انت قدري *** ابو درع

عيناكي امنيتي

السلام عليكم ورحمة اللة وبركاته
احاول انزل البارتات باوقات متقاربه حتى ما افقد حماسي بالكتابه
لان تدرون هذه اول قصه واتمنى تنال رضاكم
؛؛؛؛؛؛؛؛؛؛؛::؛؛؛؛؛؛
💎💎💎
ياسر...... بقيت واكف بمكاني واحس نفسي دخلت دوامه و
اكو احساس اتحرك بداخلي ما اكدر اوصفه
بس رجعت وكلت لروحي شنو السالفه ياسر
شجاك انته البنات تتمنى نظره منك
حتى هيه اصلا عاديه
مابيها شي يجذب
بس تذكرت لمعت عيونها الحزينه وتفاصيل جسمها الي نطقن حياة من لمسهن المي
رجعت لبيت ولكيت امي بعدها بالطرمه وعيونها بيها دمع استغربت رجعتي وكالت

..... ها يمه شو رجعت
ياسر .... ماكو شي بس حبيت اسأل من هاي البنيه الي سبحتيها بهدومها
اميره ...... هاي زمزم جارتنه
ياسر ....هاااا
بس اني تصورتها صغيره من شفت قلق امها
ذاك اليو بالليل
هاي طلعت مره كاعده على حيلها
اميره ..... هي طالبه صف سادس اعدادي
ياسر ......🤔🤔🤔🤔تبين اصغر من هذا العمر تصورتها طالبه متوسطه
اميره ..... اني سالتها وهي كالتلي

ياسر ..... اني راح اطلع لان تأخرت هواي
بس بداعتي مو تطلعين مي خطيه الي صار بيها من وره توديعنه
اميره .....🤣🤣🤣🤣🤣🤣
توصل با لسلامه
زمزم ...... بدلت وطلعت للدوام
ياسر ....طلعت من الباب جان اشوفها كبالي وهي تمشي سريع
وحسيتها خايفه وقلقه تقربت عليها
صباح الخير ..... اعتذر مره ثانيه على الي صار بس هاي الوالده اذا متودعني بالمي ميبرد قلبها
زمزم ..... لا ما صار شي
ياسر ..... ليش مستعجله هل الكد وخايفه
زمزم ..... مو الخط راح يفوتني
ياسر ..... ليش مدرستج بعيده
زمزم....... اي

طبعا تحاجيني بدون متباوع
بوجهي وعيونها بالكاع

وصلنه لنهاية الشارع وشفتها وكفت بس الدمعه لاجت بعينها
اني وكفت عنها بمسافه منتظر صديقي علي لان هو دائما يوصلني لكليتي من التحق
حسيت بيها تلوب
ردت اعبر عليها وسمعت هورن السياره وعلي يصيح عليه
علي ...... يله ياسر اعتذر تأخرت عليك
ياسر .... لا عادي ..
علي .....يله اصعد شبيك وين تباوع
ياسر ..... علي نكدر ننتظر شويه ياله نروح
علي ....... شنو السالفه الطالب الملتزم يريد يغيب اليوم عليك الله لو متأخر عليك بعد شويه مو جان اكلت قلبي
هاي شنو مو احجي وياك شو جنك مو يمي سالمين وين تباوع
ياسر ....دتشوف هاي الابنيه عبور الشارع
علي ...... باوعت اشوفها لكيتها زمزم روحي
كتله بتعجب شبيها
ياسر .... خطيه يمكن الخط عايفها
علي وانت شنو علاقتك بيها بس احس روحي فارت ما اتقبل فكرة واحد غيري يباوع عليها وخاصة اني منتظرها تكمل هاي السنه بفارغ الصبر حتى اتقدم عليها
وكاتم حبها بقلبي لان اخاف اصارحها وشغلها عند دراستها
ياسر ...... لك علي هاي يمكن راح ترجع للبيت
واباوع على علي نزل يركض
علي علي شنو السلفه وين رايح
علي .... شكو
.......
علي ...... نزلت ركض من السياره وعبرت عليها ..... زمزم زمزم
هي ندارت عليه بس شفت عيونها مدمعه
كتلها.....خير خوما صاير شي وليش راجعه للبيت
زمزم .... ماكو شي بس ابو الخط رايح وعايفني
علي ......زين ليش تبجين
زمزم .... عندي امتحان مهم اليوم وبعد ما الحك اروح للدوام
علي ..... امشي اني اوصلج وان شاء الله نوصل قبل ميروح الوكت عليج
زمزم ..... هاااا مو
علي .... شنو مو موتكولين امتحان مهم
زمزم .... اي بس بابا
علي لتخافين اني اتصل بعمو واشرحله الوضع
وهسه يله راح تتأخرين اكثر
زمزم .... اوك
ياسر .... الموقف الصار حيرني شنو علي ركض عليها ووكف سولف وياها عادي
واني قبل شويه من حجيت وياها ما رفعت عينها وباوعت بوجهي
وشنو هاي شو عبرت ويا جايه للسياره
علي ..... ياسر اذا مابيها اشكال نكدر نوصل الاخت للمدرسه ياله اوديك للكليه
( طبعا ما اكدر اكول اسمها لياسر لان احسها من ممتلكاتي )
ياسر.... لا عادي ماكو اي اشكال وخاصه اني سبب تأخيرها
علي .... من كال هيج احس الدنيا ضاكت بعيني
واول ما حركت السياره لمدرستها درت المرايه على عيونها الي ابد ما رفعتهن
واني ادعي يارب تشيل راسها بلكت تجي عيني بعينها وتشوف لهفة قلبي عليها
ياسر....... من مشت السياره حسيت بعلي
وشفته شلون دار المرايه عليها
كتلها هاي بعد شتريدن تأخرتي بسببي
وراح اتعاقب بسببج 😂😂😂😂
زمزم.... من سمعته هيج كال نحرجت
وما عرفت شجاوب
بس علي جاوبه ..... معود قابل انت هاي اول مره تتأخر ومنو يكدر يعاقبك وعمك موجود
زمزم...... رفعت راسي وشفت عيون علي اجن بعيني خجلت ونزلت راسي بسرعه
لحد ماوصلنه للمدرسه نزلت وكتله شكرا علي
علي .... اني راح انتظر شويه
لحد متدخلين المدرسه
ياسر ....نزلت بس احس روحي تبعت روحها وعيوني سبقن خطواتها لحد ما دخلت من باب المدرسه
باوعت وقريت اسم المدرسه وحفظته بس شنو السبب ما اعرف
علي ..... ياسر اعذرني لان أخرتك عن دوامك
ياسر .... سوق سريع حتى نوصل بلكي نلحك على الوكت وصير المنقذ للعبد الفقير من العقوبه مثل ما نقذت زمزم من التاخير
علي .... شنو منين تعرف اسمها
ياسر....عمي مو كتلك اني سبب تاخيرها
وحجيت لعلي السالفه كلها وليش اني نقهرت عليها من رادت ترجع لان حسيت اني المذنب