انت قدري *** ابو درع

بداية ...النهايه

مساء الحب ....شكرا لجميع متابعيني🌼🌼🌼🌼🌼🌼🌼🌼🌼
🌼🌼🌼🌼🌼
🌼🌼🌼
🌼
🌼

زمزم.....قصدك شنو
علي ....عرفتي قصدي كلش زين
زمزم .....علي يعني هذا كلام واحد يكوله لزوجته بليلة عرسهم
علي .....هههههههه أنتي مقتنعه بعرسج هذا لو شنو
زمزم.....طبعا لا.... بس غير الظروف حكمت وصار هيج
علي .....عفيه الظروف حكمت ...وهاي الظروف ما راح تجبرني أتقبلج ..بعد كل العذاب الي شوفتي اليه ...ورفضج المستمر برغم تمسكي بيج
زمزم.....لعد ليش قبلت تزوجني
علي ....أسباب هواي ...أولهم ...نطيت كلمه لأبوج..ولازم أوفيها .....وبعدين شلون تقبلين إني أحبج ٥ سنوات..... و تحبين واحد غيري ....وترفضيني بكل صلافه......وتسوين نفسج فقيره برأسي....وأعوفج اله  بكل سهوله 
زمزم....علي شبيك ..ليش هيج تغيرت
علي ...إنتي السبب....
زمزم.... هسه أني وين ...مو بغرفتك وزوجتك ...وإذا على الحب صدكني راح اعيشك حياة حلوه ....وبلكي ربك يرزقنه بطفل ...يربطنا بعلاقه أقوى من الحب صدكني
علي .....شوفي نفسج أبد مكدرتي تكولين راح أحبك واعوضك .... لآن...إنتي تعرفين  انتي  مستحيل تكدرين تشيلين ياسر القذر من رأسج .....وعلى شغلة الولد أريد افهمج  ....هذا الشيءمستحيل يصير لأن أني ما آكل...فضلات غيري....وصدك نطيني الموبايل لأن بعد ماكو داعي اله 
زمزم....علي شبيك
علي ....ما بيه ...شوفي ملابسج  بيا... كنتور ...ويله نزعي بدلتج .... وطفي الضوه لأن..اني تعبان وأريد انام
زمزم.....برغم قهري من أسلوبه بالكلام وياي ..بس فرحت لأن ما راح يتقربلي اليوم ...كمت طلعت ملابسي ....ودخلت للحمام...نزعت بدلتي ..وغسلت  جسمي الله  شكد ارتاحيت ....نشفت شعري .. ولبست بجامه ....
طلعت لكيته  نازع قاطه وشامره كل قطعه بمكان ....لميتهن ...وعلكته
وسحبت الفراش إلي بالكاع ...ونمت عليه
علي ...من طلعت من الحمام ...شفتها لابسه بجامه...عاديه ....ما تلفت الإنتباه أبد ...وسحبت الفراش ونامت بدون أي تعليق على كلامي وياها....كلت معقوله إلي ببالي صدك ...وياسر معتدي عليها ...وهسه أني سهلت الموضوع من......... رفضت أقترب إلها هسه  شلون أكسر كلمتي وأروح عليها
زمزم....حطيت رأسي على المخده ...وبجيت من  كلام علي إلي جان كله تجريح ...واتهام....وطعن بشرفي بس شنو بيدي أسوي قابل اروح اطلب منه هذا الشيء.حتى أثبتله أني شريفه ..شلون ياربي شوكت أفرح..... ونمت ما حسيت الى على صوت أمه تدك بالباب

ياسر.....بعد ما حظنت زينب رجعنه لفراشنه ونمه ثنينه لأن الليل كله ما نايمين ...وهي خطيه تقرفصت بحظني مثل الطفل إلي مشتاق لحظن أمه ...معقوله تحبني هذا الحب كله ..(.اووووووف يا زينب شكد أتمنى أنسى كلشي ونعيش مرتاحين وكل ماكول نسيت يجي شيءويصحيها بداخلي وهاي المره إنتي السبب)

كوثر.....بقيت الليل كله ما نايمه والوب شلون لو طلع ...بيها شيء....يمه معقوله افز الصبح على صوت علي وهو مرجعها إلي ...يارب الستر منك وانت خير الساترين ( وحتى عمها أركان ما خليته يروح  كلت كلشي يصير وإني ما اتحمل الموقف )
نجوى ....صباح الخير كوثر....أركان يكول هم تروحين لزمزم الصبح
كوثر.....هااااا أي ..بس خل إتصل عليها...( اتصلت اكثر من مره جهازها مغلق)
نجوى...  عيني ...إذا تريدين تروحين يوصلج أركان ..واني ابقى بالبيت ......ليظل بالج
كوثر....زين لعد بس أحضر نفسي
اركان ....طلعنه..... بالطريق سألت ..كوثر ...أشتريتي هديه لزمزم...
كوثر ....هااا والله اركان من قلقلي نسيت اشتري
أركان .....كوثر قلقج على شنو ...تره أني ما قابل على هذا الزواج بهاي الطريقه....شفتي أمه بدون متعرف اي شئ ..... شكد حجت ...زين إذا طبيتي أيدج فارغه شلون تريدين تصغرين زمزم...
كوثر .....هاا لعد نرجع ونجي غير وكت
اركان ....لا ..هسه من الطريق نشتري ريوكها ...ونشوف اذا اكو صايغ بطريقنا تشتريلها قلاده
كوثر....بكيفك ( وبداخلي ...عليمن القلاده هي لو مبشره بخير جان وصلتنه أخبارها )... اوووف شيوصلني إلها
اركان ....يله نزلي اختاري القلاده 
كوثر.....عوف شغلة القلاده بعدين من تبشر
اركان ....ان شاء الله مبشره وبشارتها خير
كوثر ....يا رب ...ونزلت اختاريت قلاده مكتوب عليها اسم الله لفظ الجلاله حتى يحرسها