انت قدري *** ابو درع

قلبي .....له

هلو .....

مساء الخيرات
على كل
متابعي .... ابو درع

😍😍😍

زمزم......شنووووو..
علي .....مثل ما سمعتي .....حتى هاي الفتره نكمل أمورنا والزواج بداية العطله
زمزم.......علي انت تعرف.... شكاعد تكول
علي .... دخلي للبيت وباجر كلشي يصير بخير ان شاء الله
زمزم......دخلت اركض ... ورحت لبابا ... وبدون سلام ...حاجيته
بابا ... انت صدك منطيني لعلي
كمال ....شنو منطيج...باباتي وليش عصبيه
زمزم......هذا علي يكول....باجر إمه وخواته يجن ....
كمال .....شنو هذا الحجي
كوثر ....سمعت زمزم ...تحجي وي ابوها ...بس مخنوكه
.....هاا ماما ...شو لا سلام ولا كلام ....شلون جان الميلاد
زمزم.....ماما دخيل الله اريد افهم شيء واحد
كمال ....شنو باباتي شبيج
زمزم....بابا علي شنو علاقته بيه ....
كمال..... بنتي ..والد علي طلب ايدج مني قبل فترة ..واني نطيته موافقه مبدئيه لحد ما تتخرجين ..
زمزم.....بابا ....يعني معقوله توافق ...لعد وين رأيي بالموضوع
كوثر ....زمزم حبيبتي قابل أبوج يجبرج ....من يجي وكتها الله كريم
زمزم.....شنو وكتها وهذا علي واكف بالشارع ...ويحجي بعلو صوته ويكول نرتب امور الخطوبه ...حتى بالعطله نتزوج
كمال ....شنو هذا الحجي ... وين علي
زمزم......راح ..كون بلا رجعه
كمال .....بابا حبيبتي روحي ارتاحي ....وبعدين نفهم من علي السالفه
زمزم....بابا شنو السالفه .....اني اريد أكمل سادس وبعدها كليه ....اي موضوع زواج ماكو ببالي
كوثر ....كافي حبيبتي ...يله صعدي وكلشي اله حل

زمزم....صعدت لغرفتي بس روحي طاكه وبالكوه اجر النفس ... ...ضيع فرحتي الله يقهره

اميره ....بقيت بالطرمه حتى اطمئن زمزم دخلت للبيت .....ونصدمت من سمعت علي يكول لزمزم .......باجر أمي وخواتي ...يجن حتى نرتب امور الخطبه .......زين علاقتها بياسر شنو ....معقوله تلعب بمشاعره وهي ضامنه خطوبتها من علي .....لو شنو .....اوووف يا ربي لو داخله للبيت بدون ما اسمع هذا الحجي
دخلت ....ما شفت ياسر بالبيت صحت......ياسر ..ياسر
ياسر.....نعم ..والده أني بالحمام
اميره ......هااا عيني ظل بالي من ما لكيتك

كمال ......كوثر ...شنو القصه زمزم ليش هيج كارهه علي
كوثر ......كمال زمزم شكتلي اكثر من مره من مضايقت علي الها
كمال ......شنو مضايقه ...الولد شاريها بالحلال...وهذا الشيء انتي تعرفي
كوثر .....كمال يعني اذا متريده شلون نجبرها..وبعدين هو فارض نفسه عليها..... واني اشوفها متطيقه
كمال .....مو نجبرها بس متلكه أحسن منه الولد رابي على ايدينه ....
كوثر.......والله شكول اني هم تعبت .....وعلي شدعواه بالشارع يحجي وياها شنو ماكو بيت أهل عدها يحجي وياهم
كمال......اني......على ..هذا الشيء راح أسأل علي شبي ...احنه متفقين الموضوع موهسه يتم وهذا الشئ هو طلبه ...شغير فكره هيج
كوثر .....كمال لخاطري ابد لتجبرها احنه كم زمزم عدنا
كمال ......الله كريم
واتصلت على... علي ...اريد افهم الموضوع من عنده
كمال ....هلو عمو علي شلونك
علي ....الحمد لله عمو انت شلونك
كمال ... الحمد لله على كل حال.....
علي .....الحمد لله تفضل عمو محتاح شيء
كمال .....والله ما اعرف شكلك بس شنو قصتك وي زمزم .....وشنو أمك وخواتك باجر يجون على شنو
علي ... والله عمو ما ادري شلون افهمك الموضوع ...بس اني اغار على زمزم من كل شيء....وهي بنفس الوكت تحسني فارض نفسي عليها ....حبيت اوضح الها اني شاريها بالحلال ....ومستعد فعلا باجر ادز الوالده حتى تأمن وتسقر نفسيتها ....
كمال ....حبيبي مو اكو اتفاق انو ميصير اي شيء لحد تخرجها
علي ....عمو الايام الجايه امتحاناتها واني راح اوصلها وارجعها ....وما اريدها تعتبرني سايق عدها ....وتتحذر من تصرفاتها وياي
كمال .....علاوي سايق شنو انت وليدنه بس هم اعذرها وقدر نفسيتها وتعبها ....وان شاء الله كلشي يصير ...مثل منريد
علي .....والله عمو اني شاريها بسسس
كمال .....بدون بس ....وانت هم قلل جياتك علينه بهاي الفتره حتى تشتاقلك...ولك هن النسوان اذا شافن واحد يركض وراهن يتعززن
اسأل عمك ...ههههههههه
علي ......هههههه ان شاء الله عمو ...ووعد مني ما اخليها تشوفني منا لحد اول يوم امتحان
كمال ....بارك الله بيك وليدي سلملي على ابوك ولو اني زعلان عليه ....مسوي جيته.. النه بالسنه حسنه
علي .....والله عمو ابويه من استلم امور العشيره يوميه بمكان وتعبان حيل الله شاهد
انت معزتك تختلف عنده
كمال ....وأني معتبره اخوي الثالث ...هواي سلملي ....مع السلامه
علي .... مع السلامه