انت قدري *** ابو درع

من هو

مساء الخير....... لكل شخص يقرا قصتي اتمنى تساعدوني وتشجعوني بتصويتكم
وارائكم 😍😍😍😍😍

البارت الثاني

زمزم ....... طلعوا للمستشفى واني قلبي اشتعل نار تذكرت كلام ابويه من يكول تعبت اريد ارتاح
وشكله من طلع من البيت حسيت هموم الدنيا
كلها نجمعت فوك راسي
شفت الموبايل  وفكرت اتصل بعمي جمال واكله اذا صار شي ببابا انت المسؤول
بس ترددت لان ادري بي انسان قاسي
وميفكر بس بالفلوس
دخلت مددت يم اخوتي وعيني على الساعه

ام زمزم .... ها خاله علي شكال الدكتور
علي .... خاله عمي كمال قلبه تعبان واحتمال
يدخل للانعاش
ام زمزم........ يعني شنو بالانعاش ليش شبي كمال
علي ..... شاكين عنده جلطه ولازم يبقى تحت المراقبه للصبح
ام زمزم....... عزه بعيني وهسه شلون
علي ..... خاله هسه لازم انتي ترجعين للبيت واني ابقى يم عمي
ام زمزم....... شلون ارجع وكامل ما ادري شبي
علي .....خاله هو دخلو للانعاش يعني وكفتج هنا مابيها فايده
كومي اوصلج للبيت واني ارجع يمه
ام زمزم....... لا ما اروح شلون اكدر اكعد بالبيت ما اكدر
علي ..... نسيتي زمزم وحدها
والدنيا ما بيها امان وانتو البيوت الي يمكم فارغه
ام زمزم...... زين ما اكدر اشوفه قبل ما اروح
علي ..... خل نسال الدكتو ونشوف

دخلنه ممر طويل وبنهايته غرفه وصوت الهدوء يعم بالمكان
وسمعنه صوت يصيح ورانه
وووين رايحين هذا الانعاش
علي ..... عمي نايم بالانعاش وحبينا نشوفه
الممرض ....  ممنوع اخي ميصير المرضى كلها حالتها حرجه ومنريد اي صوت او ازعاجج
ام زمزم ..... فدوه لعينك اشوفه من بعيد
علي ....  ولو دقيقه بس تطمئن
الممرض .... بسرعه وبدون صوت لان بيها مسؤوليه عليه
ام زمزم.....  وصلت لنهاية الممر وما اسمع بس صوت الاجهزه تقربت من الباب جان عباره عن ساتر جام باوعت كمال نايم والاجهزه
مربوطه بايده وعلى صدره
وهو فاقد بغير عالم
دكيت على صدري ولطمت كمال حاجيني
حبيبي اني كوثر
ما حسيت الا علي يجر بيه ورجعني لبداية الممر
علي .....خاله دخيلج اكو مرضى خطيه وكلهم 
وضعهم تعبان
خل نطلع قبل ميرجع الممرض
ام زمزم....... طلعت من باب المستشفى بس اني جسد بلا روح
لان عفت روحي يم حبيبي الي وكفت بوجه
اهلي والدنيا كلها حتى يكون ملكي واكون ملكه

رجعني علي للبيت وجانت الساعه ١٢ باليل
دكيت الباب وبقيت ادك ومحد فتح الباب
كوثر .... شلون هسه بس لا نايمين
ونوب موبايلي مو عندي
وهذا علي راح لو منتظر شويه لحد ما ادخل للبيت
ظليت محتاره دكيت الباب حيل بس ماكو فايده

ياسر ..... جنت طالع وي جماعتي ورجعت للبيت
وصلت للباب وشفت جارتنه واكفه تدك بباهم
ياسر ...... السلام عليكم
خاله تحتاجين اي مساعده
ام زمزم....... والله ما ادري شكلك خاله
ياسر ..... اني جاركم الجديد اسمي ياسر
ام زمزم....... اهلا وسهلا بيك
ياسر ..... وبيج اكثر ما كلتي شنو سبب وكفتج بالباب هيج وكت