انت قدري *** ابو درع

فراق الروح

السلام عليكم ....
اكو متابعين طلبو مني اجمع زمزم وياسر واختصر النهايه .....
واتمنى اسمع ارأءكم  ..انتظر تعليقاتكم ......🌼🌼🌼🌼🌼🌼
🌼🌼🌼
🌼🌼

ياسر....زمزم.هااااا.....اني كلت زمزم
أم حارث ....أي ياسر كلت زمزم ....شنو السالفه خل نفتهم
اميرة .....غمزت لزينب حتى  متسئله
ياسر....يمكن زلت لسان ...لأن اني أحب أسم زمزم....وزينب قريب على هذا الإسم اكيد زلت لسان
زينب .....خلص ياسر ..ماكو داعي....... تبرر ....كلمه وطلعت سهو ...وإني هسه راح البس خماري الأسود حتى نطلع لأن الوكت راح علينه
ياسر .....من غلطت بأسمها عرفت أني كاعد اضحك على نفسي ...بهذا القرار ...وأني روحي وعقلي الها شلون اريد أظلم زينب وياي ...ليش ما أعبر  ....  النهر مازال ضيق ...واعتذر من عمي ..احسن ما أظلم نفسي واظلم زينب وياي
زينب....... من غلط بأسمي ... عرفت ياسر متعلق بالبغداديه ...وهذا اسمها اكيد.....اوف ياربي أغلس على الموضوع واسوي نفسي ما اهتميت ...لو أسحب نفسي ..وهذا السبب إجه يمي ..يعني اكدر اسويلي كونه ..وابطل واخلص من عذاب القلب هذا

أميره....أم حارث خيه هاي طار الوكت علينه بالدهره والحجي ...اكول لو نأجل الطلعه لباجر
زينب ....لا خاله ما عدنه شيء نشتري الاشياء المهمه ونرجع
أم حارث ....خوش لعد نتوكل على الله
ياسر .....طلعنه وزينب فعلا لبست خمار يحفظ معالمها من عيون الناس ...وبدن الحبايب...مشوار التسوق ..وإني بس اتفرج عليهن بس انتبهت على الاشياء الي اختارتهن ..كلهن بيهن ذوق ..ورقي ..يعني اختيارها يعكس ثقافتها
سألتها......زينب
زينب ...هاااا عيني
ياسر ....انتي شنو شهادتج
زينب ....ههههههه إنت شهادتي
ياسر .....شنو ما فهمت
زينب .....بفضل خطوبتي الك كعدوني من الثاني متوسط ومقبلوا  أكمل دراسه يخافون عليه
ياسر......اذا على هاي العيون حقهم يخافون عليج
زينب .....شنو هذا الحجي أعتبره غزل لو شنو
ياسر.....عيونج ينرادلهن واحد يكتب شعر حتى يكدر يتغزل بيهن
زينب 😶😶😶
ياسر....شنو شو سكتي
زينب .....لا ما كو شيء اشكرك على هذا الكلام الحلو
ام حارث.....ياسر يمه تعال نختار لك حلقه
ياسر ....خاله اني أشتري لتعبين نفسج
أم حارث ...خاله تعبك راحه
ياسر ....دخلت للصياغه واختارينه الذهب ...واصرو يشترولي حلقه بلاتين
اميره ....عيني ماكو داعي
ام حارث ....عيني إنتي ما قصرتي ...وما بقيتي شيء بالسوك ما شتريتي .....
وتريدين نبقي إيد ياسر  فارغه شتكول علينه الوادم
زينب ....ياسر ..اذا تريد ذهب عادي نغيرها
ياسر....لا خلص
زينب .....نكتب عليها موعد خطوبتنا لو أسماءنا
ياسر....لا خل نكتب بس أحرفنا (طبعا جان حلمي البس حلقه مكتوب عليها حرفي وحرف زمزم.....والظاهر بس بهاي الشغله نصفني القدر ...وراح يتحقق حلمي واكدر  اكتب حرفها على حلقتي ...)
زينب .....براحتك ...خل نبقيهن عند الصايغ حتى يحفر الأحرف وتعال غير وقت واستلمهن
ياسر....اي عادي أرجع عليهن
اميره .....من طلب ياسر تنكتب بس الأحرف...عرفت غايته شنو ...بس شسوي ما أكدر احجي كدام زينب وأمها....واني ادري زينب عبرت سالفة غلطته بالاسم بمزاجها ...لأن هي ذكيه حيل 
هااا عيني بعد اكو شيء  نقص نطلع نشتري
زينب ..لا خاله
ياسر....الحمد لله بعد منفتر بالسوك يعني اوكف سياره 
اميره ....لا عيني إنت...... راح تعشينه بأحسن مطعم على حسابك .ههههههه
أم حارث  ....لا خيه تأخرنه هواي
اميره ..... شنو هاي أم حارث تقبلين نرجعكم بلا عشه
زينب ....مو احنه ما جوانه سياره ولجو بده يظلم حيل
ياسر .....براحتكم بس باجر عشاكم يمنه...وان شاء الله اجي أخذكم بسيارتي
اميره ....شنو هاي قررت تشتري سياره
ياسر....اي زينب الظاهر متعوده  تطلع كله .... بسياره خاصه
زينب ....مو قصدي صدك بس
ام حارث ...اي والله يمه احنه من يوم كتلك ابوك محد يخلينه نطلع بتكسي ...تعرف أحنه طلابة دم ونخاف علا أرواحنا
ياسر ....احنه ما مطلوبين دم حتى نخاف احنه نطلب دم
اميره... عوفوا هذا الحجي هسه ....وعوفوا الدم ......و على حجاية ياسر غداكم يمنه باجر ان شاء الله