انت قدري *** ابو درع

انت لي

هلو حبايب
اليوم نبدي البارت بالمستشفى والسبب لان كمال وافق يسوي العمليه 🏥🏥🏥

اركان ...... كمال ان شاء الله اسبوع الجاي عمليتك
كمال ...... شلون
اركان .... رحت للدكتور واتفقت ويا وان شاء الله تسوي العمليه وتكوم بالف سلامه
كمال ..... اني سألتك شلون فهمت قصدي
اركان ...... فهمت قصدك اذا على تكاليف العمليه ..... اني اخذت سلفه من الشركه وربك سهلها
كمال......والله اركان ماجنت حاب اكلفك
اركان ..... صدك جذب هسه لو نعكس الوضع انت راح تعوفني
كمال .....شلون اعوفك وانته جزء من روحي
اركان ..... خلص لعد ما أريد حجي بهذا الموضوع وحضر نفسك للعمليه وأبعد عنك التوتر
كمال .... أني الي راح يموتني جمال لا إجه لا سأل عليه بس مره وحده من يوم وكعت لليوم
اركان ......هستوني كتلك أبتعد عن التوتر والقلق تريد تفتح مواضيع تزعجني وتزعجك
لخاطري عوف كلشي وفكر بس ينفسك

زمزم ..... بعد كم يوم من زيارة ياسر لبيتنه جنت طالعه للدوام الصبح ومثل كل يوم اطلع للشارع انتظر الخط
ومن وصلت للشارع شفت ياسر واكف
حاولت اوكف بمكان يكدر يشوفني بي عجني
وفاجئني من شفته هو عبر واجه وكف يمي

ياسر ......صباح الخير زمزم
زمزم ......صباح النور
ياسر ....بعد شكد ويجيج الخط
زمزم ......يعني بالكثير عشر دقايق
ياسر ......هاااااا
زمزم.......شفت رده عبالك بي خيبة امل
كتله ....ليش تسأل
ياسر .... على بالي اسولف وياج شويه بس الظاهر ماراح الحك
زمزم ...... احجي بعده الخط ما وصل
ياسر ....... لا غير وكت .... من رخصتج
زمزم ....من شفته راد يروح احس قلبي راح ويا وما سمعت نفسي اله اصيحله ياسر ...... ياسر
ألتفت عليه وكال ها عيني
من كال ها عيني تدهور وضعي اكثر ونسيت حتى ليش صحت ورا
ياسر ....ها زمزم ليش صحتي عليه
زمزم....... لا بس صار عندي فضول شتريد تحجي واخاف شي يخص بابا ظل بالي
ياسر ..... ابوج قلبه يسويله عمليه ويطيب بس قلبي محد يفكر بي
زمزم .......ليش انت هم مريض
ياسر...... 🤣🤣🤣🤣🤣
انتي شكد بريئه ...... يله روحي ابو الخط وصل
زمزم ....... ما فهمت شي من كلامه بس حسيت قلبي سمعه مو اذاني وتمنيت لو ما اصعد للخط واركض ورا وافهم منه شبي قلبه وشنو قصده
وسمعت صوت وصال تصيح .. .. يله زمزم اصعدي شنو القصه

وصال ..... وصل الخط لزمزم وشفت ياسر جان واكف يمها وعبر الشارع وهي وضعها مخربط
.........
زمزم شنو القصه شبيج مشفتي سيارة الخط
زمزم...... لا شفتها بسسسس
وصال .... شنو البسسس
وهذا مو نفسه ياسر اقارب ماما الي جان واكف يمج
زمزم ......اي
وصال........ زمزم شنو السالفه فهميني يمكن افيدج بشي
زمزم ...... والله وصال ما اعرف شكول بس اني تعبانه حيل ووضعي كله متدهور ما ادري شبيه
وصال .... .. صاير شي اكو شخص داخل حياتج
زمزم ...... اذا كتلج لا يعني .....اكذب ...واذا كتلج اي هم راح اكذب
وصال......شنو حزوره لو سر
زمزم....... لا والله ماكو سر اضمه عليج وانتي تدرين بمعزتج عندي بس هو اكو احساس وماكو مبادره لهذا اني خايفه اتوهم العلاقه وبعدين انصدم
وصال ..... اذا هذا الشخص ياسر اني اكدر اجيبلج عنه هواي تفاصيل لحياته ...لان هو مو غريب
زمزم........ هااااا ...يا ريت
وصال....... ههههههههه والله وكعتي بالحب
زمزم
هههههه اوووف وصال ما اعرف شصار بيه صار فتره
وصال .....عادي حبيبتي بس بالج تخلين هذا الموضوع يأثر على دراستج
زمزم......... اكيد