...اسيا ترا اني شخص عاطفته ممستقره، مدا اعرف الاستقرار بحياتي.

اسيا... حبيبتي نوره ترا الي تدسوي بنفسج حرام عليج، انتي دتعذبين روحج، دتحركين كلبج، حبيبتي كافي، كافي اروحلج فدوة، كافي، انسي، انسي الماضي وبلشي حياة جديدة، انطي لكلبج فرصة انه ينبض، ينبض لغير شخص دمره وحركه، ينبض لغير ادم، بالاول وبالتالي انتي مراح تبقين هيج، تالي متالي راح تتزوجين وتأسسين حياة جديدة