انت قدري *** ابو درع

في حياتي انت

السلام عليكم ...
❣
❣

كوثر.......ويامن كاعد تحجين
زمزم .....👀👀
هاااااا ..ماما قابل ويامن احجي غير وصال
كوثر ..... سدي الموبايل وتعالي وياي ..............زمزم.... ماما شكو

ياسر .... احجي وياها وسمعت أمها تحجي وتكلها سدي الموبايل وتعالي ....ما ادري شصار بيه سديت الموبايل وعقلي كله ظل يمها

كوثر .... نكدر نحجي بصراحه لو راح نلف وندور بالحجي ...
زمزم .... ماما غير افهم على شنو نحجي
كوثر ...ويامن جنتي تحجين
زمزم ....والله خابرت على وصال .... حتى تحجز رقمي وحتى كالت اذا تردين تعالي انزلج البرامج
كوثر ....وانتي تكولين لوصال حبيبي
زمزم ....هااا اني كتله حبيبتي بس احتمال انتي سمعتيها غلط
كوثر .....ماما زمزم.. اريد تفهمين سبب رفضي للموبايل...الدنيا بعد مابيها أمان وهواي نسمع مشاكل صارت بسبب الموبايلات ...حبيبتي ديري بالج على نفسج ولتنغرين بسوالف البنات .... واريد تعرفين شي واحد البنيه مثل الالماس كلما حافظة على نفسها صارت اغلى واغلى ....
زمزم .... ماما حبيبتي قابل اني صغيره
كوثر ....هو لأن انتي مو صغيره اخاف عليج حبيبتي .....
زمزم .... ماما تريدين ارجع الموبايل لبابا حتى يزول قلقج وترتاحين
كوثر..... لا ماما هذا القلق عادي ومن تصيرين أم تذكرين هذا الموقف وتعرفين السبب الي يخليني اخاف عليج
زمزم ....😘😘 بست ايد ماما وحظنتها (بس والله قلبي احس راد يوكف من خوفي ان تكون سمعت شيء من مكالمتي بياسر )
كوثر ....(حسيت زمزم كذبت عليه وهذا الشي واضح من ارتباكها .. وشي ثاني بعده موضوع الرساله قالقني بس ما اكدر اضغط عليها..... وخاصه هي فترة مراجعه وامتحانات...بس على كل حال حذرتها بصوره غير مباشره واتمنى الله يحفظها )
ياسر .....ضليت الوب شلون اعرف شصار بيها
🤔🤔.....يمه يمه
اميره ..... ها حبيبي
ياسر..... شنو القصه منروح لبيت ابو زمزم
اميره ....يووووه والله الشغله تاهت عن بالي والتهيت بجيت عمامك
ياسر ... نروح هسه
اميره ..... هااا براحتك ....
ياسر اتحظري واني هم راح اتحظر .....
اميره ....دكيت الباب ..
وسمعت صوت رجال صاح منو ....ياسر إني عمو اركان
اركان ...اهلا وسهلا تفضل ابني
اميره ....دخل ياسر واني دخلت ورا
كوثر.... يا هله بأم ياسر تفضلي عيني تفضلي
اميره ....دخلنه للمطبخ
كوثر ..... شنو هاي الزحمه ليش مكلفين روحكم
اميره ... والله هذا شي بسيط واحنه هواي مقصرين بحقكم ....لعد زمزم وين شو ما الها صوت
كوثر ....والله هاي من تجي من الدوام لحد متنام بالغرفه تراجع ...اذا الله سهل قربت امتحاناتهم
اميره ....الله يسهل ويوفقها يارب ....
كوثر......الله يفرح قلبج بتخرج ياسر يا رب
اركان .....ام زمزم صيحي زمزم خل تسويلنه قهوه
كوثر .... اي عيني ....زمزم ..زمزم
زمزم.....نعم ماما ...نازله ....ونزلت اركض على الدرج وتفاجئت بخاله اميره كاعده يم ماما .....(اوووه واني لابسه بجامه بسيطه وحتى شعري هوسه 😶😶)
هلو خاله شلونج
اميره ....هلو حبيبتي انتي شلونج ....عمج طلب القهوه من ايدج لازم تضبطيها
زمزم ... هاااا اي اني احب القهوه لهذا اسويها مضبوطه
كوثر ....يله لعد سويلنا قهوه وحسبي حساب عمج ...وياسر ..كاعدين يم ابوج
زمزم .....اي ماما هسه لحظات وتكون جاهزه ...وطرت للمطبخ مثل الطلقه ...اووو كون عمو يصيحني ادخل القهوه
اميره ..... والله احنه على اساس من البارحه نجي نشوفكم .....بس اجو عمام ياسر من العماره وبعد ما رهمت
كوثر ..... هااا جايين علمود ياسر
اميره .....اي والله سامعين بكسر رجله واجو خطيه
كوثر ..... الله يديمهم خيمه على راسكم
اميره .....اي والله هم خيمتنه ....من يوم وفاة ابو ياسر لليوم ما مقصرين ويانه
كوثر ...... احنه اهلنه هم كلهم بالعماره اهلي واهل كمال ......بس من زمان نكطعت علاقتنه بيهم ....
اميره ....شعجب
كوثر....يعني ظروف ومشاكل ....اهلي كطعوا علاقتهم بيه من اختاريت كمال واصريت على زواجي منه .... وبعدين وره فتره قليله اجينه لبغداد ونكطعت العلاقات بيهم نهائي.
اميره ....الله يصفي النفوس
كوثر ...آمين....بس اخوة كمال اثنينهم ببغداد والحمد لله علاقتنه بيهم طيبه
اميره ....الاهل ينرادون باي شكل من الاشكال هسه اني عندي بنات خالتي ببغداد من احتاج شي لو اضوج اروح يمهم ... حتى وحده من بناتهم صديقة زمزم
كوثر .....زمزم ما عدها هواي صديقات ....اكو بنيه اسمها وصال هي اقرب صديقاتها
اميره.......ههههه هي لعد وصال امها تصير بنت خالتي
كوثر .....يا شوفي الدنيه شلون صغيره احنه جوارين واهل وبناته خوات وصديقات