انت قدري *** ابو درع

زوجوها غيري

مساء الخيرات على كل من ساهم بدعمي بالتصويت .....على قصتي الاولى

ياسر ....شلووووووووون
اميره ....اي والله يمه هذا الشئ الصار وإني ما حبيت ازعجك بي وخرب فرحتك
ياسر ....شنو الشئ  الصار ...يمه اني مو كلفتج تروحين لأهلها قبل تخرجي ..وتحجين وياهم
اميره ....يمه حاولت بكل طريقه اتصل بيهم أو حتى اعرف عنوانهم مكدرت
ياسر ....اي لعد شلون عرفتي مخطوبه
اميره ....طلبت من وصال تتصل بيهم وحاجيت أمها وصدتني وكالت ماكو نصيب  لان زمزم ...نخطبت
ياسر ....لا مستحيل اصدك شلون هذا الشيء صار ...ووحبنا ....لا لا أكيد إنتي غلطانه ...واحتمال انتي متريديها وهيج تكولين
اميره ....معقوله انت تفكر إني ممكن اعترض لو اوكف بطريق سعادتك
ياسر ...( حسيت نفسي اختنكت وشبكت امي وحطيت رأسي على صدرها  ...يمه دبريني ..شلون بعد اكدر اعيش ....شلون اشم الهوى )
اميره ......😢😢شبيدي عليك يمه كلشي بالقسمه ويجوز ربك ضاملك نصيب احسن منها
ياسر....انتي تعرفين اني أحبها يا نصيب الي يعوضني حبها يمه ...بس إني ما راح اسكت باجر ارجع لبغداد وأريد أشوف شنو القصه
لازم أفهم
أميره .....يمه الخطوبه مو شغلة اليوم والبارحه ..أمها تكول الجماعه طالبين ايدها قبل سنه ..ومنتظرين تخرجها حتى يتم كلشي
ياسر .....يمه يعني معقوله زمزم ....هاي الفتره كلها خادعتني ومستغله حبي الها وتضحك عليه
اميره ...والله يمه اني قبلك هم حرت هاي الحيره ...بس بعد شكلك الابنيه مؤدبه وما اظن عدها هيج سوالف وحيله ....بس ربك اعلم بالظروف ...مو بس هي أهلها هم ظرفهم تخربط بالفترة الاخيره ...وأنت شفت طلعتهم من المنطقه شلون صارت ...فأني اكول يا بعد امك عوف السالفه ...لأن وراهم قصه ما يعلمها بس ربك
ياسر ....يعني قصدج اعوف زمزم بهاي السهوله
اميره .....يمه أنت  ما عفتها ...هي عافتك وقبلت بغيرك
ياسر... دماغي راح ينفجر ما كاعد أفهم ليش ...تبيعني بسهوله ...وتقبل بأول شخص يتقدملها ..واني ما غشيتها ..شاريها بالحلال وكلت الها هذا الشئ من أول يوم عرفتها ........بي
اميره ....يمه عوف السالفه وروح يم عمامك عيب ..همه مخبوصين لخاطرك وأنت عايفهم وواكف كبالي
وصدك يمه اذا عمك أبو حارث هداك ..بنته لا ترده وتفشله كدام الوادم
ياسر ....شنو ما أرده يعني اوافق على انسانه اني ما اعرفها ولا شايفها
اميره ......بت عمك وعيب تردها مهما يكون ..
ياسر ....ما اعرف شكول وشلون راح اتصرف بس ....هاي هي ما دام زمزم...راحت من ايدي اقبل بأي انسانه شلون متكون 
اميره ....اي يمه الله يرضه عليك لاتخرب الخوه ...وعلاقتك بعمامك ...لأن محد ينفعك غيرهم
ياسر ....الله كريم

زينب .....جنت طالعه للطرمه وسمعت خاله اميره تحجي وي ياسر ...الله شكد بنفسي اشوفه بعيوني ....لأن بكد ما شفته بالصور ..كمت احلم بي
( نسيت اعرفكم ...اني زينب بنت ابو حارث الصغيره عمري ١٨ سنه ...حلوه كلش ..وبسبب جمالي عمو أبو حيدر خطبني لياسر من جان عمري ١٢ سنه ...حتى دراسه  ما خلوني أكمل حدي للثالث وخلص لأن يخافون عليه ....وبما إنو ياسر يتيم ..وعمامه مسؤولين عليه ..ابويه وافق رغم اني بعدني صغيره  لأن هذا الغالي ابن الغالي ...بس هاي الخطوبه جانت بين ابويه وعمي ..ولهذا السبب ياسر عمره ما باوع عليه ولا يدري اني إله ..أو اصلا هو وين يشوفني ...المهم اني بقيت كاعده مره لياسر ....ومنتظرين يوم تخرجه حتى ينطوني اله وتكمل فرحتهم )
بس على الكلام الي سمعته من ياسر ....وأمه يبين  الموضوع مفروض عليه وهو لا حول ولا قوه يعني ما فرحان مثل ما كالولي ...ومنتظر هذا اليوم بفارغ الصبر مثلي ... و نوب عاشك وحده ببغداد .....بقيت حايره ...اروح أكول لأمي بالكلام الي سمعته ....بس لا خاف تكول لأبوي وكلشي يخرب
خل أبقه ساكته واشوف شلون الأمور تصير ...وبعد بقت يمه إذا يريدني خير على خير وإذا ما يريدني يرفض ..وكلمن يكعد بمكانه ....اوووف شلون ياربي واني صار اربع سنوات احلم بي حتى وأني واعيه ...معقوله .. لخاطر وحده بغداديه راح يعوفني ....يا رب بعد بقت يمك .....اريدك تحل هاي السالفه بخير