ذهب ورائها الى الغرفة:
- ما صدقت انت؟
- ليش بتفهمي المواقف غلط ؟
- هالمرة بمشيها...بدي اياك بموضوع...
- شو في سلمى؟
- انا لازم روح معك على بيت اهلك.قالتها بتوتر.
- ما قلتلك انو ما حكيت لاهلي خلص سكرنا عهالسيرة.
- بس...بس في شي...يعني مهم...
- احكي لي هيك متلبكة؟
- انا حكيت لمرت اخوك عبير انه انا واياك صرنا ببيت واحد!!!
- شووووووووو؟لك شو عملتي انت؟.قالها بغضب.
- ممممابعرف شو اللي خلاني اعمل هيك بسس من الفرحة.قالت سلمى بخوف.
- لك انت ما بتعرفي شو عملتي هلأ لك انت عملتي حرب لك لييش قلتي لييش .
- خلص اللي صار صار.
- لا اللي صار صار هي عندك انت هلأ بتتصلي عليها وبتقوليلها ما تفتح تمها بحرف لا معي ولا مع ماسة لا قدام اهلي ولا قدام حدا فهمت و اصحك مرة تانية تعملي هيك شوهالقرف.
خرج من الغرفة, كانت سلمى سعيدة بما حصل فهي تعلم ان عبير تكره ماسة وتتمنى لها كل شر فطلبت منها ان تسود اليوم الذي فكرت فيه المجيء الى عند بيت اهل كريم.
في صباح اليوم التالي استيقظت ماسة وهي تعلم ما ينتظرها في بيت زوجها...
فلاش باك...
بعد ما وضعها كريم بالسرير وجاءت سلمى استمعت لمحادثة كريم وسلمى من غرفتها لان اصواتهم كانت عالية وعندما هدأت الاصوات خرجت لترى ماذا حصل فمرت من الغرفة وسمعت المحادثة بين سلمى وعبير.
ارتدت تنورة وردية اللون و بلوزة بيضاء ربطت شعرها ووضعت "باندانة" بيضاء اللون.
ونزلت حيث كان يجلس كريم وسلمى , سرح كريم بجمالها وركز عليها وهي ايضا سرحت بجماله.
ايعقل؟ان تحب شخصا وانت في طريقك للأنتقام منه؟ ان تسهر ليالي بكاء عليه وان تكرهه لكن مجرد رؤيته تنقلب؟
ايعقل؟ان يكون شخصا امام اعينك وانت لا تلمحه؟لاتستوعب جماله!!حبه؟
أندرك؟بعد كل شيء ندرك؟يلمسنا الحب اثناء طريقنا في الكره والانتقام ام يكرهنا الحب فيرغمنا ان نحب بعضنا؟
قاطعت نظراتهم صوت سلمى: شو سر كل هالشياكة ؟ اول مرة بتروحي عند اهل زوجك؟
ماسة: انا دائما بقمة شياكتي ما تقارني الكل فيكي!
هنا اندلعت الحرب في قلب سلمى اصبحت الحرب غير قابلة للفصل او التوقف اصبحت يا قاتل يا مقتول...
كريم: اليوم عندك شغل؟
- اه بس رح اشتغل بالبيت.
سلمى: ومين بتعالجي النساء والمعنفات ههههه ولا المطلقات ولا اللي ازواجهن خاينينهم؟
قالت ماسة وهي تحضر طعامها:اه بعالج كل اللي ذكرتيهم.
- ههه طب ما تعالجي حالك؟ مشكلتك؟
- انا ما عندي مشكلة عايشة مبسوطة.وضحكت
انكمش وجه كريم لدى سماعه هذا؟الهذه الدرجة لا اهمك؟ لا تعتبريني مشكلتك؟
- خلصنا كبرياء,انا متاكدة متل اسمي انو بكيتي اول ما عرفتي انه كريم خانك معي وما طلعتي من غرفتك من الخجل لانك ما قدرتي توفري حب فراح يدور على حدا غيرك كل هاد مو مشكلة؟
نظرت ماسة الى كريم نظرة انكسار واغرورقت عيناها بالدموع لكن لم تسمح لدموعها بالنزول , شعر كريم من بعيد بها فقالت ماسة بتماسك وقوة وقسوة: هو ما عمل واجباته كزوج معي وانا ما بكيت لما خانني بس بكيت لما عرفت انو خانني معك ما عرفت انه ذوقه مقرف لهالدرجة.
***********************************************************************************************
متاسفة عالتاخيرررر كتيررر رح اصير انزل كل يوم جمعة و سبت بارتين بس بدي تفاعلكم♥♥
أنت تقرأ
انتقام انثى
Romanceماذا ستفعلين اذا تزوج زوجك عدوتك... عدوتك التي جعلت حياتك سوداء؟ حان وقت الانتقام☺
