انت قدري *** ابو درع

حلاوة اللقاء

مساء الحب والشوق
لكل متابعي انت قدري
💎💎💎
💎💎
💎

علي ....وصلت يمها ....كتلها شعجب طالعه للسوك وحدج .
زمزم.....شنو نظرك ضعيف ...مو هذا حسن وياي ...
علي ....ادري حسن وياج ..بس لو متصله بيه ...واني اجيب الي تريدي لحد عندج
بدون متطلعين
زمزم .....شنو تشتغل موصل طلبات واني ما ادري هههه
علي....لتضحكين بنص السوك
حسن .....علي شكو وانت شنو علاقتك .......
أني اخوها.. وجاي وياها
زمزم ....حسن امشي هذا ما عنده شغل وعمل......بس عاجبه يتحكم 
علي ....زمزم ....شنو هذا الحجي مو عيب.....
....
زمزم .....يعني الحجي عيب ....وكفتنه اني وياك بنص السوك وتحقق وياي مو عيب

وعفنا اني وحسن ودخلت للمكتبه واشتريت هديه وكارت التهنئة  لوصال .....وشفت دبدوب صغير تقريبا نفس الي جابه ياسر ....اشتريت واحد
وطلعنه ....دخلنه محل العطور واشتريت عطرين من عطري الخاص  ...واحد الي والثاني حطيته وي الدب حتى انطي لياسر ......بأقرب فرصه اكدر اشوفه بيها ....لان هو منطيني عطره ....لهذا حبيت يكون عطري عنده
ومن رجعت للبيت شفت سيارة علي بالباب ...اووووه هاي شلون ياربي
وأول..ما دخلت صعدت لغرفتي.....حتى ما اشوفه ولا اسمع صوته
كوثر ...شفت زمزم صعدت لغرفتها ....صعدت وراها .......ها حبيبتي اشتريتي هديه...لوصال
زمزم.....اي ماما ... وشوفتها الهديه
كوثر...... اي حلوه ...وزين ما تأخرتوا.
زمزم... اي من المكتبه الي بداية السوك .....وهذا علي ...طلع كدامنه وحتى خرب واهسي من كل شيء
كوثر ....ليش صار شيء جديد بينكم
زمزم....والله ماما اسألي حسن شلون وكفنه بنص السوك ويحقق وياي
كوثر ......لا..لا هذا صدك زودها
زمزم....والله ماما انتو السبب نطيتوا أمل...على الوهم
كوثر .....غير ابوج اني شنو الي بيدي اسوي ....
زمزم .....ماما ..شنو ماكو شيء...بيدج انتي وعدتيني اخلص من علي
كوثر ....الله كريم هسه عوفي كل شي وركزي بدروسج
زمزم.....اي أن شاء الله ....صدك ماما اريد تختاريلي شيء البسه باجر من اروح للميلاد
كوثر .....يعني انتي محتاجه شئ جديد
زمزم .....لا بس احب رأيج
كوثر.......خل يجي  باجر والله كريم .....يله راح انزل احضر عشه شويه وانزلي
زمزم .....والله اذا علي ....بقه للعشه ما انزل
كوثر.....ماشي

ياسر ...بعد الغده ....نمت ....وما حسيت اله امي تكعدني
اميره ....ياسر اكعد صار الغروب
ياسر ....والله ...صار  شكد نايم ليش ما كعدتيني
اميره ....عليمن اكعدك ....شنو عندك شغل
ياسر ....لا والله ....بس هيج هو المجاز غير يطلع يشم هوى ..قابل النوم يطير
اميره ....هسه عمي كعدتك اطلع وشم هوى ... يمكن الكعده يم امك تخنك
ياسر .....حبيبتي انتي الهوى الي ينعش روحي بكل مكان ....بس تدرين صار كومه ما طالع  ....بسبب كسر رجلي وما شايف ربعي
اميره ....اسويلك عشه
ياسر ...لا ...راح اطلع شويه ومن ارجع نتعشه
اميره ....براحتك حبيبي ..انتظرك
ياسر كمت غسلت وبدلت ...اريد اطلع ..وتذكرت زمزم ...اليوم لا اتصال ولا رساله ...واني كتلها راح انزل مجاز هسه زعلانه
...دكيت عليها
زمزم.....الوو
ياسر ....نكدر نسولف عادي
زمزم...هلو حبيبي شلونك
ياسر .....انتي كولي شلوني
زمزم.....احلى لون ....واطيب عطر .. يرد روحي ..يا روحي إنت
ياسر ....اووف فدوه لروحج يا بعد  روحي لج مشتاق
زمزم....شو ماكو اليوم ظل بالي يمك
ياسر .....والله رجعت تعبان ..وبعد الغده اخذتني النومه ..وهسه الوالده كعدتني
زمزم....نومت العافيه
ياسر....يعافيج ياقلب ياسر
زمزم .....ياسر
ياسر ....عيونه ...
زمزم....تذكر ..قبل فتره من صعدنه للسطح
ياسر...  اي ..اتذكر من فلتي ههههه
زمزم.....يوووه راح تبقى كل مره مذكرني بهاي الحجايه
ياسر .....لج احبها لان هي اول فلته  سويتيها...تدرين هاي الفلته ... ختم حبنا بدايه خوفج وحرصج عليه وعلى حبنه لينكشف كدام اي بشر 
زمزم.......هاااااا(ما ادري آكله سولفت لأمي كلشي ....لا خاف يأخذ غير نظره علينا )
ياسر...... اي حبيبتي ....شذكرج بصعدت السطح هسه
زمزم......هااااا شلون اكولك
ياسر...... كولي اي شيء تريدين
زمزم......مو اريد اشوفك😶😶
ياسر..... قصدج  اصعد للسطح
زمزم....مو هسه من ادزلك رساله
ياسر .....والله ...راح انتظر هاي الرساله بفارغ الصبر
زمزم .....يله اروح هسه وبعدين .....
ياسر ... بعدين شنو
زمزم....هااااقصدي اشوفك
ياسر .....ماشي ....وين بوستي
زمزم...عوفها هسه
ياسر ....(معقوله   يصير الي ببالي واكدر ابوسها صدك ....ههههه هاي شكد احلم اني وين ابوسها )
ياسر ...راح اعوفها بس تبقى دين عليج
زمزم.....هههه ماشي ...باي
باي