انت قدري *** ابو درع

أنت فرحتي

مساء الخيرات
نفترق ونعود منا أجل اللقاء مع أبطال الحكايه💎💎💎💎
💎💎💎💎
💎💎💎
💎💎
💎
زمزم......منو قاتل منو .....بس أريد افهم
جمال ....من سمعت صوت زمزم....حسيت كياني نهز ونرعبت.....خاف احد لسانه يفلت بكلمه كدام مهجه (...جاوبتها)
ماكو أحد قاتل عمو حبيبتي ....جان الموضوع بي سوء فهم والحمد لله ربج ستر
مهجه ....وأخيرا شفتج زمزم
زمزم.....تقربت عليهم وسلمت على مهجه .وخطيه كامت شبكتني حيل
حبابه مو مثل اختها المغروره
مهجه .....ها شلونج اليوم بالامتحان
زمزم.....الحمد لله جاوبت
مهجه ....أني هم جاوبت بس شويه شفت صعوبه ...لان من يوم الي صاربعد ما حضرت اي محاضرة للمراجعه
زمزم.....ههههه اني اصلا أدرس واراجع وحدي
اركان ....عمو مهجه اذا تريدين تعالي راجعي وي زمزم على الواهس وام زينب مخلصه كليه واي شيء تريدو اسألوها
جمال .....اي والله ياريت ....وهم اخلص من قلقي عليها اكثر الوقت وحدها
كمال ....( من سمعت كلامهم كلت بيني وبين نفسي  ...هم نزل وندبج على السطح انوب يريد يجيب بنته فوك الهوسه )
جمال .....سمعت كمال يحجي وي نفسه ....ضحكت وكتله عيني كمال على كيفك ويانه بعدنا ما دبجنه بسطحك
كمال .....هههههه اني قصدي علينه احنه مو عليك يعني
جمال...... يابه هو اني جايكم على هذا الموضوع اريد اكعدكم ببيت ملك وتستقرون قبل ما اسافر
اركان ....هااا نويت تطلع من البلد
جمال .....والله هاي أمال من سمعت ... نرعبت وكالت بعد منبقى هنا واني هم ايدتها لان ما أريد هذا الموقف يتكرر
كوثر .....اي عيني حقك الروح عزيزه
جمال  .....اي ..صح واني هسه اريدكم تجون وياي انتي وكمال تشوفون البيت ...حتى نتصافه على باقي حقكم من الورث ....وانطيكم كل حقكم قبل ما اسافر
كمال ....ان شاء الله
أركان .....لعد هسه نتغده ونتوكل على بركة الله

بعد اسبوع

اميره .....هله يمه طولت عليه الغيبه هاي المره
ياسر.......هله بالغاليه والله موبيدي بس انتي تعرفين شنو الي حرمني شوفتج
اميره ......هانت يمه
ياسر .....ان شاء الله
اميره ....شبيك شو ضايج
ياسر... والله يمه هاي زمزم ....من يوم الي انتقلو لبيت عمها لليوم ...ابد ما اتصلت بيه ولا اعرف شنو اخبارها
اميره ....يمه غير امتحانات
ياسر... بس مو هيج كطعه حتى رساله ما دزت تطمني على اخبارها
اميره .....ههههههههه واني كلت هسه يرجع ملهوف لحضني وللدولمه والبرياني ....طلعت لهفتك رايحه وواهسك طاير
ياسر... ههههههه لا والله بس ضل بالي يمها
حيل
اميره .....زين ولي يجيبلك اخبارها
ياسر.....صدك يمه تعرفين اخبارها
اميره .....هسه اتصل على وصال ونشوف شكو ماكو
ياسر... يوووووه اني شلون ناسي وصال
اميره ....هسه راح اتصل بيها ........
الو .....هلو ام وصال شلونكم
ام وصال..... هلو اميره شلونج حبيبتي
اميره...... الحمد لله أخباركم
ام وصال .....بخير .الحمد لله
اميره ...بلكي تنطيني وصال
ام وصال .....هسه هي بالمحاضره ....اذا تحبين انطيج رقمها
اميره...... اي والله.....لحظه ياسر يمه سجل رقم وصال يمك
ياسر 🤔🤔 شنو القصه  اريد اخبار زمزم تنطيني رقم وصال
اميره .....اي عيني مشكوره
ام وصال .....صاير شيء
اميره ...لا والله عندي شغله بسيطه يمها
......مع السلامه
ياسر ..  شنو القصه شسوي برقمها اني
اميره ...ولك اثقل شويه وصال عدها محاضره ....واخذت رقمها حت نتصل عليها
ياسر ....خير ان شاء الله