انت قدري *** ابو درع

انت أملي

مساء
الخير
لجميع
من تابع
قصتي
وشجعني
على الإستمرار
🌷🌷🌷🌷

ومن وصلت شفت ....👀👀

ياسر ..من طلعت زمزم لدوامها اني طلعت للمستشفى وفتحتت الجبس والدكتور كال بعد ميحتاج تعيده .... كلت اروح اشوف زمزمتي ...حتى تفرح من تشوفني زين .. وهم بعد خلصت إجازتي ولازم باجر التحق ....وهاي فرصه حتى اشوفها ..... واني واكف شفت علي طبك سيارته قريب من المدرسه ومن شافني توجه عليه 🤔🤔هاي شلون شغله

علي.... هلو ياسر ...اليوم هنا شنو القصه

ياسر ... هلو علاوي ...شنو يعني هنا
علاوي ..... يعني واكف بباب المدرسه منتظر وحده😁😁
ياسر ..... لا والله جنت منتظر ولد صديق متواعد ويا هنا يم هاي التجهيزات ...يعني كلمن واكف بهذا الشارع منتظر وحده من المدرسه ..هههههه
علي ..... لا مو قصدي بس لإن اول مره اشوفك هنا استغربت
ياسر.... ليش انت دائما تجي هنا
علي ....هاااااا
ياسر .... خاف انت جاي على وحده من المدرسه هههههههههههه
علي .....لا والله بس جاي اوصل زمزم لان خطهم اليوم عاطل( طبعا كذبت بس شلون راح ترهم اذا يجي خطها )

ياسر.... من كال خطها عاطل وهو منتظرها يعني بعد وكفتي ما بيها فايده ...... هااا زين علاوي لعد اني اروح قبل متحل المدرسه ووكفتي هنا صعبه ...وهذا صاحبي الظاهر مابي جيه

علي ..... ليش ابقه انتظر تطلع زمزم واوصلكم فد مره

ياسر ... تسلم حبيبي ...عندي شغله قبل رجعتي للبيت ( وسلمت عليه ورحت اشتريت كم حاجه ومن ضمنهن دب صغير وعطر لزمزم )
واتصلت امي
اميره .....ياسر يمه من ترجع مر عليه اني يم بيت ام وصال
ياسر...... ان شاء الله

زمزم ....طلعت من باب المدرسه وسمعت علي يصحيني ....زمزم ..زمزم
ها ..علي
علي ..... زمزم ...عادي اني اوصلج للبيت
زمزم ....ليش يعني
علي ......عندي حجي اريد احجي وياج وما اكو اي فرصه احجي
زمزم .....معقوله علي هاي.... الثقه الي بابا واثقه بيك
علي ...يا ثقه ...زمزم اني راح اوصلج للبيت يعني ما مسوي شيء يهز ثقة ابوج بيه

وصال .... يله زمزم الخط اجه
زمزم ...علي رجاءا بعد لتعيد هذا التصرف..زين
علي ......سحبتها من ايدها ....كتلج عندي حجي وياج عوفي الخط واصعدي وياي
زمزم .....عوف ايدي هاي شبيك تره اصيح حارس المدرسه والله
علي ....ماشي روحي هسه بس لازم تعرفين شي واحد اني احبج وانتي مالتي
وصال...... يله زمزم شنو القصه
زمزم .....من سمعت علي كال هيج احس الدنيا افترت بيه ..... وما عرفت اجاوب ولا بحرف واحد ....وصعدت للخط وبقت عيني على ..علي ...واحس بي يريد ياكلني بعيونه ...
وصال .....شكو زمزم شبيج ....
زمزم ..... لا مابيه شي.....شويه تعبانه....ومن وصلت للبيت صعدت لغرفتي وبجيت لحد ما تعبني البجي ونمت

كمال .....شنو زمزم ليش منزلت تتغده
كوثر....لا والله شو صعدت للغرفه وبعد ما نزلت ...زمزم ...زمزم ...وينج
زمزم ...نعم ماما هسه انزل بس اغسل وجهي
كوثر... 😐😐..هاي شبيج زمزم شو وجهج تعبان
زمزم ....مابيه شي . اليوم بدينه الامتحانات الشامله ...ومراجعه ...وتعبت
كمال .....بابا حبيبتي لتضغطين على نفسج ..تره الضغط يقلل تركيزج بالمواد
زمزم ..... ان شاء الله بابا ...... ماما اني راح اطب للمطبخ أكل لكمه ..... محتاجه شي اساعدج ...من اخلص غده
كوثر ....لا ماما ...اصعدي ارتاحي
زمزم ....ماشي .....اكلت شويه ....صعدت مددت بفراشي احس نفسي مخنوكه حيل ....لان علي من حجه جان واثق اني ملكه ...زين هذا ليش هيج كال ...