(مرحبا حبايب شلونكم؟؟؟...
اعذروني لان تاخرت عليكم...
بس مثل ما اتفقنا...
كل يوم خميس وجمعة وسبت انزل...
البارحة مكدرت انززلكم...
بس هذا البارت راح يعتبر بارت يوم الخميس...
وبارت اليوم راح انزله اليوم...
المهم...
لا تنسون التصويت...
اعوفكم وي نور...).
#قصة- هوانا.
بقلم:-
#ضي-الدليمي
نور
قهروني، غثوني، حسبي الله ونعمه الوكيل عليهم، حرگو گلبي، وصلت بيهم الحالة انه يخجون على تربيتي وشرفي، نمت والدمعة بعيني، شبيها المطلقة، شنو ذنبها، اغلبية المطلقات مجانو مرتاحين وي ازواجهم، مجانو مرتاحين بحياتهم، وحدتهم جان يزوجها يضربها، والثانية متحملة الي ممتحمله شخص غيرها، الناس ميقتنعون انه كل شخص اله مشاكله الشخصية وماكو واحد خالي من المتاعب، يعني ضروري يكرون على راس غيرهم...
نمت واني دا ابجي، نمت متاخر كلش كعدت الصبح على صوت عمتي، كبل ما انزل، كلت استغفرك ربي واتوب اليك، شجابها هاي، كلت احسن شي ما انزل، لا ارى الكلب ولا الكلب يراني، عمتي هي وام رؤى يصيرن سلفات، وام رؤى قوية وتاثر على حماها زوج عمتي، وعمتي متكدر تسوي شي، بس عركاتها براسنا، اجت وصارت تصيح وتعيط بالبيت، فنزلت واستلمتني...
العمة...وج نور ام عين القوية، شون اطردين ام رؤى، مو عيب عليج.
نور...اي اي بالله لا تدافعيلها، اول شي عرفي شحجت وبعدين تعاي عيطي براسي.
العمة...شكالت يعني، سمعي لج، والله العظيم مرة ثانية تعيدين الي صار وياها او وي غيرها افصل راسج عن جسمج، لتسويلي احراج وي ام رؤى، تهي بهي، ماظل غير المطلگات يفشلنّا.
ابو اسيد...هصصصص، شو انتي تماديني، ديري بالج تحجين عن بنتي كلمة ناقصة مثلج، شبيها يعني مثلا، شمسوية حتى هيج تحجن عليها، باعي لج، اقسم بالله العلي العظيم، اذا سمعت كلمة طايحة حظ طالعة منج او من غيرج الا افصل روسكم عن اجسامكم، بناتي محد يحجي عنهن، و نور اطب وتطلع على كيفها، اني واثق منها، كافي عاد مطلگة ومطلگة.
العمة...هيج يعني، يالله اني استرخص.
ابو اسيد...الله وياج.
نور...عجبني رد ابوية هواي على هاي الناس الي دتحجي عني طالع ونازل، حسيت انه الدنيا بعدها بخير، ابوية واخوية يمي، واذا واحد حجه فد شي غلط عني، يصدوه، الحمدلله ربي، عندي سند وظهر، ابوية واخوية بالف رجال.
نور...يابا ليش حجيت هيج وياها.
ابو اسيد...شنو ليش هيج حجيت وياها.
نور...ميستاهل تسوي كل هيج، متسوا.
ابو اسيد...لا بنتي لا، انتي تعرفين شي واني اعرف شي، اذا مصديتهم مرة ومرتين راح يبقون يحجون عنج، وداعتج ما ولدته امه الي يحجي عنج.
أنت تقرأ
قصة هوانا
Roman d'amourنشعر بأن الحياة تصنع لنا ما نريد، وبعدها نكتشف العكس. نحب بجنون، ونشعر بأننا سكنا قلوب من نحب، وبعدها نكتشف العكس. نصل الى نهاية صبرنا، ونشعر بأن الحياة قد اغلقت ابوابها بوجوهنا، وبعدها نكتشف العكس. ويبقى السؤال....هل القادم اجمل؟....هل نستطيع ان نج...
