انت قدري *** ابو درع

حيرتني

💔💔💔💔
السلام عليكم
طبعا هذا القلب يوصف حال علي من زمزم صدمته وكالت 💔💔

(علي لوتبقى اخر واحد بالدنيه ما افكر احبك )
علي....... كالت هذا الحجي اني ما جاوبتها ولا كلمه وشغلت السياره وطلعت ...ومن وصلنه للشارع العام شفت ياسر واكف على الرصيف الي تنتظر خطها عليه ....باوعت عليها كل امورها تدهورت وعيونها رادت تطلع من مكانها وتروح عليه ..
كتلها ...تحبي
زمزم ....شنو
علي ....ياسر تحبي
زمزم ... علي هاي شبيك البارحه تكلي احبج ...وهسه تكلي تحبين ياسر شكو صاير شي ....شكالو لك قليله أدب اني
علي ...زمزم كاعد تفهمين كلامي كلش زين ...وما عاش الي يجيب طاريج بكلمه واني موجود بس جاوبي بصراحه ...هو سبب رفضج الي
زمزم .....علي انت مثل اخويه.......واتصور هذا السبب كافي حتى ارفضك
علي..... اني مو اخوج هذا الشي لازم تعرفي كلش زين ...وانتي البارحه لو قابله احجي وياج بهدوء جان ما صار هذا الموقف السخيف ولا ....سحبت ايدج بهاي الطريقه ثقي بقيت للصبح ألوم بنفسي
زمزم ......اني لحد هاي اللحظه ما مصدكه الي سويته البارحه ...علي بابا واثق بيك ...ليش هيج تسوي
علي ....شنو الي سويته ...غير حرصي.....وخوفي ......وواجبي أن احافظ عليج
زمزم .....من شنو تحافظ عليه غير افهم

علي ..... زمزم ...من الاخير اني طلبت ايدج وابوج وافق ...لهذا انتي مالتي ومو من حقج ان تتجاهلين وجودي بحايتج
زمزم .....شنو طلبت ايدي ....انت فاهم الي كاعد تكوله ..شنو يعني
علي ....يعني انتي عن قريب راح تكونين زوجتي ..على سنه الله ورسوله
زمزم ......انت اكيد بلا وعي
علي ....ههههههههههه ليش بلا وعي لان ما تلاعبت بمشاعرج ...ولا ضحكت عليج بكم كلمه ...مثل المراهقين......وانتظرتج بباب المدرسه لو يم الخط .......لان كتمت حبج بداخلي خمس سنوات وما تعديت حدود الأدب ....لان شفت بيج كل بنات الكون واكتفيت بس برضاج ....لان
زمزم.......علي كافي الله يخليك نزلني احس نفسي اختنكت ...اريد امشي شويه لحد المدرسه
علي ......زمزم بس اريد افهم ليش ...شنو ناقصني ...
زمزم .....انت ما ناقصك شي بس اني ما اريدك
علي ....لعد تريدين منو
زمزم ......ما اريد ...احد نزلني الله يخليك ...لو افتح باب السياره واشمر نفسي
هسه
علي .....(من كالت اشمر نفسي خفت عليها .....وشي ثاني حقها ...الظاهر ما عدها علم بموضوعنا نهائي )
ركنت السياره كتلها نزلي .....
زمزم.....ولتجي بالطلعه ارجع وي البنات بالخط
علي .....لا اجي لان ابوج يدري اني اوديج وارجعج ...وو ....ابد لتضوجين من كلامي بس حبيت انطيج علم ومو غلطي اهلج ما حاجين بالموضوع وياج .......
عافتني ومشت واني بقيت واكف اباوع عليها ...... لحد ما تعدت مسافه ..... نزلت مشيت وراها خفت توكع لو يصير بيها شي لان حيل ضغطت عليها بالكلام
وصلت للمدرسه ...ودخلت وابد ما حست بيه متابعها .....بس الظاهر جانت تبجي لان كل شيويه تمسح عيونها .....اخخ ..منين طلعلي هذا ياسر اخخ

زمزم .....من علي كال طلبت أيدج وابوج وافق ...الدنيا ظلمت بعيني وكمت ما اشوف واحس نفسي ضاك ....لهذا نزلت من السياره لأن بعد ما اتحمل اسمع صوت علي ولا اشم عطره الي .....تارس السياره
اول ما مشيت خطوه حسيت الدموع كامن ينزلن بدون ما اسيطر على روحي ......بقيت ابجي وما حسيت اله واني بباب المدرسه ....