انتقام انثى

جزء 19

تيم: ماسة انا رايح ممكن تيجي بعد ساعة عالشركة حتى نتفاهم؟
ماسة: اوك.
قضت اول عشر دقائق بالشركة كالعشر سنوات فقد مللت من المكتب فبقيت تنظر من الشباك حتى رأت ما افزعها وجعلها تنزل الى خارج الشركة مهرولة سريعة..
**********************************
كريم: سلمى انت عم تخليني اكرهك بكل فرصة!
سلمى: بس .. بس هي ضربتني كف وانا قلتلها بعصبية.
كريم: هاد كان سر بيني وبينك ليش قلتيه؟!
سلمى: يعني ما لفت انتباهك غير انو قلتلها والكف الي اكلتو ما فرق معك؟
كريم: بقلك شو خرجك!
سلمى: هيدا الي طلع معك يعني!
كريم: اطلعي ما بدي شوفك اليوم.
سلمى: بس ... اوفففف
***********************************
ركضت إلى خارج الشركة كان سليم يدفع الفتاة الصغيرة وهي تبكي وترجوه اما هو يستمر بدفعها واهانتها وشتمها...
جاءت ماسة ودفعت سليم وقالت له بصراخ: شو عم تعمل هون ؟ شو عملتلك البنت حتى تكرهها وتضربها، انت مستحيل تكون انسان.
دفعها سليم: انت ما دخلك كيف بتعامل مع بنت شوارع متل هي...
و اراد ان يكمل ضربه للفتاة ولكنها منعته بقوة فقد امسكت يده وأدارته لها ثم صفعته وقالت: حقارتك و قلة ادبك ما تمارسها على طفلة متل هيك..
ما تتمرجل هون يا ذكر.
فدفعها بقوة فوقعت واصيبت قدمها فهرعت الطفلة لتتفقدها فصفعها سليم وجرحت شفتها.
ولم يكن تيم قد خرج من الشركة وعندما خرج وشاهد ياسر وهو يدفع ماسة وهي تتألم فركض اليهم و لكم سليم وأخذ ماسة فقالت ماسة له: تيم والبنت وحياتك.
لم يستطع الرفض امام عيونها الراجية.
اخذها بسيارته و جلسوا في المقاعد الخلفية، بدأت ماسة بتفحص الطفلة التي تبكي بصمت..
ماسة: تيم عندك هون صندوق الإسعافات الأولية؟
تيم: لا بس في بالشركة ، منشوف كلشي بالشركة ما تقلقي..
ماسة: طب عندك كلينيكس؟
الطفلة: انا معي لاني ببيع ..
وضعت المنديل على جرح الطفلة متناسية جرحها فقد ضرب الفتاة بشكل شديد وجرحت من عدة اماكن ..
وصلو الشركة حمل تيم الطفلة فقد كانت مجروحة القدم وغير قادرة نسبيا على المشي اما ماسة فكانت قدمها اسوء ولكنها تحاملت ومشت الى المكتب .
دخلوا وسط انظار الجميع وطلب تيم من سكرتيرته ان تحضر صندوق الاسعافات.
ما ان احضر السكرتيرة الصندوق حتى اخذته ماسة وبدأت تعالج الفتاة وكانت تعلم ان الكحول على الجراح مؤلمة جدا فبدأت تتكلم معها لتهدأ..
فقالت لها: شو اسمك يحلوة؟
- اسمي جوري..
- قدي عمرك؟
- عمري اربع سنين.
- وين ماما وبابا.
- ما عندي ماما وبابا💔
- يا عمري، لكان وين بتنامي؟
- بنام بالحديقة الي ورا الشركة.
- يا حبيبتي ... طب مين اعطاكي هدول تبيعيهن؟
- في زلمة طيوب قلي خدي هدول مشان..
آييي.... تمشي حالك فيهن وتطعمي حالك..
وانتهت من مداواتها...
ثم نظرت ليد تيم الذي كان مركز في حوارهما فقالت لها: شوي وبرجعلك يحلوة.
ذهبت باتجاه تيم و رأى ان ركبتها تنزف ...
قالت له: تيم، ممكن ايدك؟
قال لها ممازح: اطلبيها من ابي ، انا مو مستعد هلأ للجواز بس😂😂😂
ضحكت وبانت غمازتها فتمزق قلب كريم...
بدأت تداويه وهو يقول لها لا تقلقي انا بخير لكنها لم تستمع ..
اثناء مداواتها قال لها كريم: هالبنت كتير حلوة وبريئة حرام تكون بهيك حال.
فقالت له بغضب: يعني اذا ما كانت حلوة كان بتستحق انها تكون بهيك حال!
- استغفر الله العظيم!
- بصراحة.. انا.. مفكرة انو اخد هالبنت عندي عالبيت واعتني فيها...
نظر الى عيناها اللتان تنظران اليه كانها تقول لا ترفض ولا تنفي..
- حلو انو تعتني فيها بس مسؤولية ، واذا طلع عندها قرايب بتكون مصيبة بياخدوها منك واحتمال يرفعوا دعوى عليكي..
- لا مستحيل ما حدا بياخدها مني، من لما شفتها الصبح حسيت حالي منجذبة الها حابيتها كتير لهالبنت...
كم احبها في هذه اللحظة ، كم ستكون ام صالحة لاطفالها بالمستقبل...
او ربما اطفالهما😂
كانت ستذهب للطفلة ولكن تيم منعها وقال لها: وين رايحة؟ جرحك لازم يتداوى..
- ما تهتم ، عادي..
- شو عادي لا تعالي يلا رح داوي..
رفعت فستانها كانت ركبتها في حالة سيئة...
بدأت ماسة تتألم ولكن تكتم حتى نظر لها تيم وجدها دامعة من الألم ثم قال لها: خلصت .
فمسحت دموعها وتنفست بعمق وابتسمت واستدارت إلى طفلتها الجديدة.
نظرت الى عيناها مليئة بالأمل والطفولة البرائة...
إلهي كيف يجرأ احد ان ينظر لتلك العيون البنية ويضرب باستمرار لم تجد نفسها الا وقالت: سليم الحقير الذكر الحيوان الهمجي..
بدأ تيم بالضحك عليها...
حضنت الفتاة وجعلتها تتوسد حضنها لتنام به وتغفو كالملاك الصغير..
قالت لتيم: بعد ما روح رح اخدها عندي عالبيت وحممها ومشط شع..
نظرت للفتاة و تيم ثم قالت: صح شعرها ما شفت شو لونه ونوعه مغطيتو بهالطاقية.
ازاحتها فوجدت شعراً ذهبياً ناعم ولكنه مشعث غير نظيف ..
قالت لتيم: تيم ممكن اطلب منك طلب...
تيم: اطلبي..
- ممكن اتركها عندك نص ساعة ما بتأخر والله بدي جبلها شوية تياب و عطور واكل والعاب وكتير اشيا..
- كل هادددد!😂😂😂 ماشي خليها عندي..
- ما تخلي حدا ياخدها بليييز وضلك بالمكتب ما تطلع ابدا لانو بلكي حدا فات وخطفها ...
- لا تخافي يا ماسة روحي وارجعي ورح تلاقيها...
ذهبت ماسة الى السوق واشترت لها بعض الثياب الجميلة ومشط وقصص والعاب وعطور و كريمات للجسم والشعر فقد كانت ماسة مائلة جدا للاطفال ومحبة لهم ...
رجعت الى الشركة مع اكوام الاشياء فلم تجد تيم ولا الفتاة ، وبدأت تجول المكان وتبحث عنها ولم تجدها فرجعت الى المكتب وبدأت تبكي ...
دخل تيم مع الفتاة ووجد ماسة تبكي تقطع قلبه لهذا المنظر اما الفتاة فركضت إليها وقالت لها : ليش عم تبكي ؟ نظرت ماسة اليها غير مصدقة وقالت: جوري💗 واحتضنتها ..
اقترب تيم وقال لها : ماسة لي عم تبكي؟
ماسة: فكرت جوري ضاعت لانو صرلكن كتير مختفيين فكرت فقدتها وما رح ارجع شوفها..
تيم: لا تخافي كانت جوعانة ورحنا نجيب اكل ..
جوري: أه رحنا نجيب اكل.. ما تخافي.
ماسة: تيم ممكن توصلني عالشركة بدي ارجع بسيارتي عالبيت ..
تيم: ما تخافي رجعت سيارتك عالبيت و هلأ انا بوصلك..
ذهبت هي والطفلة والاغراض وتيم إلى السيارة ...
تيم: شفت اليوم سلمى متخانقة مع كريم الك ايد؟
وضحك ضحكة جانبية ثم اردف: ممكن انت بتغاري علي من مرتو التانية ولهيك بتحاولي تشلبكي بينهم؟
هو كان يعرف الجواب ولكنه كان يحاول استفزازها
ماسة: الي ايد، بس مو للاسباب الي انت زكرتها بالعكس انا بدي كريم وسلمى يضلو مع بعض ويشبعو من بعض ويا سيدي يتهنو اخر همي، بس انا بدي اتطلق وهي غايتي الاولى والاخيرة، تصور انو طلعت انا الزوجة التانية 😂😂 يعني هو تزوجها قبلي بس عرفي ، اليوم حطيتو قدام قرارين يا اما يطلقني بإرادته يا بلغصب مع معرفة ابو ، و وضحتلو انو ما بدي منو شي.
تيم انا عنجد ما بدي غير انو يطلقني واتحرر من قرفه وقرف سلمى مع انو ما رح ارتاح من سلمى على طول... آخخخ
تيم: لي ما رح ترتاحي منها؟ ما انت رح تطلقي من كريم وتكملي حياتك شو المانع؟
نظرت له لا لن تقول انها تريده وسلمى دائما عائق اما هو ففهم من نظراتها الفاضحة..
تيم: اه فهمت هي ما بدها اياكي حولي..
أومأت وأكملوا طريقهم بصمت..
وصلت ماسة لبيتها وحضرت صغيرتها جوري لحمام جميل...
نظفتها من اوساخ البشر وقرفهم وسوء معاملتهم ومشطت شعرها ليكون انعم واطهر من بعض الناس في حياتها جدلته وبان كسنابل القمح ...
أطعمتها ثم بدأت تتكلم معها لتعرف عنها معلومات اكثر وتعرف ما عاشته هذه الطفلة...
جوري: بتعرفي خالتو ما...
ماسة: ماما ماسة..
- بتعرفي يا ماما ماسة انك بتشبهي ماما كتير... مو كتير بس بتشبهيها ..
- عنجد؟ وينها هلأ؟
- بابا قلي انو ماما راحت عالنار وما رح ترجع لانها كانت ما ترد على بابا و تخلي يعصب ويضربها مشان هيك راحت عالنار وقلي اذا انا بخلي يعصب رح روح
عالنار متل ماما..
- كيف عرفتي اني بشبهها اذا ما شفتيها؟
- ماما ماتت لما كان عمري سبع اشهر وقلي بابا اني بشبهها و ورجاني صورتها ..
- وين بابا؟
- بابا و خالتو سالي راحو بالسيارة واجت الشرطة حكتلي انو بابا طلع هالسما مع خالتو سالي وما بدو يرجع كمان.. واخدونا عالميتم بس انا هربت لانهم ما كانو يعاملوني منيح ..
- قبل قدي بابا وخالتو سالي طلعوا عالسما؟
- قبل تلت اشهر...
- بدك اقرالك قصة؟
- اه اه ماما ماسة...
- يلا يحلوة مشان ننام.
***********************************
هاي يحلوين رجعتلكن وما خلفت بوعدي وكتبت بارت طويل وفيو احداث حلوة .
شو رايكم؟
وحلو انو صار في جوري بالقصة؟