انت قدري *** ابو درع

بلا عنوان

السلام عليكم
افترقنا قبل عام ونلتقي
😍😍😍
😍😍
😍

كوثر ....شلوووووووون
زمزم....شنو شلون....يعني أبو إسمه عبد الله ليش ميصير يتقدملي اذا هذا أسم أبو
كوثر......انتي ما فاهمه الموضوع شنو
زمزم......هسه فهميني اني ما عندي شيء ....وأحب اعرف سبب رهبتج من هذا الإسم
كوثر ....شنو رهبتي ....زمزم..راح اسأل مره ثانيه ..منين عرفتي ياسر يريد يتقدملج
زمزم.....( طبعا اتفقنه اني وياسر على إنو وصال هي وصلت هذا الخبر يمي ) جاوبت وأني مرتاحه
ماما مو كتلج وصال سولفتلي
كوثر ....وإنتي
زمزم.....إني شنو ....ما فهمت
كوثر ....وإنتي شكلتي لوصال
زمزم... ما كلت شيء بس همه رايدين عنوان بيت عمو حتى يجي هو وأمه
كوثر .....ونطيتي العنوان
زمزم....لا ما اعرف اوصف العنوان
كوثر....الحمد لله
زمزم.....ماما شنو القصه نسيتي ياسر شيعنيلي مو أنتي تعرفين كل شيء
كوثر ....الله كريم هسه ركزي بكتابج وعوفي هذا الحجي
زمزم... ماما شنو اعوفه كتلج ياسر يريد العنوان حتى يجون يفاتحوكم بالخطوبه حتى علي يفقد الامل  ....وهم اخلص من موضوعه نهائي
كوثر.......(بقيت محتاره شجاوبها ....وخاف احجي شيء وكمال ميقبل )
حبيبتي انتظري يجي ابوج واشوف شيكول عادي يجون هنا لو ننتظر لحد مننتقل لبيتنا الجديد
زمزم......يووووه اكلها بعد اسبوعين حفلة تخرجا وتكول بيتنا الجديد
كوثر .....شلووووون يعني احنه نمشي بكيفج يجي ابوج وخلص اسكتي .(احجي وقلبي مشتعل نار عليها وشايله هم ردت فعل كمال من يعرف ياسر ابن عبدالله وشراح نسوي بهاي الورطه )

اميره ....وين طلعت بدون متبقي خبر
ياسر .....هااا مو إنتي طلعتي ...واني صارت عندي شغله مهمه وطلعت
اميره ......ان شاء الله خير
ياسر ......اي خير ان شاء الله....وصيت وصال تجيبلي عنوان بيت عم زمزم(طبعا ما اكدر اسولف لآمي على لقائي بزمزم لأن هي رافضه فكرة لقاءنا وحدنا وتخاف من حجي الناس )
اميره... شتسوي بالعنوان
ياسر... فكرت نروح اني وياج نفاتح اهلها بالموضوع ...حتى من يجون عمامي نتوكل على الله ونخطبها
أميره .....يعني نروح بدون مناخذ رأي عمامك
ياسر... يمه احنه نتفق وي اهلها ...ومن يجون عمامي سهله
اميره... الله يسهل وتصير من نصيبك يا رب
ياسر... امين رب العالمين..لان بعد ما احمل فراكها اكثر

كوثر .....بقيت الوب ....شوكت يوصل كمال وافهمه السالفه
اركان ....شنو ام زمزم ...اشوفج مو على بعضج
كوثر ....اركان ...اكدر اسولف وياك ....بعد ما اكدر اضم الحجايه بقلبي اكثر
اركان... خير ان شاء الله
كوثر......تذكر من كتلكم اكدر اجيب اسم زوج اميره جارتنه
أركان... اي
كوثر .......طلع الخايفين منه
أركان ....شلووووون معقوله هاي الفتره كلها ما عرفتوا هاي عائلة عبد الله
كوثر ...اي والله ونوب هو وأمه دخلوا بيتنه..واكلوا زادنه
اركان ....هسه كمال وجمال ....بالطريق من يوصلون نشوف حل لهاي المشكله الجديده
كوثر .....والمشكله الأكبر...يريدون يتقدمون على زمزم
اركان ....ألمن يردوها
كوثر.....هو لياسر نفسه
اركان... سبحان الله الدنيا شكد صغيره...مثل الدولاب تفتر
كوثر.....اي والله