السلام عليكم ❤❤❤
❤❤❤
علي ....يا ياسر
زمزم ......هااااااا
شنو ياسر يوووووه مو وصال صديقتي طلعت أقارب بيت خاله اميره أم ياسر ...والظاهر لان حجينه بيهم بقه الاسم ببالي
علي .... وشنو الي حجيتوا عليهم
زمزم ......هيج حجي عادي..يعني
علي .... ما تصور عادي لدرجة نسيتي أسمي هههه ( ضحكت بس لو بيدي اروح لياسر واقضي عليه لان الظاهر اكو شي بينهم اوووف ياربي شلون هسه لو عمو كمال وضعه يساعد جان طلبت ايدها رسمي )
زمزم ..... شنو علي ما راح توصلني
علي ... شلون ما وصلج وأنتي امانه بركبتي
صدك زمزم ممكن اسأل سؤال
زمزم ..... اي عادي
علي ...... شوكت تعطلون قبل الامتحانات
زمزم ....بعد ما تحدد الموعد النهائي...ليش
علي.... لا بس حبيت اعرف
ياسر ....بقه قلبي مشتعل نار شلون راحت مني فرصه احجي وياها زين وشلون تكول هذا رقم صديقتي يعني هي هسه ... بيت صديقتها لو وين
المهم تغدينا وشربنا جاي وصاحبي راح بس هو بكون وإني بكون حتى ما اتذكر شحجينا
زمزم ....وصلت للبيت ..ومن نزلت من السياره ....شفت علي ركن السياره وراح لبيت خاله اميره .... شنو هذا شراح يسوي
معقوله راح يتأكد اذا صدك هم اقارب وصال لان هو مسوي نفسه الوصي علينه من مرض بابا لليوم ..
علي ...شنو زمزم مراح تدخلين للبيت
زمزم ....اي بس انت وين رايح
علي .... هااا شنو نسيتي اني صديق ياسر
زمزم .....صديقه هاااا اي ( تذكرت من وصلني للمدرسه جان ياسر كاعد ويا بالسياره ومبين عليهم اصدقاء )....شلون يا ربي خاف ياسر يسولف عن علاقتي بي اووووف اني شورطني بهذا الشئ مو جنت عايشه مرتاحه وراسي بارد .
دخلت للبيت ومية فكرة برأسي
علي ....طبعا متقصد دخلت لبيت ياسر كدامها حتى اشوف ردت فعلها وفعلا مثل ما توقعت ارتباكها اكد ضني ...بس هذا الشي ميصير اله على جثتي لان زمزم ملكي
دخلت وسلمت على ياسر عادي وسألته عن كسر رجله يعني هيج امور عاديه وودعته وطلعت والولد الله شاهد خوش ولد ومؤدب بس من توصل الشغله يم زمزم .لا يكون الي غير كلام وغير موقف
كوثر ...هاا زمزم حبيبتي اخذتي الواجب من وصال .
زمزم.....اي ماما ...محتاجه مساعده اساعدج بشي
كوثر..... لا حبيبتي اصعدي حضري واجباتج
زمزم ....اي ماما صاعده ...وصعدت طبيت لغرفه اخوتي شفت سيارة علي من الشباك بعدها واكفه ....اوووف هسه لو عندي موبايل خاص جان محتاريت هاي الحيره ...لازم الح على ماما بموضوع الموبايل لازم اشتري واحد
بعد ٣ ايام
كوثر .....هلو اركان بشر الدكتور يطلع كمال اليوم ...
اركان ....ان شاء الله بس عنده شويه فحوصات يكملها ونطلع ..... ام زمزم حظري أكل لكمال بس بدون دهن
كوثر .....اي عيني
اركان .....من رخصتج يابه جمال كاعد يتصل بيه
كوثر.... اخذ راحتك ابو زينب
جمال ..... ها اركان شنو القصه ويامن جنت تحجي
اركان ....احجي وي ام زمزم ..لان راح اطلع كمال لبيته
جمال .....اي الحمد لله ..لتطلعون اني اجي اوصله
اركان ....لتعب نفسك اني اتصلت بعلي وهسه جاي بالطريق
جمال .... يا تعب اركان شنو القصه ....وبعدين سيارتي حديثه ويرتاح بيها اكثر
اركان..... مو
جمال .....بدون مو اني جايكم لتطلعون الا اوصل .....طلعت من المكتب وبالطريق فكرت اسوي مفاجئه لمهجه ..... رحت لمدرستها واخذتلها اجازه من المديره وطلعتها
مهجه ..... بابا حبيبي قلقتني . ... صاير شي
جمال .....لا حبيبتي ماكو بس الخير ان شاء الله
مهجه ..... غير اعرف وين رايحين
جمال .... حبيبتي وصلنه ما بقه شي
مهجه ...... بابا شو وكفت شكو منو بالمستشفى عفيه ...كولي الله يخليك
جمال ....مهجه انتي مو تريدين تشوفين عمو كمال ....
مهجه....... اي
جمال .....هسه راح نطلعه اني وياج من المستشفى نوصله لبيته لان الحمد لله وضعه استقر والدكتور سمحله يطلع للبيت
مهجه .....😘😘اموووه بابا حبيبي يا ابو قلب الطيب الله يخليك الي
جمال .....ويحفظج حبيبتي ...يله تره راح نتأخر ونلكاهم طالعين ههههه
نزلنا من السياره ....وشفت علي هسه واصل يعني بعدهم ما طالعين
علي .....السلام عليكم شلونك عمو جمال
جمال.... هلو علاوي حبيبي.....اقدملك مهجه بنتي
علي ..... اهلا وسهلا
مهجه ....هلو ( مهجه شفت علي ..الي عرفني بابا عليه بس ما عرف منو هذا وشنو علاقته بينه بس هو بصوره عامه ولد مؤدب حتى من سلم عليه ما حاول يباوع عليه ابد )
صعدنه ولكينه عمو اركان وعمو كمال متحضرين سلمنه عليهم .... وبابا كال نزلي الغراض انتي وعلي للسياره واني وعمج اركان راح نزل عمج كمال بالمصعد
طلعنه من الغرفه واني
شلت الغراض وعلي مقبل كال اني اشيلهن وحدي وسحب الجنطه من ايدي وصارت ايده فوك ايدي وصارت عينه بعيني ......هاي شبيه ليش قلبي كام يرجف ويدك سريع
علي من رفعت عينها حسيت مدري شصار بيه
عبالك اول مره اشوف عيون ....بس شنو عيون لا هاي بحر الي يباوع بيهن يغرك
مهجه .....سحبت ايدي بسرعه ....ونزلت الدرج قبله
علي ..... هاي اني شسويت البنيه هسه شتكول عليه ....ونزلت وراها ومن وصلت للسياره لكيتهم مطلعين عمو كمال على الكرسي المتحرك وساعدتهم وصعدو بسيارة اخو جمال
بس كعدوا وحده بالكرسي الخلفي ومهجه كعدت بالصدر
علي ..... ها عمو محتاج اساعدك بشي ..
كمال..... لا حبيبي ما قصرت
اركان ....علي اني راح اصعد وياك نوصل كمال للبيت ومناك توصلني للبيت .... لان كمال بعد ميحتاجني اليوم ينام بنص عائلته...
كمال ..... انتو عائلتي واخوتي وسندي بهاي الدنيا لوما وكفتك وياي جان اني هسه بعداد الموتي
اركان ....كمال لتكول هيج انته قطعه مني
جمال .....هااااا راح اغار صار تحيز بالموضوع
كمال .... جمال لا انتو نفس المعزه بقلبي والله شاهد بس اركان خطيه ورط نفسه بسلفه علمود فلوس العمليه ....بس كون الله يقدرني واكدر اساعده بتسديدها
جمال .... حسيت نفسي شكد صغير من عرفت اركان ما حاجي موضوع توقيعه والتنازل ....ومهجه باوعتلي بنظره زيدت قهري واحتقاري لنفسي .. بس بعدها الحلول بايدي ولازم اسوي شي يريح ضميري ....ويرجع ثقة مهجه بيه ...
وطلعنه من المستشفى واني احس ملكت الدنيا لان كمال قبل يصعد بسيارتي
وصلنه لبيته .... طبعا هاي اول مره اشوفه لان كمال ساكن ايجار ويوميه منتقل من بيت لبيت ...وقهرني حيل شكل البيت قديم وصغير
مهجه .... بابا يله خل نساعد عمو ينزل من السياره
جمال .... اي حبيبتي .....نزلت ولكيت اركان نازل من سيارة علي وساعدني ونزلنه كمال ودخل لبيته....
اركان ..... علي بلا زحمه نزل غراض كمال لان علاجه بيهن واريد اعلم ام زمزم شلون ياخذ علاجه ..
علي ....عمو الغراض بسيارة عمو جمال
جمال ....مهجه بابا اخذي مفاتيح السياره من جيبي وطلعي نزلي الاغراض انتي وعلي
مهجه .... حاظر ..( شنو القصه اليوم علي شلون ما اريد اتحاشاه يصير كدامي )
علي ..... يله مهجه فتحي السياره ( لساني يكول مهجه وعيوني تدور على عيونها )
أنت تقرأ
انت قدري *** ابو درع
Romansaقصه تحكي معاناة فتاة بسيطه المستوى والشكل تغرم بشاب جميل جدا وتصدم برفض المجتمع لهذا الحب ولكن للقدر راي اخر
