انتقام انثى

جزء 25

رجعت ماسة مع مايا من التسوق , دخلت مايا وهي تقول : يا الله يا ماما شو هل..كنا..

مرحبا...

ماسة: مايا لو سمحتي تحملي عني هالكيس بس.

مايا: بتأمري.

ماسة: ميرنا! مرحبا!

وجدت ماسة ميرنا في صالون المنزل تجلس بزيها المثير وهو فستان اسود قصير واسع ولكنه مفتوح من عند صدرها تضع مكياج صارخ تقف بجانبها ماسة لا يظهر بأنهما بنفس العمر!

ولكن ما أثار صديقتنا ماسة هو جلوس تيم في نفس المكان معها! راودها الظن بأنه استسلم لمغرياتها فبطبيعة الحال أي رجل يرى كل هذا يغرى..

سمية: حبيبتي ماسة , شو اشتريتو؟

تيم: ان شاء الله متل ما بدي. وقام بغمزها..

ماسة بخجل: احممم بعدين بخليكي تشوفيهن مو هلأ..

سمية: ماشي يبنتي.. بحطلك هالكعكة صنع ايدي؟

ماسة: اكيد.

ميرنا: شو بلشتي بحركات انو اخت زوجي  المستقبلي صديقتي؟

ماسة: لا انا مو تبع هالحركات, لانو مايا صديقتي قبل ما تكون اخت زوجي المستقبلي..

ميرنا: انا بقول ما تاكلي كتير كرمال ما تسمني اكتر من هيك.

تضايقت ماسة وتوقفت عن اكل الكعكة..

ميرنا: تتزكر يا تيم لما كنت تيجي معي لما روح اعمل شوبينج.. كنت تقلي أي شي بيلبقلك يعمري لانو جسمك منحوت نحت..

تيم وهو يشعر بغيرة ماسة من نظرتها: اه صحيح...

رفعت ماسة حاجباها ضحك تيم عليها كما لاحظت مايا هذا وضحكت...

بعدها امسكت ميرنا يد تيم  وقالت : ياريت منرجع لهديك الايام لغيرتك وحبك وجنونك..

شعرت ماسة بلغضب فقامت وامسكت تيم وقالت: سوري بدي فرجي كريم شو اشتريت بس بالغرفة..

اخدت ماسة تيم على الغرفة , كان هو غارقا بالضحك..

تيم: وين الاغرا...

ماسة: قدي صرلها هالحية الشقراء هون؟

تيم: هههههههههههههه حية شقراء!

ماسة: سوري منك ميرنا حبيبة قلبك..

تيم: صرلها من لما طلعتي..

ماسة: شوووووو! وانت من ايمتى قاعد معها؟

تيم: من عشر دقايق.

ماسة: اه الطف...

تيم: لي؟

ماسة: لا مشان ما تفكرنا ما منلتقي وهيك..

تيم: قلتيلي..

ماسة: شو قصدك يعني؟

تيم: ولا شي بس شامم ريحة غيرة ..