انت قدري *** ابو درع

يوم محنتي

السلام على
جميع احبتي 🌼🌼🌼🌼
🌼🌼🌼🌼🌼🌼

كوثر ....يمه بنتي شجاها نزلت مثل الورده ......علي شسويتلها
علي ....( ما اعرف شنو سبب تصرفي هذا ...يمكن حتى أشوفها تتعذب كدامي بكد ما عذبتني .....لو ردت أشوف ردة فعلها من تعرف هو تزوج صديقتها ..وصدمتني من أغمى عليها ...يعني بعدها تريده ...ومكدرت تنسى رغم كل الي قدمته الها )......
علي ....خاله ما سويت اي شئ بس هي نصدمت من عرفت ياسر تزوج
كوثر....هسه عوف هذا الحجي وشيلها وياي .....( حطيتها على القنفه ....وبديت اوعي بيها)....زمزم حبيبتي ..يوجعج شيء احجي يمه فتحي عيونج لخاطري
زمزم....من اغمى عليه ما حسيت غير ماما تحجي وياي ...وحاطتني بحظنها ....فتحت عيوني وشبكتها ..ماما عفيه اريد ارتاح اني تعبانه حيل
علي ....زمزم  اكو شيء يوجعج ...يحتاج نأخذج للمستشفى
زمزم....لا مابيه شئ......أريد أرتاح شويه
كوثر ....كومي حبيبتي ....نامي بغرفتج وارتاحي
زمزم.....لا ماما أريد ابقه كاعده يم علي شويه ....وإذا مابيها تعب سويلي جاي
كوثر.......لا راح اسويلكم عصير برتقال حتى يتوازن الضغط وترتاحين
زمزم......ماما عذريني ....خوفتج عليه
كوثر....شنو خفت والله الدنيا ضاكت بعيني من شفتج ممده بالكاع ... تذكرت ابوج شلون وكع كدامي
زمزم....الحمد لله
علي....( بعد ما طلعت أمها من الهول أشوف زمزم اجت كعدت يمي )....
زمزم......علي ..أعذرني غصبن عليه
علي ... لا عادي ما صار شيء
وتفاجئت من تقربت عليه وحظنتني
زمزم....علي عفيه أحظني ..أريد أحس بالأمان ..اني تعبانه حيل وفراك بابا شتتني اكثر
علي .....شبكتها ..بس ماكو عندي .... أي لهفه  عليها
......ولا قلبي نبض الها ....حسيت نفسي انسان مكلف بحمايتها وهذا واجبي فقط

زمزم.....صدكني علي راح أحاول أحبك ..واعوضك عن كل لحظه حب ....تمنيت نعيشها سوى
علي .....براحتج زمزم....وبس تعدي هاي الازمه راح نتفرغ لنفسنه ونرتب وضعنا ونتزوج .... أني وعدت عمو كمال ما أعوفكم أبد .....بس اريدج تشيلين فكرة ..نكعد بيت أهلج من بالج نهائي
زمزم....ليش..مو كتلك اتصل بعمو واقنعه
علي ...لا أني ما أكدر اعوف أهلي ..واعيش بغير بيت
زمزم.....براحتك

ياسر....كعدت الصبح على الهوسات والهلال....والدبج مال عماتي وخالاتي بنص البيت
وأول...ما طلعت من الغرفه صار طش الجكليت عليه مثل رمي الرشاشه  ....بس اريد ارفع رأسي ما اكدر
اميره ....هله بصباحك يا بعد روحي
....هذا اليوم الي جنت انتظره طول عمري ....يمه ياسر يفرحك ربي ...ويريح بالك ويسعد ايامك وي بت عمك
ياسر .....تسلمين يا كل دنيتي ونور عيوني وجودج بحياتي هو سعادتي
اميره ....يمه ...  غير ملابسك وتريك واطلع عمامك وولدهم كلهم ينتظروك بالحديقه
ياسر ....شنو هاي جايين من الغبشة
اميره .....هههههه يا غبشه الساعه ١١.. يلمعرس
ياسر.....يووووه ليش ما كعدتيني هواي عندي شغل ما مخلصه
اميره .....هسه عوف السوالف وأطلع لعمامك

ياسر..  ( طلعت لكيت كل الاحباب مجموعين ....وتلكوني عمامي...بس فقدت عمي ابو حيدر ما موجود بينهم ).....شنو عمي ابو حيدر ما موجود شعجب...... ماجاي من وكت
ابو حارث ...توه جان يمي .....وين صار
حارث .....يابه عمي ابو حيدر واكف هناك
ياسر....  رحت على عمي ابو حيدر ...وصلت يمه  .....صباح الخير عمي
ابو حيدر .....( جنت واكف بين الزلم ومن شفت ياسر طلع ....وتوجه النه خنكتني العبره....اوووف لوما هذا جمال النذل جان عبد الله محزم لعرس وليده وفرحان ويانه ...عفتهم وكفت بعيد حتى ميشوفني وينقهر ........ياسر إجه عليه وبس سمعت صوته حظنته وبجيت)
ياسر.....شنو السالفه عمي ...ليش تبجي
ابو حيدر .....لا بويه هاي دموع فرحتي ...برجعتك بينه ....وعرسك ....أني اليوم حسيت عبد الله ما فاركنه وهذا مكانه ...نملى ...بزلمتنه الزين
أبو درع
ياسر ....مكان أبويه ...عمره ما فرغ بوجودكم ...وانتو ماقصرتوا بحقي أبد ... ورجعت بينكم ..لأن انتو اماني وسندي