انت قدري *** ابو درع

هاجس الخوف

مساء يبدأ بالخير بلقاءكم وينتهي بالخير بتصويتكم من اجل استمرار تدفق افكاري
والفضل لكم بالدعم المتواصل يا رب
........ ✏✏✏✏

زمزم ..... سمعت بابهم نفتح وصوته يكلي مساء الخير
احس ما ادري شصار بيه قلبي يدك سريع ووجهي صار جمر واخاف التفت واشوف وجه وعيوني تفضحني ويشوف لهفتي لشوفت عيونه اووف لو يدري اني رجعت الطريق كله ادعي بس كون اشوف لو المح طوله نوب يحاجيني يارب ساعدني
التفت
مساءءء النور
ياسر ..... بلا زحمه ممكن تصيحلي الوالده
زمزم ..... امي
ياسر ...... ههههه ليش عندج ام ثانيه غير الوالده
زمزم ......😶😶😶 لا هسه ادخل اصيحها
ماما ...ماما
كوثر...ها زمزم حبيبتي
زمزم ..... اكو واحد يريدج بالباب
كوثر ......منو متعرفي
زمزم ..... هاااا ...لا ما اعرفه

ياسر .... من قررت ماروح لباب المدرسه بقيت ادور فكره حتى اكدر احجي وياها ولو كلمه وحده اريد اكون قريب منها واشم انفاسها واباوع بعيونها
وتذكرت ابوها الصبح راح للمستشفى فعندي كارت طبيب ....اختصاصه قلبيه .. كلت خل انتظرها وبحجة انطي الكارت لامها احاجيها
وفعلا انتظرت موعد رجعتها من الدوام وكعدت بالحديقه وفتحت باب الشارع فتحه بسيطه بحيث اكدر اشوفها من توصل وفعلا صار الي اريده وطلعت وحجيت وياها
وارتبكها زيد شوقي الها بس رغم خوفها وارتباكها حسيت اكو لمعه بعيونها وفرحه حسيت من خلالها اكو شي بداخله الي
بس شنو هو ما اعرف اعجاب لو
شوق مثل الي صار بقلبي وغير احوالي
ومنتبهت اله على صوت أمها
كوثر ..... ها خاله ياسر أمر
ياسر..... لا خاله ميأمر عليج ظالم بس هذا كارت لطبيب كلش زين اذا يريد عمي ابو زمزم يراجعه لان تخصصه قلبيه
كوثر ...... رحم الله والديك بس شكلك والله ابو زمزم معاند ميقبل يروح طبيب خاص يكول ما بيه شي
ياسر ..... ميصير لازم طبيب يتابع حالته
كوثر ..... والله بعد شكلك
ياسر..... اني اليوم العصر اجي اشوفه وان شاء الله اقنعه واذا قبل اني أخذه
كوثر ...... رحم الله والديك بلكي الله يهدي على ايدك
ياسر ..... ان شاء الله
من رخصتج
كوثر ..... غالي وليدي اخذ راحتك

زمزم ...... بقيت واكفه بالمطبخ حتى مكدرت اصعد ابدل ملابس منتظره ماما ترجع حتى اعرف شكو
كوثر....... زمزم بعدج ما بدلتي ملابسج
زمزم....... لا بس قلقت منو هذا
كوثر ..... شنو معرفتي هذا ياسر ابن خاله اميره
زمزم.......👀 وشرايد
كوثر ...... يعرف طبيب قلبيه زين جاب كارته حتى ابوج يراجعه
ومن عرف ابوج رافض الموضوع كال اجي العصر واقنعه
زمزم...... ان شاء الله 😋😋😋
وصعدت ركض لغرفتي حتى ابدل ملابسي واول ما طبيت ذبيت نفسي على السرير احس اريد اطير من الفرح
من سمعت امي تكول راح يجي ياسر لبيتنه العصر
نزلت وسمعت صوت بابا وعلي بالهول
دخلت عليهم سلمت على علي وشفت بابا .......
ها بابا شكالوا عليك بالمستشفى
كمال..... الحمد لله ...وضعي مستقر .....
......بابا ميصير تبقى معتمد على الفحص بالمستشفى لازم تراجع دكتور يتابع حالتك