انت قدري *** ابو درع

احتويني

السلام عليكم ..... ورجعنا
❤
❤

زمزم ...... ها حبيبي
ياسر ...... يا عيون حبيبج ..زمزم صدك اني حبيبج
زمزم.....هااااا
ياسر ...... قصدي اني اول شخص حبيتي بحياتج
زمزم .....اني مو كتلك انت اول ولد احجي ويا وحتى ما اعرف شحجي وما ادري هذا الشي صح لو غلط ....
ياسر ....اريد اسألج سؤال
زمزم.. شنو
ياسر .... ليش حبيتيني
زمزم ....هااا زين إنت..... ليش حبيتني
ياسر ..... لان حلوه وحبابه ومؤدبه وهادئه وخجوله وفقيره وسلبتي روحي
زمزم ..... ها ها على كيفك راح اصدك
ياسر ....ليش بعدج ممصدكه انتي اجمل بنيه على وجه الارض
زمزم .... بداخلي حسيته يبالغ بكلامه
ياسر ...شنو وين رحتي
زمزم .... هااا ...ياسر اني وياك بس راح اروح هسه
ياسر .... ليش كلت شي غثج
زمزم.... لا والله بس وقت الدوام فات على اخوتي واني ملتهيه وياك
ياسر ..... اسف حبيبتي ...... روحي هسه بس اريد وعد منج اول ميطلعون تدكين عليه
زمزم ..... الله كريم ..... صدك ياسر اني راح ارجع الموبايل لأمك
ياسر .... لا بقي يمج حتى اطمئن راح تدكين
زمزم .....مو ماما تركت موبايلها يمي
ياسر..... ماشي ..زمزم امي متكعد هسه بقي يمج ...ومن نخلص حجي اني اكلج رجعي
اوك
زمزم .....اوك .... مع السلامه

وطلعت ركض كعدت اخوتي ...وحظرت الريوك وطلعوا
ورحت لكيت حمودي بعده نايم مددت يمه وغفيت ما حسيت بنفسي لان كاعده من الصبح وتعبانه

كوثر ..... وصلت للمستشفى ولكيت اركان على وكفته خطيه وجها تعبان
صباح الخير اركان شنو الاخبار شفت كمال بعد
اركان ....صباح النور ....اي والله قبل شويه دخلت عليه بس بعده على وضعه والاجهزه هم بعدها كلها يعني الظاهر منطي منوم لو مسكنات قويه لان ما متحرك ابد
كوثر .....اركان فدوه خاف بي شي
اركان ....صدك تجذبين يعني حالته تعبانه وهم يباوعون عليه بس هو الدكتور كال يبقه بالعنايه لحد ما وضعه يستقر ....واني هم ما راح اطلع منا اله يجي الدكتور واشوفه شيكول على وضعه واطمئن عليه

وبعدنه نسولف وكالوا اخلو الممرات الدكاتره راح يصعدون يشوفون مرضاهم

اركان ....يله كوثر خل نطلع خاف ميصير نوكف هنا .....
كوثر ....يله عيني وانت هم تعال جبتلك جاي ولفات فك ريكك وربك يحلها
😔😔😔😔😔
زمزم...... جنت نايمه واسمع صوت الجرس يدك ..فزيت وكمت على حيلي باوعت الساعه ٩ ونص اووووو شكد ماخذتني النومه
رحت فتحت الباب
علي...... صباح الخير زمزم
زمزم.... هلو علي شلونك
علي ......الحمد لله زين عمو شلونه كاعد لو نايم اكدر اشوفه
زمزم .....ليش متدري
علي ......شنو شصاير
زمزم ....بابا البارحه سوه العمليه
علي ..... هاي شلون مو على اساس الاسبوع الجاي
زمزم .....اي بس الدكتور قدم الموعد
علي .....وهسه هو بأي مستشفى
زمزم .....بمستشفى 🏥🏥
علي..... ومنو هسه ويا
زمزم .....ماما وعمو اركان

علي .درت وجهي وصعدت بالسياره بسرعه بس احس راسي طلعت منه نار شلون نسيت حتى اتصل واسأل على عمو كمال وهو بهاي الفتره بامس الحاجه اليه وجان المفروض اوكف ويا وكفه تثبتلي موقف وتخلي زمزم تتمسك بيه اووووف منين طلعتلي هاي طلابة العشيره وضيعت عليه هذا الموقف... زين اني ليش مسألتها هي وحدها بالبيت....شلون غبي خاف محتاجه شي ....درت السياره ورجعت