قصة هوانا

البارت الثاني والثلاثون

(شلونكم غلاتووووو...
ان شاء الله تكونون بخير...
كلش فرحانة بتفاعلكم...
اتخذت قرار بشأن موعد تنزل البارتات...
راح يكون خميس وجمعة وسبت...
على وقت فراغي...
واذا صار بيدي مجال غير يوم انزللكم ومن عيوني...
ما اطول عليكم...
اعوفكم وي بطلتنا...)

#قصة- هوانا.
بقلم:-
#ضي-الدليمي

نور...
عدت العدة وخلصت منها، تمرضت وقرحة المعدة جانت تزيد عندي، صرت مريضة بشكل، ووي التهاب المرئ كملت وياي، كبل متخلص العدة تمرضت وارتفعت حرارتي، كمت اهلوس بالليل، سهرو اسيد واية، واخذوني للمستشفى، جنت اسمعهم وادري بيهم مخبوصين وياي، بس ماكدر احجي كل شي، اتذكر كمت اهلوس باسم ادم...

نور...ادمممم، ادم، تعال، تعال محتاجتك، تعال اني تعبانة، ليش نهيت زواجنا بعنادك، تعال ياحب حياتي، تعال.

اية...اسيد حباب، اتصل بي خلي يجي للمستشفى، باعلها كلش تعبانة، خطية هيج.

اسيد...اية شجاج، ولج طلكها وهي تعبانة هسة، مدتعرف شدتحجي.

اية...حباب اسيد اتصل بي.

اسيد...والله لو تطبك السما عالكاع ما اتصل بي، هسة يكول بعدها تريدني، خل يولي.

اية...بكيفك، بس لخاطرها فكر.

اسيد...هو اني لخاطرها مراح اتصل بي.

بعد ثلاث ساعات...

نور...صح اني حجيت هيج؟.

اية...اي حبيبتي، بس لتهتمين، انتي جنتي تعبانة وحرارتج مرتفعة.

نور...حسبي الله عليه، حتى بعد ما اطلكنا، يظل ابالي.

اية...حبيبتي انتي نسيتي.

نور...لو نسيته مجان هلوست باسمه، لو نسيته مجان هذا حالي، ضعفانه وتعبانة، لو نسيته مجان تمرضت، وصار عندي قرحة بالمعدة والتهام بالمرئ، لو نسيته مجان هذا حالي، بس شكول غير هذا حظي ونصيبي.

اية...حبيبتي لتكولين هيج، شتسوين يعني، هذا قدر رب العالمين.

نور...ونعم بالله.

نور...
سوولي الخروج وطلعت من المستشفى، وخلصت العدة على هاي حالتي، ضليت تعبانة واريد الموت، بعد محاولت الانتحار للمرة الثانية امي تمرضت وتعبت هواي، اجتها فترة تعبانة، وابوية هماتين صحته صارت مو كلش، خطية، اهلي كلش تعبو وياي، وواسيد واية معافوني وحدي، بالعكس، جانو وياي، يساعدوني ويساندوني، واسيا وياهم، متركتني جانت تجي بين يوم ويوم وسال عني، بعد معرفو ابوية واسيد بالي سوته وبالحجي الي حجته على ادم، مرادو يسكتون عن الموضوع، حجو وياها وضبوها سنين، بس اني مقدرة موقفها، هي عبارة عن اخت رادت تحذر اختها، بس حذرتها بطريقة غلط، وياريتها مكالتلي انه هي كذبت لمن حجت عليه، جان هسة مو هذا حالي، ياريتني ظليت مصدكة بجذبها.