انت قدري *** ابو درع

طريقك قدري

قد يكون الحب جريمه والجمال جريمه ويعني وبمعنى اصح يتعرض بعض الناس الى العذاب
والاذى بسبب ما قدر لهم
وهذه قصتي فتاة متوسطة الجمال وبسيطة الحال تجمعها قصة عشق برجل جميل ذو مستوى اجتماعي مرموق
تعاني من رفض المجتمع لهذه العلاقه وكأنه
ليس من حقها ان تعشق شخص وسيم وذو مركز مرموق ولكن القدر له رأي اخر  ولا اريد ان  اطيل الوصف اليكم ابطال قصتي
*****
*****
زمزم اني فتاة متوسطه الجمال من عائلة بسيطه عندي ثلاثه اخوان حسن وحسين
تؤم ومحمد اصغر العائلة
امي ربة بيت انسانه طيبه  وحنونه بمعنى الكلمه
تزوجها والدي بعد قصة حب جميله 

عندي عمام اثنين
عمي جمال اصغر من ابويه عنده  اثنين بنات
مهجه ....وفرح متزوج بنت عمه الي جان المفروض بابا  يتزوجها لكن بعد رفض بابا
تزوجها عمي جمال لان عيبه بحق عمهم بنته يرفضها ابن عمها لهذا زوجوجها لعمي جمال
عمي اركان ..... ابو زينب عنده ولد وبنيه متزوج انسانه خلوقه وطيبه جدا تحبنا طبعا
عكس زوجة عمي جمال الي ما نست رفض بابا الها وهذا الرفض تحول الى كره وحقد علينه

..........
..........
ام زمزم ....زمزم صعدي لمي الملابس من السطح الجو صار بي هبة هوا
زمزم..... اي ماما صاعده
صعدت ركض للسطح لميت الملابس ورجعت وصلت الباب السطح واسمع احد يصيحلي مرحبا
رجعت للسطح لكيت اميره جارتنه على سطحهم كالت هلو حبيبتي شلونج
زمزم ..... هلو خاله تفضلي
اميره....... لا حبيبتي بس حبيت اسال واسلم عليج
شنو انتي طالبه
زمزم.... اي
اميره ..... بيا صف
زمزم ...... سادس اعدادي
اميره .....  ما شاء الله عندج خوات بعد
زمزم .. لا بس اني
واسمع صوت يصيح عليها يمه وينج
اميره .... من رخصتج حبيبتي
هذا ابني ياسر يصيح عليه
زمزم..... عفتها ونزلت لكيت امي صاعده على الدرج وين صرتي لو اني صاعده احسن الي
زمزم .... والله لميتهن بسرعه
بس صاحتني اميره جارتنه الجديده
ام زمزم....... وشرادت منج
زمزم .... هيج بس سلمت عليه
الام ....  وانتي شلون تسولفين من السطح
افرضي احد شافج شيكول عليج كاعده تحجي من السطوح ومنو يكول كاعد تحجين ويه مره
يمه تره الناس ما ترحم تريدين يكولون بت كمال ساكنه السطوح
زمزم.... يمه والله هي صاحتني
الام .... هذا الشي بعد ما ينعاد
والا اكلج بعد ماكو صعده للسطح
زمزم .....😑😑😑😑
الام .... سمعتي
زمزم.... صار يمه ولو اني ما سويت جريمه
كوثر.... زمزم وينكم
(طبعا ام زمزم اسمها كوثر تزوجت كمال عن قصة حب جميله كانت طالبه بالكليه وهو صاحب الخط الي يوصلها للكليه وبمرور الايام ربطهم  حب طاهر انتهى بالزواج وهذا جان السبب برفض كمال لبنت عمه )
كوثر....اي عيني جينه
الله يساعدك حبيبي
كمال .... وين جنتي البيت فارغ
كوثر ... صعدت لميت الملابس
الاب .... لعد زمزم وين
كوثر .... صعدت وياي حتى نجمعهن بسرعه
زمزم ..... الله يساعدك بابا حبيبي
الاب .... هلو باباتي شلونج اخبار دراستج
زمزم......الحمد لله
الاب ..... شد حيلج بابا لان تدرين انتي املي واتمنى تحققين حلمي وتصيرين محاميه
زمزم ..... ان شاء الله بابا
الاب ..... كوثر صبيلي غده بين ما اسبح واغير ملابس لان اريد اطلع
كوثر .... خير ان شاء الله
كمال ..... اريد اروح لجمال بلكي ينطيني حقي من ورث الوالد لان صبرت هواي عليه
و هذا الوضع العايشين بي ما عاجبني
الى متى نبقى بالاجار واني عندي حق يمه 
ولازم اخذ حقي وارتب وضعي لان متدرين باجر شنو يصير
واولادنا ما اريدهم يشوفون البهذله الي اني شفتها
كوثر .... والله كمال كل متجيب طاري الورث احس قلبي ينعصر لان اخوك جمال ما اتصور يتنازل وينطيكم حقكم
كمال ..... ليش يعني اني عندي وصية الوالد تثبت حقي وحق اركان باملاك ابويه
...............