انت قدري *** ابو درع

.المجهول

مساءووووو
حبايبي الغالين
❤❤❤❤
❤❤❤
❤❤
❤

ياسر ...ظربته 👊وكع بالكاع
زمزم....من جرني علي وكعت على ركبتي ... ..وبعدني أرتب بروحي حتى أكدر اوكف على رجلي ما أشوف اله علي واكع على وجها ..وياسر يريد ..يهجم ...ويضربه مره ثانيه ....
ركضت عليه ولزمته من أجتافه ....عفيه ياسر عوفه لخاطري...كافي
ياسر....من ركضت عليه وجتفتني ....وهي تبجي وتتوسل أعوف علي ...سألتها....ها زمزم..تحبي ..تخافين عليه مني
زمزم....دفعته  ياسر ..روح الله يخليك ... علي زوجي ومو من حقك تضربه

علي ....أجو جماعه ساعدوني ....وبقوا لازميني ...ويهدؤن بيه ...وشفت  زمزم ...تبجي وتتوسل بياسر حتى يروح ....وصدمتني ....من كالت علي زوجي ...سحبت نفسي..ورحت عليها ...لزمت أديها ...وحجيت وي ياسر
شوف ياسر هاي أخر انذار راح تسمعه مني من أشوفك ..تتقرب من زمزم  ..لو مني ....راح أندمك طول عمرك
زمزم....إجه علي وحاجه ياسر ....أني حظنته ...وكتله يله حبيبي خل نبتعد منا ..أكو ناس متحترم خصوصيات غيرها ...ومشينه مسافه ..بس روحي بقت عد ياسر ...ونوب عطره سطرني  ...اووف حبيبي أعذرني ...بس لازم أبعد عنك ...لأن  طرقنا بعد متلتقي ...مستحيل
ياسر ....اخذها علي ومشوا كدام عيوني ..وإني بعدني ممصدك ....يعني علي  كال زمزم خطيبتي من أجاني للبيت وتعارك وياي ....هي جانت خطيبته صدك من ذاك الوقت ...وهذا حبها كله كذبه أني عايشها وحدي .... خلص ياسر من هاي اللحظه امسحها من قلبك ودماغك ...ولتفت لزوجتك ....وعائلتك ...لتعبهم وتعب نفسك على وحده متسوه

ام وصال ....هله خاله ياسر تفضل
ياسر...هلو خاله  شلونج ..ووصال شخبارها شو صوتها ماكو
أم وصال ....وصال هسه جايه بالطريق ..اليوم راحت تكمل اوراق تقديمها للكليه
ياسر....الحمد لله بالتوفيق ان شاء الله
ام وصال.....بالمبارك عرسك خاله ولو متأخره بس تدري ..شنو الي أخرني عليكم
ياسر....معذوره خاله ..والله احنه مقصرين بحقكم ..المفروض نوكف وياكم ..بس بعد تعرفين الظروف
ام وصال ....متقصرون لا إنت ولا أمك ...صدك شلونها ...البيبيه هههه ان شاء الله يتتم لزينب وتفرح بوليدك
ياسر....اشكرج خاله.....شوكت عرفتي الخبر
ام وصال ....والله البارحه أتصلت أمك حتى توصيني عليك وبشرتني
ياسر....خاله هذا صوت وصال ... كوليلها ياسر مقبل يجي 😅😅
وصال ....هلو ماما
ام وصال ....هلو حبيبتي ها شيويتي
وصال ....رحت للمجمع مال الكليات ..واحزري منو شفت
ام وصال....منو
وصال ....زمزم...هي وخطيبها جايه تقدم أوراقها
ام وصال .....خطيه شلونها ...
وصال ....والله ماما اذا كتلج زينه اكذب عليج
خطيه من شافتني حظنتي وبقت بس تبجي ...وهذا علي الحقير صاحها ..وطلعت بسرعه
ام وصال ....شنو شجاهم هيج امورهم تدهورت
وصال ....مو أبوها مات قبل فتره...بس همه قبل موت أبوها صارت عدهم مشكله جبيره الله أعلم بيها............
.......صدك يمه هذا ياسر ما اجه بعده
ام وصال ....هااا شو خابر ويتعذر يكول ما اكدر أجي
وصال.....غير تكوليله سوينه دولمه ...جان اجه ركض
ياسر........شلونكم وشخبار الدولمه ....( طلعت لوصال بس سمعت كل كلامها وي أمها شنو علي خطيبها ....وهي قبل شويه تكول زوجي ..وشنو مشكلتهم الي يخافون الناس تعرفها ....وصحيح هي لابسه اسود يعني ابوها ميت من فتره قريبه)
وصال.....هلوووووووو ياسر شلونك مشتاقين
ياسر.....شلونج اخبارج
وصال ....اقدملك طالبه القانون وصال
ياسر....  واخيرا ..حققتي حلمج
وصال  .....هذا جان حلمنه أني وزمزم بس هي خطيه نقبلت تربيه لان معدلها ضعيف
ياسر......شعحب هيه جانت مثابره ..وطموحه بالدراسه حيل
وصال .....والله شكلك وضع ...زمزم.....الغامض ورا سر جبير
ياسر.....عوفي الحجي عنها وسولفيلي شكو ماكو
وصال ....أنت سولفلي وشوفني صور عرسك ...ولتكول نسيت الاقراص لأن أني اتصلت بزينب وكالت راح أدزهن
ياسر ....عمي نطيني عطوه خل أكل الدولمه وشنو الي تريدي اني حاضر ههههه