انت قدري *** ابو درع

قبل اللقاء

هلو حبايب
رجعت الكم مع صراع الحب الذي سوف يكون ملتهب في هذا البارت بين رغبة ياسر بالحصول عليها ..... وسعادة علي الذي وضع اول خطوه في طريق امتلاك زمزم
وللحكايه مغامرات سوف نخوضها معهم
بس لتنسون محتاجه دعمكم للتواصل
⚡⚡⚡⚡⚡

ابو علي ....والله كمال الي يمك طلب ومتعشم متردني فشلان
كمال .... شنو السالفه ابو علي شو ظل بالي خير ان شاء الله
ابو علي...... هو خير اذا الله راد
والله كمال اني اريد بنتك زمزم لابني علي وادري بعد وكت لهذا الحجي بس حبيت انطيك علم بأن اني اريدها واتشرف بيها
كمال ..... ابو علي انته تعرف معزتك ومعزة علاوي بس تدري زمزم بعدها تدرس
واني املي تكمل كليه
ابو علي ..... اني ما كتلك هسه نريدها خل تكمل السنه واذا النه نصيب اوعدك تكمل دراستها واني وعلي ان شاء منقصر وياها بأي شي شتكول علي
علي ..... من سمعت ابويه طلب ايد زمزم احس نفسي اختنكت ما ادري شجاوب
خوفي لا ترفضني
وحسيت ابويه استعجل بالطلب
لان اني جان حلمي افاتحها بحبي ويكون زواجنا عن طريق قصة حب تجمعنا واكون متأكد هي تريدني بكد ما اريدها
مو مثل ما تصرف ابويه وحطني بموقف لا احسد عليه
ابو علي .... ها بابا وين راح بالك شو ما جاوبت عمك
علي ..... بابا اني وياك بس ما اريد الموضوع ينعرف هسه لان زمزم بمرحله دراسيه صعبه و اذا صار النصيب اكيد اذا متشيلها الكاع اشيلها بعيوني ودراستها تكملها مثل متريد هي
ابو زمزم .....فعلا مثل ما كال علي نترك الموضوع لوكته وميكون خاطركم الا طيب
علي ..... بقو ابويه وعمي كمال يسولفون واني عيني على الباب انتظر جيتها

زمزم .... من بدلت و طلعت من البيت ما حسيت اله شخص يحجي وياي ويعتذر عن الي صار بس اني بقيت بوكتها منزله راسي بالكاع واحجي ويا ومن عرفت هو ياسر ابن خاله اميره
شكد تمنيت اكدر ارفع راسي واشوفه لان من اجو يشوفون بابا ماما شكد مدحت بي وكلت عليه خوش شاب ومرتب صوته جان كلش حلو يا ترى شكله شلونه
ومن وصلت للشارع هو عبر الشارع باوعت على طوله اوف يربي شنو هذا الجسم وشنو هذا الطول ........وبقيت منتظره على الشارع لحد ما فات الوكت..... يعني..... ابو الخط عايفني كمت ابجي ...لان بيومها جان عندي امتحان مهم ....... ردت ارجع للبيت وجان صوت علي يصيحني
وكال اوصلج للمدرسه .......حسيت بوكتها علي منقذي
ومن وصلت للسياره تفاجئت بياسر كاعد بالسياره
بس هاي المره كلت لازم اباوع لوجها 😏😏😏 ..... اوف ربي شنو هاي
شكد حلو مثل صوته وبي لمحة رجوله وجمال سبحان الخالق
ومن نزلت للمدرسه لحد هسه عطره بعده يصعد وينزل وي انفاسي
عطر اخذني لغير عالم عشت لحظات مثل الحلم وصحيت على نفسي
كلت شجاني معقوله افكر بي .....وهو لو اظل اخر وحده بالدنيا ميباوع عليه شراح يشوف مني اذا هو رجال واحلى مني .....

مهجه ...... يمه بس اريد اعرف هذا الكره الي بداخلج لعمو كمال شنو سببه جان ارتاحيت
امال ...... شنو كره اكلهم حقنا واملاكنا وادري هذا ابوج ميعرف يتصرف تكلي كره
مهجه ..... يعني هسه انتي ارتاحيتي من طلع بابا ضايج
امال........ يطلع يبقه اني ميهمني اهم شي عندي احافظ على كلشي يخص عائلتي وما اخلي واحد يضحك على ابوج بورقه لتقدم ولا تاخر
مهجه.......... والله اني محتاره ارضيمن بيكم
واني متأكده بابا ميتصرف شي غلط
امال ...... ابوج كله غلط من ساسه لراسه واني تورطت بي والله لو ما انتي واختج ساعه وحده ما اعيش ويا
مهجه ....... ماما الله يخليج لتحجين على بابا
لان هو قلبه طيب وماكو احد مثله بالكون كله
امال....... بالعافيه عليج ابوج
هسه شوفي فرح تنزل تتغده لو لا
مهجه..... صار
صعدت اصيح فرح ومثل كل مره لازمه موبايلها وما ادري تحجي ويا منو
فرح يله ماما تكول نزلي حتى نتغده
فرح ..... اي نازله
( فرح اني طالبه صف رابع اعدادي شكلي كلش حلو اشبه ماما هواي ومرات بابا يكول انت صوره استنساخ من امج وهذا الشي مفرحني هواي واحس ماما تحبني لهذا السبب وتلبي كل طلباتي اكثر بهواي من مهجه لان تكول مهجه بت ابوها وانتي بت روحي )
زمزم .....رجعت للبيت ولكيت بابا كاعد بالحديقه هو وعلي وعمو ابو علي احس طرت من الفرحه لان وجه بابا شويه مرتاح بعد ما كان وجها اصفر وعيونه تعبانه
طبيت للحديقه سلمت على عمو ابو علي وبست بابا وكتله الحمد لله وضعك هواي احسن ووجهج منور
كمال .....حبيبتي الله يسلمج بس شدي حيلج انتي تدرين نجاحج يكمل فرحتي وينور حياتي
....بسته من خده وشبكته ابو زمزم يأمرني امر
كمال..... ميأمر عليج ظالم يارب
عفتهم ورجعت احس رجلي التوت وكعت
وما احس اله علي جارني من ايدي حتى ما اوكع
بس وكعت بحضنه وهو كاعد على الكرسي
متت خجل وركضت بسرعه ونسيت حتى وجع رجليه .
اسمع بابا وعمو يضحكون ويكولون لعلي هذا اول امتحان نجحت بي
وبقو كلهم يضحكون 🤣🤣🤣🤣🤣
بس اني ما فهمت قصدهم وشنو هذا الامتحان ...؟؟؟؟