انت قدري *** ابو درع

أنتم قدري.....❤❤❤

مساء الخير.....لكم أحبتي ....تسعدني الدقائق التي أقضيها بالكتابه لأنها سبب متعتكم ❤❤❤
❤
❤
❤
❤ياسر.....هله بزمزم

زينب ......من سمعته كال زمزم الدنيا افترت بيه ووكعت بالكاع

اميره ....يمه ياسر أركض زينب أغمى عليها وهي حامل خاف يصير بيها شئ

زمزم....من كد فرحتي بياسر ...حتى ما أنتبهت هي حامل ...

ياسر....ركضت أريد اشيلها ما أكدر...وأمي بس تبجي ..ما بها حيل تساعدني ....صحت زمزم...تعالي ساعديني حتى نشيل زينب

زمزم....ركضت شلتها ويا ونومناها على القنفه

اميره ....يمه أركض حضر السياره حتى نوديها للمستشفى

زمزم....اخذوها وطلعوا وإني بقيت وحدي بالبيت ....هاي شنو ...من هسه نسو وجودي بينهم 🤔🤔
باوعت على بيتهم شكد حلو ونظيف حتى ريحته طيبه....كلت خل أخذلي فره ..وأشوف شكو ماكو ....( طبعا نفسيتي مرتاحه عبالك صار سنين عايشه بهذا البيت حتى ما خفت لأن أني...وحدي )

ياسر....أخذنه زينب للمستشفى ....بس هي بالطريق كامت تون وصحت شويه

اميره ....ها عيني زينب يوجعج شئ ....بطنج خوما تأذيج

زينب ....من وعيت على نفسي ....شفت نفسي بالسياره نايمه ورا ياسر وأمه....وخاله مفرفحه خطيه ....وانتبهت هاي الفصليه مو ويانا سألت ....لعد هاي وين بقت

اميره ....منو ..

زينب ....الفصليه ..

ياسر.....اووووو من كد خوفنه عليج عفناها وحدها خطيه

زينب ....وشلون تعوفوها وحدها بالبيت ..صدك لو تجذبون

اميره ...يمه من شفناج وكعتي ..طار عقلنا

زينب ....هسه خل نرجع للبيت

ياسر...شلون نرجع هاي المستشفى كبالنه ....بس نطمئن عليج ....ونرجع

اميره ....أي يمه حتى نعرف ليش أغمى عليج ( طبعا احجي واني ما مقتنعه بكلامي لان أعرف سبب وكعتها ..وياسر هم يعرف كلش زين ..بس حتى نتأكد على سلامة الطفله جبناها)

زينب..... بكيفكم

زمزم .....فريت البيت ....بس خفت أصعد فوك لأن ما أدري الباب الخارجي مقفول لو لا
..ودخلت للمطبخ ..وشفت الجدوره على الطباخ ..ااااخ شكد أحب آكل خاله......اميره ...ذبيت عباتي وفتحت الثلاجه ...طلعت فواكه ...سويت عصيركوكتيل لأن أدري ياسر يحبه ...وحضرت زلاطه ناعمه ...ولملمت المطبخ ..وبقيت منتظرتهم بالصاله ....وبعد تقريب ساعه سمعت سياره وكفت بالكراج ...باوعت مو سيارة ياسر ...ركضت لبست عباتي ...

حارث....ياسر ...ياسر وينك

زمزم....أسمع وآحد يصيح بأسم ياسر ...عدلت البوشي وطلعت