كريم: لي؟ لي بدك تتركي الاذاعة!
ماسة: من الاول قلتلكن ما بدي هالشغل ، بس عندي فكرة، انا ممكن اكتب السيناريوهات تبع الاذاعة بس ما اطلع قدمهن وشوف الرايتينغ على السوشال ميديا وجاوب عمعظم التعليقات...
تيم: فكرة حلوة ...
احمد: فكرتي بشكل حلو لانو فعلا ما عنا حدا يشوف الرايتينغ والسوشال ميديا وهاد رح يساعدنا نوصل للاعلى..
كريم: اوك..
احمد: هيك بصير شغلك بشركة الاستاذ تيم ..
ماسة : لي ما بيزبط هون؟
احمد: اكيد لا، هون اعمال تانية...
بس طبعا اذا ممكن يرقيكي الاستاذ تيم لمنصب سكرتيرته المهتمة بأمور قانونية نسبة لانك محامية بالاصل فمتل ما بدو.
تيم: بناقش الموضوع معك ماسة بعدين..
ماسة: كريم ، ممكن اخد من وقتك تواني بدي احكي معك بموضوع مهم...
كريم: تعي تا نروح عالمكتب التاني.
منستأذنكم يا جماعة..
كريم: اه ماسة شو الموضوع؟
ماسة: اليوم زوجتك الحلوة، حكتلي شي حلو ومعلومة كتير حلوة عنك يا سيد يا محترم...
كريم: ش.. شو حكتلك؟
ماسة: يا استاذ يا حلو انت، كان قلي قبل اني رح كون الزوجة التانية ، ما حلوة هيك اعرف منها ...
عرفي يا كريم؟ لي ؟ لي؟
كريم ارتبك وقال لها: انت عارفة الظروف...
ماسة: عارفة ، بدي قلك شي، كنت قادر ترفض، لو جيت لابوك بعد ما تجوزتها وقلتلو هي زوجتي بالشرع ما كان قبل يزوجك مني بس انت عقلك ضارب وما بتعرف تفكر بدل ما تورطني بهالجوازة كان عشت مع زوجتك وما كان الي دخل بحياتكن..
انت بتعرف انك هلأ عاملي ازمة كبيرة بحياتي من تحت قراراتك الغبية، هلأ انا الزوجة التانية وفوق هيك ما بتحبني وفوق كلشي ما بدك تطلقني...
انا ما بدي منك شي ما بدي مصاري ولا بدي يكون اسمي متعلق فيك انا بس بدي تتركني بحالي انت وزوجتك عيش حياتي وكمل باقي عمري مع رجال غيرك يحبني ويحترمني او حتى ما كمل حياتي مع حدا بس كمل حياتي لانو حياتي هلأ متوقفة معك..
لو سمحت تفكر بالموضوع وتطلقني وانا ما رح اطلب منك شي ما بدي منك شي...
والا رح اضطر اني احكي مع عمي ابو احمد ويتدخل لنتطلق..
فكر بالموضوع والمسا بالبيت احكيلي قرارك..
وخرجت امامه تاركة له الخيار...
هو استصعب هذا القرار هو بالفعل لا يحبها ولا يرغبها ولكنه لن يتقبل فكرة ان تخرج من حياته هكذا.
فهي ترعرعت معه منذ الصغر، لم تكن تحبه هي وكانت تعتبره اخ لها لا اكثر، كانت طيبة القلب استطاعت ان تعوض مكان الاخت عنده، تساعد امه في جميع الاعمال المنزلية، ولكن منذ الصغر كانت سلمى تاتي للعب عندهم كان يحبها لم تكن تبادله ابدا المشاعر ولكنها كانت شديدة الغيرة من ماسة.
كان كريم يأتي لماسة يشرح له عن معاناته وكيف ان سلمى لا تبادله الشعور وكانت ماسة تقف لجانبه وتساعده وتعطيه النصائح حتى اخر سنتين في الجامعة وافقت سلمى على كريم ولكن بشرط، ان يخرج ماسة من حياته ، وضع امام خيارين صعبين التخلي عن حب العمر، ام التخلي عن الاخت والصديقة.
وهو اختار التخلي عن الاخت جراء الاحداث التي كانت تضعها سلمى امام كريم لتجعله في النهاية يعتقد ان ماسة وراء كل شيء...
عندما رأت ماسة تغير كريم حاولت التقرب منه لا بحجة ان يصبح حبيبا لها كما ادعت سلمى بل بحجة ان تعرف السبب وراء تغيره .
***********************************
عند خروج ماسة من المكتب تاركة كريم فيه، التقت بسلمى فقالت لها سلمى: يعني بتحبي انو انا وكريم هلأ نتخانق بسببك صح؟ رحت على طول حكتيلو انو قلتلك عن زواجنا العرفي صح؟
ماسة: اقل شي ممكن اعملو مشانك عاللي عملتي فيي زمان...
سلمى: متزكرة يعني شو كنت اعمل فيكي؟ لهيك يحلوة ابعدي عن طريق تيم وكريم لمصلحتك حتى ما اعمل فيكي متل زمان واكتر.
ماسة: شو رح تعملي؟ رح تجيبي واحد يسال عنك وتخلي صديقاتك يبعتو رسالة لكريم انك عم بتخوني؟
ولا رح تجيبي رجال يتبعني و...
قاطعها خروج تيم..
قالت سلمى: انتبهي عحالك..
***********************************
اسفة كتير اني ما قدرت انشرلكم قبل يومين بس عندي ضغط امتحانات بالجامعة والدوام بيخلص متاخر وهيك💔
بس عم حاول قدر الامكان اني انشرلكم بارتات...
طبعا ما خلصنا لليوم لانو في احداث كتييييرةةةة
ورح نعرف شو عملت سلمى بماسة بالبارتات الجاية💗
بدي تفاعلاتتت كبيرةةة
أنت تقرأ
انتقام انثى
Romanceماذا ستفعلين اذا تزوج زوجك عدوتك... عدوتك التي جعلت حياتك سوداء؟ حان وقت الانتقام☺
