انتقام انثى

جزء 35

مايا: لك اه هي تيتا امو لبابا. رجعت من السفر جديد.
ماسة: عننننجددد!!! واحمر وجهها خجلا لانها تذكرت ما قالته لها.
اما الجدة فقد نظرت لها بإبتسامة عكس شخصيتها.
جاء تيم و ميرنا من بعيد فنظرت له ماسة بغضب..
ميرنا: ييي تيتا شو رجعك؟
الجدة: هيك الاستقبال؟
تيم: لا نيللي مو هيك..
حضنت الجدة تيم وقالت: اشتقتلكن كلكن..
ونظرت الى ماسة ثم قالت بتساؤل: لكان مين هي الحلوة؟
نظر الجميع بإستغراب فهي معروفة بقسوتها وبرودها ولكنها الان حنونة، هي ليست حنونة سوى مع من يحترمها وترى ان معدنه طيب.
فمن الطبيعي ان يستغربوا عند رؤيتها تحن على ماسة.
اقترب تيم من ماسة وامسكها من خصرها وقال: هي ماسة خطيبتي..
ضحكت الجدة : هاد هو خطيبك لكان؟😂 لي عم تعذبها يا تيم؟
تيم: انا عم عذبها الله يسامحك يا ماسة.
ماسة بهمس: اه وكتير.
ادركت الجدة كل شيء فهي ليست غشيمة عن ان ميرنا تحب تيم..
جلست على الطاولة بعد ان قام الجميع بالترحيب بها وجلست الى جانبها ماسة...
نيللي(الجدة): لكان إسمك ماسة، على فكرة اسم على مسمى💕
- شكرا كتير 💕❤
- انا اسمي نيللي.
- عاشت الأسامي💕
- لكان حفيدي تيم هو اللي متعبك 😂
- لا لا تيم متل الفل😳
- ههههههه شو مهضومة، انا بعرف انو ميرنا غيورة وبتحب تيم من وهني صغار ... بس هو ما بحبها.
ولانو كتير حاولت معو فكر يجرب معها شي سنة ويكسرها فتكرهوا بس ما كرهتو ابدا!
- اه ، بس هي بتضل تجرحني وتقلي رح اخد تيم ورح يكون اللي...
- انا ما بقولها عادة لانو هيك بصير ضد حفيدتي بس.
حاربي مشان تيم..
- هيك برايك؟
- اه، لما كنت حب جدو لتيم الله يرحمو، كانت جارتنا تحبو.. وكل يوم تبعتلنا اكل مشان المثل الكزاب..
"اقرب طريق لقلب الرجال، بطنو" وانا ضليت زود للصحن فلفل او شي يخلي طعمتو مقرفة لحد ما عزمتو عندها عالبيت وانكشفت انا..
ولما رجع صار يقلي غيورة وبالاخر قلي الله يسامحك مهني مع او بدون الاضافات طعمتهن بتقرف.
ضحكت ماسة كثيرا فتأملتها وهي تضحك..
- بنتي ماسة، بتعرفي انك بتشبهي وحدة لما كنت روح عشي قرية كنت شوفها وصديقة معها! بس هي بدون غمازات، يحرام قديش جوزها كان يضربها لما كانت حامل.. ولما ولدت في الي بقولوا ماتت وهي عم تولد او قتلها جوزها او هربت من جوزها، بس شو كان عندها بنت بتجنن..
- يحرام، الحمدلله على كلشي...
-  وهلأ حاربي كرمال تيم.
وقفت ماسة و ذهبت بإتجاه تيم وقفت بجانبه و كانت امامه ميرنا ،امسكها من خصرها وقربها اليه و بدأ يشتم عطرها ..
- بعدو الحلو زعلان؟
- اه يعني عارف انو الشي الي عملتو بزعل..
- ولسا الاشياء الي رح اعملها رح تغاري اكتر..
- والله! هيك لكان يا تيم ، ما بحبك انا، انت حيوان.
- كزابة.
- لا مو كزابة، انا ما بحبك اشبع بميرنا.
والتفتت حتى تذهب ولكن أمسكها تيم وردها إليه فإرتطمت بصدره ونظرت له بعينين غاضبة مضحكة ولكن امسك نفسه وقال: لك انت غبية شي؟ انا بحبك انت يا حيوانة افهمييي!
- وانا كمان .
- طيب؟
- ولشي رح ضل معك لآخر هالحفلة واذا بتقرب منك هالمصبغة رح اضربها فهمت!
- اوك لا تعصب يا قمر😂
- مستفززز!
ضحك تيم ثم امسكها من خصرها بقوة وقال: بحبك💕
- ممم بفكر بالموضوع😂
- هيك لكان، بس نرجع عالبيت..
اقتربت ميرنا منهم ثم قالت : تيم يلا نرقص من جديد..
ماسة: لا شكرا حبيبتي ، انا رح ارقص معه.
واخذته وذهبت إلى ساحة الرقص ..
تيم: مو حرام عليكي كسرتي بخاطرها. ليكي كيف حقدت عليكي😂
- ما تبرم وجهك عني وما تتطلع عليها..
- أمرك..
- شفقان عليها قال حرام قال!
- ههههههه اه والله حرام😂😂
- مممم حرام لكان، شو رايك ترقص مع ميرنا وانا ارقص مع سامي حبيب قل..
- اسكتي احسن ما سكتك بطريقتي ، مين سامي هاد اول مرة واخر مرة بتجيبي طرف اسمو على لسانك!
- خلص عمو غيور ما رح جيب..
- مين عم يحكي!
- لي ما قلتلي انو ستك هالقد منيحة وحلوة وطيبة؟
- عنجد!؟ لما كنت عرف نيللي على حبيباتي أبدا ما كانت تحبهن ولا هني يحبوها غريبة!
- لا بالعكس كتير منيحة حبيتها..
بعد ذلك توسعت عينيها بصدمة كبيرة: نعم!؟ حبيباتك!!!! لي ما قلتلي؟! بدك تزعلني انتتت!!!
- يعني كنت جيبلها لحتى تحل عني بقصة الجواز من البنات الي كانوا يحبوني..
- لي انت من ايمتا رجعت من السفر؟!
- انا كنت روح وارجع..
- وما كنت تسال عني؟! ولا تشوفني؟
- سمعت انك تجوزتي.. بعتقد هاد كان كافي اني ما إسأل عنك ودور عبديل..
- يعني اذا تركنا رح تدور عبديل! عنجد انك رجال شرقي ومتخلف!
- لك شو صرلك هيك!؟
وغادرته تاركة اياه غارق بعلامات السؤال!
ذهبت غاضبة نحو جدته وجلست الى جانبها!
- قال بقلي لما تركنا راح و دور عبديل!
الجدة وهي تضحك: اه وطيب؟
- يعني اذا متت او تركنا رح يدور عبديل! شرقي شو بدي قول؟!
- هو قصدو لما تركتوا زمان لانو ما قدر ينساكي..
-  اه واذا يعني!؟
- يعني ممكن يعيدها وممكن لا!
- مممم
- هلأ ان شاء الله انبحتي كل هالبحتة لانو هيك قال!
- اه طبعاا!
- طب تيم هلأ معك وإلك لي عم تفكري هيك؟!
- ما بعرف، ميرنا ومرام وكل نساء الكرة الارضية صار بدها تيم وبتحبوا! شو هاد يا!
- وهون بتيجي وظيفتك، تحافظي علي وتهتمي فيو وتحبي اكتر وتحببي فيكي اكتر فهو ساعتها ولا وحدة رح تفرق معو لانو انت موجودة ومعبية كل الفراغات الي هو بحاجتها من اي مرأة ..
وهلأ روحي لعندو شوفي كيف شكلو صار!
وقفت ماسة تأنب نفسها على ما فعلته فهي في هذه الفترة اصبحت حساسة ان يصيب تيم اي شي يبعده عنها.
ذهبت بإتجاه تيم و وقفت إلى جانبه وإلتصقت به بمعنى إنتبه لي..
ولكن لم يعرها إنتباهه، فأصبحت تنادي عليه بهمس سمعها ولم يعرها إنتباهه فتغيرت لهجتها إلى صوت رومانسي وهي تنادي بإسمه بطريقة جعلته بشكل لا إرادي لها..
وجدها تنظر له بعيونها الواسعة العميقة وهي تبتسم بشكل طفولي يبان من إبتسامتها طرف غمازاتها.
- نعم؟
- زعلان؟
- لا!
- كزاب.
- اوك
- شفت كيف زعلان.
- شو رايك يعني؟ وحدة بتقلي يعني اذا تركنا رح تدور عالبديل متل كأنك مو واثقة فيي! وكمان بلكي ما تركنا ليش عم تتنبئي؟!
- انا خايفة نترك متل زمان ! بس خلص أسفة.
- انا عارف يا روحي انك خايفة انو نترك مشان المشاكل الي صارت معنا زمان.. ما صار شي.
- يعني مو زعلان صح؟
- انا فيي ازعل منك اصلا!
ضحكت ماسة بخجل ثم قال تيم: آخر مرة بتنادي علي تيم بهالطريقة ونحن مع ناس، لانك عم تضربي عالوتر الحساس، ومو كل مرة بتسلم الجرة يعني اليوم مشيتها وما بستك ولا عملت فيكي شي بس المرة الجاي ما بعرف شو ممكن يصير...
***********************************
ميرنا: شايف هاد العصير... بتروح وبتكبوا على الست الي واقفة جنب تيم..
النادل: بس يا آنسة.. ما بصير! بنفصل بعدين!
- ما تخاف ، نفذ الي عم قلك علي وإلك مني عمولة!
النادل: حاضر.
-  بس ليك مو هلأ يعني..
- لكان ؟!
- خلص ما تساوي الشي العصير انكب عليها بدون ما نساوي شي.😂😂😂
ميرنا بينها وبين نفسها: والله رح ندمك يا ماسة!