انت قدري *** ابو درع

ما هو ذنبي

مساء الحب والخيرات
الى جميع احبتي
وقراء انت
قدري

💔💔💔
💔💔
💔

كوثر .....زمزم.انتي مستحيل تصيرين لياسر وياسر مستحيل يصير الج

زمزم....ماما مافهمت شنو قصدك اكدر اعرف ليش ...
كوثر ....ماما هاي قصه طويله وقديمه ....بس احنه هسه لازم نحمي نفسنا من عواقبها
زمزم....عفيه لتحجين الغاز فهميني ليش مستحيل اصير لياسر
كوثر.....من نوصل للبيت ابوج يفهمج كل شيء
زمزم..... وانتي ليش متحجين
كوثر .....الموضوع يخص ابوج وعمامج واني ما الي حق احجي
زمزم......ما الج حق تحجين بس نطيتي لنفسج الحق بذبحي بكلامج
كوثر... اكو شيءلازم تعرفي كل الي كاعد يصير لمصلحتج
زمزم....شنو مصلحتي مثلا تزوجوني علي مصلحتي
اعوف انسان هو سبب فرحتي وسعادتي ومعنى وجودي مصلحتي
ماما ...انتي تدرين اني حسيت بمعنى الحياة من حبيت ياسر
ليش هسه تريدين تبعديني عنه وانتي وعدتيني توكفيلي حتى اخلص من هذا المصيبه علي
كوثر... كافي بدون حجي زايد

علي.....( طلعت اشتريت عشه ورجعت وسمعت كل كلام زمزم مع أمها .... معقوله تكرهني لهاي الدرجه ....زين هو بشنو احسن مني ...وشنو الشي الي يميزه عني ...واني أحبها اكثر من روحي ...وحرمت نفسي من حق السعاده بشعور الحب وياها ...لخاطرها حتى احافظ على برائتها
وهسه تعلن كرهها الي ......والله لو يبقى يوم من عمري أخذج وما اخلي غيري يلمسج )

علي ....خاله هذا العشه
كوثر ......عاشت ايدك ..زمزم يله تعشي
زمزم... ما اريد شبعانه
علي ....بشنو شبعانه وانتي ما حاطه لكمه بحلكج
زمزم.... .شبعانه قهر
كوثر .....زمزم هذا الحجي ما اله داعي
زمزم.....لا اله داعي ....شوف علي خاف عبالك بهاي تصرفاتك تكدر تجبرني اقبل بيك ...لا لا انسى ..هذا الشيئ ...اني مستحيل اكون لك لتبقى تحلم بهذا الشي
علي ....زمزم...اني كتلج تزوجيني ..كتلج أكلي لان وجهج صاير اصفر
زمزم.....انت ما لك علاقه بوجهي يا رب اموت واخلص من هاي الحياة
كوثر.....زمزم.كافي
زمزم.....مو كافي واسمع علي تدري اني ليش اكرهك ...وما اريد لأن احب ياسر واموت عليه
كوثر...زمزم✋✋...كافي ولا كلمه بعد
علي ....لالاا خاله هاي ليش هيج اني ما اقبل عوفيها براحتها
زمزم......هسه انت ارتاحيت فارض نفسك علينه وصاير تابع النه مثل ضلنه اخجل شويه كافي ...ما اريدك حس شويه ما اريدك
كوثر.....زمزم........كافي انتي شنو بعد فقدتي الأدب
زمزم... لا فقدت عقلي من وراكم ....شنو اني لعبه تنطوي بكيفكم
علي ....كافي زمزم...ارتاحي شبيج شنو هذا الشي الي ثار اعصابج
زمزم.....وجودك بحياتي دمر حياتي
علي ....خلص اني راح انسحب من كل حياتكم بس انتي ارتاحي
زمزم....احسن والله ....وعفتهم وصعدت لغرفة اخوتي اباوع من الشباك بيتهم بعده اظلم
اوف يا ربي والله لو موجودين اروح عدهم وبعد ما اطلع من بيتهم لو تنكلب الدنيا

كوثر ....علي عوفها لتهتم لكلامها وعمك كمال صاحب كلمه وهو كدها ...ان شاء موعد خطوبتكم نفسه واتمنى هذا الشئ الصار يبقى سر بيناتنه
علي .... ( من أمها كالت هذا الحجي حسيت نفسي ملكت العالم ...يعني هي ملكي بدون ما اقاتل وموضوع ياسر محسوم بالرفض )
خاله ....انتي شنو الي تعرفي عليه اني ربيت على ايدكم وان شاء الله ماكو غير الخير
وزمزم...حقها المفروض تاخذون رأيها مو هيج الموضوع ينطرح عليها
كوثر ....والله خاله ما ادري شكول بس هو الصار صار
وهسه خل نطلع حيل تعبنه
علي ....اي ماشي على راحتكم
كوثر ...شوف علي احنه جمعنه الاشياء المهمه باجر اذا تكدر جيب عمال وتعال انت والولد وجمعوا الغراض الباقيه ووصلها للبيت الجديد
علي .....سهله باجر كلشي يترتب