انت قدري *** ابو درع

كيف نفترق

مساء ملئ بالحب
💔💔
💔

كمال ..هاي العائله امحوها من حياتكم
زمزم....( من بابا كال هذا الحجي احس روحي طلعت ....ليش هيج يكول ....احتمال عرف علاقتي بياسر ...و طلعنه من البيت حتى يبعدني عنه لو سمع شي مو زين عنهم ويريد يبعدنه ) حجيت وي امي بهمس
ماما....عفيه فهميني شكو
كوثر ....زمزم...ماكو شيءوسكتي بعد لتحجين ابوج صاير عصبي
زمزم...🙇‍♀️🙇‍♀️
وصلنه لبيت عمو اركان واستقبلونه هو وعائلته احسن استقبال ....زوجته كلش حبابه وتموت علينه
ام زينب ....ها عيني ترتاحون شويه لو نحضر العشه
أركان... لا سوي العشه حتى يمدوون وباجر رتبو الغراض
كوثر ....يله عيني واني اساعدج
كمال ....لا كوثر تعالي للصاله انتي وأركان عندي حجي وياكم ....بين ما ام زينب وزمزم يحضرون العشه
أركان....خير كمال خوما اكو شئ
كمال ....تعال خل نفتهم الموضوع من كوثر
كوثر....شنو تقصد كمال
كمال .....من سألتج بالطريق على ام ياسر انتي كلتي معقوله ما نتبهت .....وضليتي محتاره
كوثر ....اي صحيح تذكرت ....من جنت انت بالمستشفى اجت تشوفنا ....وكعدنه نسولف وكالت زوجها مقتول غدر بالعماره ....
أركان......اذا هي من العمارة شيسووون ببغداد
كوثر .....ابنها مقبول كليه عسكريه وجايه هنا لخاطره
كمال ....يعني هي بس ياسر عدها
كوثر ....اي وتكول عدهم معامل وعمامه متكفلين بادارتهن ...
أركان.....وما عرفتي زوجها شنو اسمه
كوثر....لا والله اصلا اني راحت من بالي سالفة جمال والصاير بالعماره
كمال ....هسه لو نعرف زوجها شنو اسمه جان عرفنا راسنه من رجلينه
كوثر....اوكفوا ..اني اكدر اجيبلكم الاسم
أركان......شلون
كوثر .....وصال صديقة زمزم أقاربهم ..واكيد تعرف اسم ابو ياسر
كمال .. وشلون زمزم تكدر تسأل صديقتها ....على اسمه
كوثر .....هاااا اني اعرف شلون ادبرها
أركان.....هسه بعد الوكت متأخر عيب تتصل باجر نتفق وي زمزم ونشوف تكدر تسأل
كوثر (همه يحجون هيج واني شلت هم زمزم شلون لو الي نتوقعه يطلع صح ....معقوله زمزم تحب شخص عمها قاتل أبو ...اوووف يا بنيتي شلون عليج حظ اذا هذا الشيء طلع مضبوط )
كمال ....ها كوثر ...باجر لتنسين اول شيء تسوي تجيبيلنه الجواب
كوثر .....ان شاء الله

زمزم.....خلصنه العشه وكعدت ارتب بغراضنه وملابسنه ...خطيه مفرغين غرفة اطفالهم...لماما وبابا ... ومحضرين غرفه ثانيه الي و الأخوتي

كوثر ...هااا زمزم اساعدج بشئ
زمزم....ماما ما احتاج مساعده بس اريد تفهميني ليش هاي بهذلتنه وشنو سببها
كوثر. ....شوفي ماما اكو شيء قديم ما نكدر نحجي الكم ....بس نحاول بقدر الامكان نبعدكم عن المشاكل
زمزم....يعني شنو قديم ..واذا قديم شنو علاقتنه بي هسه
كوثر ....عوفي هذا الموضوع ولتشغلين بالج خلصي ترتيب وارتاحي ...وباجر حاولي تكملين جدول مراجعتج ...وان شاء الله ميضيع تعبج
زمزم...ان شاء الله
كوثر ....يله حبيبتي تصبحين على خير
زمزم...وانتي من اهله
...ماما اكدر اخذ موبايلج
كوثر ....شتسوين بي بهذا الليل
زمزم...اريد وصال تدزلي ملخص المدرس لأن اليوم اخذوا محاضره
كوثر ...باجر هسه عيب منا بيت عمج ميصير
زمزم....هااا براحتج ماما 🙍‍♀️🙍‍♀️
كوثر ....حبيبتي لتضوجين كلشي اسوي لمصلحتج ...( طبعا مقبلت انطيها الموبايل خاف تدك على ياسر وتكله احنه وين ...وخاف يطلع شكنه بمحله وتصعب علينه الامور اذا عرف عنوان أركان )