انت قدري *** ابو درع

قتلتم فرحتي

السلام عليكم احبتي 💥💥💥
💥💥💥💥
💥💥💥
💥💥
💥

كوثر ....صحت صوت صوتين ..زمزم.ما جاوبت .....صعدت ولكيتها ممده بالكاع والعيون مقلوبه والوجه اصفر وتجر النفس كوه
نزلت اركض واعيط و دموعي تجري ....كمال الحك زمزم ماتت
كمال .....شنو شلون ماتت وينها هسه
كوثر ....بغرفتها
كمال .....صعدت اركض ولكيت اخوتها يمها ......حسن بابا بعدها تتنفس
كمال ....يله ساعدوني خل ناخذها للمستشفى .. رفعناها من الكاع ....حسين بابا هذا شريط العلاج زمزم يمكن شاربه منه
كمال .....جيبه ويانا خاف نحتاجه يم الطبيب
كوثر ....نزلوها شايلها وايدها تتلوى من الجوانب حالها يكسر القلب ....كمال....انتظروني اجي وياكم
كمال ......والبيت وحمودي شلون
كوثر ...حسن يبقى إني ما اعوف بنيتي وحدها
كمال ....بسرعه تره نفسها ضعف
كوثر .....صعدنا السياره بسرعه ورحنه للمستشفى ...فحصها الطبيب وسئل شبيها
وشفت كمال طلع شريط علاج ....وكال للدكتور
......دكتور احتمال شاربه هذا العلاج لأن لكيته يمها
الدكتور ... حالا تدخل للعمليات يسولها غسل معده ....ويتكفلون بالباقي لأن هذا علاج يضعف دقات القلب
كوثر .......عزه بعيني كمال هذا علاجك مال القلب
كمال .....اي علاجي والظاهر الخاتون تريد تنتحر
كوثر 😢😢شنو تنتحر وليش
كمال ....من تطلع عود افتهمي منها السالفه ...هاي اذا طلعت سلامات ما صار عدها شلل
كوثر......عزا العزاني راح تروح مني بنيتي .....ركضت على كمال ووكفت كباله ..شوف اذا صار بيها شيء دقيقه ما ابقى وياك ....
كمال .....كوثر ...شنو هاي تخبلتي ...تعلين صوتج بوجهي
كوثر ....كله من وراك ...كتلك يا رجال متريد علي لتجبرها
كمال ....يعني بنتج انتحرت بسبب هذا الموضوع
كوثر... اي ....تلكاها سمعتنه نحجي وسوت هيج بروحها
كمال......باعي كوثر ....اذا كلامج طلع صحيح وزمزم ...منتحره صدك بسبب هذا الشيء....خاف جان ممكن اتساهل وياها واتعاطف .....لا خلي ببالج وبالها غير علي ميصير إلها ومتصير لغير علي
كوثر......اني احجي وياك وين وأنت شتجاوبني
كمال .....جوابي سمعتي ..ووصلي لبنتج....وإني الي غير تصرف وياها ..(كمال احجي هيج وبقلبي ادعي تطلع بالسلامه واحضنها بصدري وشتريد يجرالها ...)
الدكتور .....الحمد على سلامتها .....وين والدتها .....المريضه تريد تشوفها
كوثر ....اني أمها عيني ..اكدر ادخل اشوفها
الدكتور... أي ....
كمال.....وأني والدها ..ليش ما مسموح بس لشخص واحد يدخل
الدكتور ....لا تكدر تدخل عادي ...بس بعد متجاوبنه على كم سؤال بخصوص محاولتها للانتحار
كمال ......أني أي جواب ما عندي صعدنه لغرفتها وشفناها على هذا الحال ونقلناها للمستشفى مباشرة
الدكتور .....هو كم سؤال روتيني
كمال .....بخدمتك دكتور.......... (دخلت لمكتب أمن المستشفى وسئلوني كم سؤال ..ووقعت على الاوراق وطلعت)
كوثر ....ليش زمزم يمه شلون هيج تسوين بروحج
زمزم....ماما ...انتي تعرفين السبب ماكو داعي تسئلين
كوثر .....يمه والله لو ادري اكو أمل صغير أن يكون ياسر من نصيبج جان تحديت العالم لخاطر عيونج
زمزم.....لو تكولون السبب جان قلبي ارتاح بس تستركم هذا راح يخليني اتخبل شنو السبب بس لو اعرفه يمه اني أحب ياسر تعرفين شنو يعني حب
كمال .....(اجيت ادخل للغرفه حتى اشوف زمزم...سمعت كلامها وي أمها وعرفت إنو زمزم تحب ياسر ابن عبدالله ....دخلت للغرفه وقفلت الباب ووصلت قريب عليها ...وشفت الخوف بعيونها ) كتلها
مستحيل يصير ياسر من نصيبج لأن عمج جمال قاتل أبو ......عرفتي السبب
كوثر .....كمال ...شنو هذا الحجي وشلون هيج ..ما كاعد تشوف حالها واحنه وين
كمال.....هي رادت تعرف السبب واني نطيتها السبب بدون لف ولا دوران
زمزم.....من سمعت كلام بابا أحس الدنيا افترت بيه ودخلت بغيبوبه............. واغمى عليه
كوثر.....زمزم...يمه جاوبيني...ها كمال ارتاحيت
ركضت للدكتور ....واجه فحصها ...
الدكتور... هاي المريضه عدها انهيار عصبي ....اليوم تبقى تحت المراقبه ..وباجر نطلعها
كوثر....دكتور يعني هذا المرض مو زين
الدكتور ...لا إن شاء الله باجر تصبح احسن بس لازم تراعون نفسيتها ...وتحاولون تتعاملون وياها بطريقه حذره
كمال ....إن شاء الله دكتور
....وبقت زمزم بالمستشفى يومين ...واتصل علي ...
ها عمو سلامات مريت للبيت وكالوا زمزم بالمستشفى
كمال ....اي والله عمو وهمزين اتصلت ...اني راح من بالي اتصل بيك ...زمزم عدها ضيق بالنفس ...ودخلناها مستشفى بس الدكتور طمنا عليها ....ويكول حاله طبيعيه بسبب قلقها
علي ....وهي شعدها تقلق عليه
كمال......تفكر بالنتيجه . وبالمعدل ..اكيد هععهه(طبعا اضحك وبنفس الوقت منزعج ليوصلهم خبر ...وتخرب الخطوبه )
علي .....سلامتها ان شاء الله هسه جايكم بالطريق إني
كمال ....لا لا لتكلف نفسك الدكتور طلعنه وأن شاء الله نوصل قبل ما أنت توصل علينه
علي ....ماشي لعد راح أجيب الوالده وننتظركم بالبيت
كمال .....مع السلامه
علي... مع السلامه