انت قدري *** ابو درع

وعد و ألم ....

السلام عليكم ..
.
.
.
.
.
زمزم.....بابا....بابا😭😭
كوثر.....دكتور شنو البقاء لله زوجي قبل دقيقه جان يحجي ويانه ....
الدكتور ....هو المريض دخل ووضعه تعبان حيل ..ومكدر يتحمل أكثر ..لأن هو خاضع لعمليه صعبه ومن فتره قريبه
أركان ..وهسه دكتور شلون
الدكتور اخي تخلصون أجراءات المستشفى وتستلمون الجثه
زمزم....من كال الدكتور ...جثه نهاريت وركضت على علي بقيت اضرب بي واصيح ..انت السببب ...انت السبب ..جيت وصيحت على بابا وخليت قلبه يتعب الله لا ينطيك الله لا يوفقك وضرب بي على صدرى بكل قوتي ( عبالك جنت منتظره هاي الفرصه حتى انتقم منه)
علي...... من شفتها منهاره وتضرب بيه نقهرت عليها ...سحبتها لصدري وحضنتها حيل ..وهي هم مثل الطفله حطت رأسها...على صدري وكامت تبجي
اركان ....علي انت اخذ عائله كمال للبيت ..وارجع عليه
علي ...اي عمو ...وهسه راح اتصل بالوالد حتى يجي وياك
اركان .....الله يوفقك ابني ....
علي ...( اتصلت بالوالد )

ابو علي .....شلون وشوكت هذا الحجي
علي ...هسه بابا ما صار نص ساعه ..بس اريدك تجي للمستشفى وتوكف وي عمو اركان ...لأن وحده خطيه
ابو علي .....جايك إبني
علي ...أني رايح وي عائله عمو كمال للبيت وانتظركم هناك
ابو علي ....ماشي بس ارجع علينه
علي ....صار

كوثر .....وصلت للبيت واحس حياطينه تريد
تاكلني ..... محد يمنه بس أني وولدي نبجي وحالنه يكسر القلب لا أهل لا كرايب تشاركنه حزنه وتواسينه حتى جيران ماعدنه محد يعرفنه بالمنطقه
علي ....خاله محتاجه شيء قبل لا أرجع للمستشفى
زمزم.....عفيه علي لتعوفنه وحدنه ....
علي ....( من زمزم كالت هيج حسيت قلبي وجعني ..ليش زمزم بعد ما قفلت قلبي من ناحيتج عرفتي قيمتي )....ما اتأخر بس نخلص اجراءات الاستلام
زمزم.....استلام يعني بابا خلص بعد ميجينه على رجليه ....صار جثه نستلمها بأوراق رسميه ...وشهادة وفاة علي عفيه ...كول هذا كابوس وكعدني منه ....وكذبه ومستحيل اصدقها
علي ....زمزم هذا أمر الله وكلنه على هذا الطريق
كوثر.....روح خاله لعمك أركان خطيه هسه وحده والله يعلم بحاله

اركان ..... طلعو كمال كدامي ووجها مغطه بقماش ابيض حسيت نفسي  مشتاقله ....واني ما صار دقايق من فاركته ...طلبت من الممرض ان يرفع القماش حتى اشوف وجها ........ومن رفعت القماش ....صحت ها كمال ليش تعوفني مو تدري أني عايش بصوتك .... وانت سندي وظهري ليش ......قبلت بالفراك ..أني فراك جمال بعدني ما متحمله  حاجيني ....شلون  قبلت تروح حتى قبل ما أوعدك ليش ....وشفت دمعه نزلت من عيون كمال ....وركضت عليه وشبكته .....لتاخذوا بعده عايش عوفوا أخويه سمعني وبجى .....
كمال.....كمال....اكعد
الممرض ....الله يساعدك بس هد السرير الله يخليك نريد ننقل الجثه للثلاجه
اركان ....لا لا ..لتكول عليه جثه هذا أخويه حزام ظهري ..ما عندي غيره....ما اكدر اعيش وحدي بدون اخوان ما اكدر .....( وحسيت واحد جرني من كمال وشبكني ....
ابو علي .....اني اخوك اركان انت مو........ وحدك ...مثل ما جان كمال اخويه .. انت راح تبقى اخ عزيز
اركان .... حسيت محتاج احد يواسيني فعلا ... شبكت ابو علي وضليت ابجي من كل قلبي
علي ... خلصنه الاجراءات واستلمنه الجثه واخذناها للبيت حتي نطلع بيها ..للمقبره