انتقام انثى

جزء 20

خرجت من الغرفة بعد ان نامت جوري، وجدت سلمى امامها...

سلمى: شكرا عاللي عملتي بيني وبين كريم..
عم بتخربي علاقتي بكريم كرمال تبيني قدامو الملاك الطاهر ... رح ندمككك!

ماسة: انا ما عملت شي كل الي حكتلو انو مو مستعدة كمل اكتر بهالجوازة الي من اول يوم كانت كذبة وبدي اتطلق بعتقد اختصرت عليكي الطريق..

فتحت سلمى عيناها بدهشة كبيرة وقالت: شوو!؟ قلتيلو تطلقوا؟

ماسة بثقة كبيرة: بالضبط😊

سلمى بنظرة نجسة: لي غيرتي رايك؟ ولا حليلك الجو مع تيم😂😂

ماسة: سلمى كإنو لازمك كمان كف غير اللي اكلتي الصبح؟ لانو لسانك عم يطول..

انحرجت سلمى ومشت ماسة بخطوات واثقة نحو المطبخ جلبت الماء قاطعها صوت رجولي: ماسة.
نظرت اذ به كريم..

- تفضل؟
- انا يمكن بأخر هالسنين تعاملت معك بطريقة مو منيحة و لحد هاللحظة انا ما بحبك كزوجة لكن انا بحبك كأختي ، كصديقتي الطفولة ، كمرشدتي العاطفية الي كانت تحاول تحل مشاكلي لما كنت حب سلمى وهي ما تبادلني ، كالوحيدة الي بشاركها المر قبل الحلو .... انا بعرف بهالسنة وقفتلك حياتك تقرببا ..

- بتحبني كأخت وصديقة طفولة ومرشدة عاطفية؟! قصدك لما كنت كريم اخي وصديقي ومرشدي مو لما اتهمتني اني عم خرب علاقتك مع سلمى بحجة اني بحبك! مو لما كنت تيجي تبهدلني واحيانا كتيرة تحكي علي لولاد ولناس، مو لما تقاطعنا وانا بأشد الحاجة الك، فبلا العلاك تبع اختي وصديقتي ومنو..

- انا اسف.. انا فكرت اليوم ورح طلقك بإذن الله بس ممكن نضل نحكي ؟ نضل نفكر ببعض ونرجع متل زمان؟ ممكن؟!

- ما بعرف يا كريم بس بالاخر رح تضل اخي وسندي بس بدي وقت..

- معك كل الوقت... ايمتى بدك نتطلق؟

- حدد موعد بالمحكمة و خلينا نتطلق بأسرع ما يمكن...

- حاضر..

كانت سلمى تستمع لكل كلمة وتقول بداخلها: ما بدو يتركها هاد بلش يحبها لازم اتصرففف!!!

دخلت سلمى وقالت: حبيبي كريم انت هون عم دور عليك..

كريم: ليكني هون مع ماسة ان شاء الله رح نتطلق..

سلمى: مممم، صحيح ماسة شو هالمشكلة يلي صايرة معك انت وسليم؟

كريم: اي مشكلة؟

سلمى: ما شفت كيف وجه سليم مخربط من تيم؟

كريم: الاستاذ تيم كمان؟

سلمى: اه شايف... شو هالمشكلة الكبيرة يلي تدخل فيها تيم؟

ماسة: سليم كان عم يضرب بنت صغيرة لانها عم تشحد قبال الشركة وانا اتدخلت فضربني سليم بس ما سكتتلو واجا تيم وهيك..