انت قدري *** ابو درع

أنتظرتك

السلام عليكم........
🌹🌹🌹
🌹🌹
🌹

ياسر .....إنتي من هاي اللحظه مرتي وبت روحي
زينب بين خجليتي وفرحتي حظنته وحطيت رأسي بصدره ...كتله ياسر أحبك
ياسر...رغم ألم روحي على زمزم ...وقهري شلون وحده غيرها نايمه بحظني بهاي الليله ..بس حظنت زينب وحطيتها بحظني ... هي ما الها ذنب اني أحب  غيرها ......وشئ ثاني زمزم ...هي الي باعت وأختارت شخص غيري ....وشكد حاولت أقنعها تكون ملكي بس هي رفضت
لهذا راح أحاول أحب زينب وأعيش حياتي

زينب .....كعدت الصبح قبل ياسر ...الله يعني أني مو بحلم وهذا ياسر بحظني شكد حلوات عيونه ...وشنو هاي اللحيه ... مررت أصابعي على وجها ....بهدوء بست خشمه وسحبت نفسي من حظنه .......لملمت الغرفه ...وأخذت برنصي ودخلت للحمام .....طبعا غرفتنه سويت عباره عن غرفتين وحمام ...(بيني وبينكم  اني طلبت من بابا هذا الشئ ... وسوى من رتب البيت )
ياسر.....فزيت على أيدين زينب وهي ترسم ملامح وجهي بأصابعها ....بس ما فتحت عيوني ...دفعني الفضول أريد أعرف شراح تسوي ...بقت تلعب بلحيتي ..وباست خشمي ...ونسحبت......بقيت بفراشي ...وما حسستها أني كاعد أباوع عليها ....وهي تلملم الغرفه وتبوس كل قطعة ملابس جنت لابسه قبل متعلكها .....اوووف يعني هاي تحبني لهاي الدرجه ...وإني خلصت الليله بحظنها  متخيلها زمزم..... بكل لمسه  وحتى  شغلتنه فضت بسرعه .....لأن تخيلتها زمزم ....الهي العفو إذا كان هذا تصرفي حرام.....وقدرني حتى أحفظ زينب واصونها ....وازرع حبها بداخلي

زينب ....طلعت من الحمام ..وشسورت شعري ...وأسمع صوته
ياسر ....شنو هذا الصوت من الصبح
زينب ....صباح الخير
ياسر.....صباح النور زينب شنو هذا الصوت المزعج
زينب .....هذا صوت الشسوار حبيبي ...أكعد الساعه ١٢
ياسر.....والله  الساعه ١٢معقوله نمت كل هذا الوقت
زينب..... نومت العافيه أحضرلك الحمام
ياسر ....اي .....باوعت عليها كامت وشعرها مفتوح ومغطي ضهرها لحد الفخذ.....البارحه ما شفت هذا الطول لأن جان ملفوف بالتسريحه   ..... كتلها هذا شعرج لو باروكه

زينب .....هههههه شنو باروكه مو كاعد أنشفه..كدامك
ياسر ......والله تاهت علينه ..شو تعالي خل أتاكد ... ....كعدت على حيلي فوق الجربايه ....ومن تقربت مني سحبتها وكعدتها يمي ولزمت شعرها شميته ...الله شكد طيبه ريحته ...بي رطوبه خفيفه .....مسحت وجهي بي ...وهي تباوع عليه وعيونها تكول أريدك .....سحبتها بحظني ...وشبكتها
زينب .....ياسر ...عفيه هسه شيكولون علينه ...خل ننزل خاف أحد يجي
ياسر.....هو وكت الريوك وراح ....شو تعالي خل اتريك بيج ....ونومتها بحظني  ...ووووو

زينب ....من سحبني لحظنه فرحت حيل لأن اليوم بديت أحس بلمساته عكس الي صار البارحه خلص كل شيء  وإني بغير ...عالم ..بس اليوم حاولت أتجاوب ويا واريحه بكل حركه ...حتى أكسبه ( لأن أختي علمتني الرجال إذا ارتاح بفراشه راح يزيد حبه لزوجته ... واني كل أملي بالحياة يحبني وأكدر انسي زمزم ...الي أني واثقه هو مقبل يكتب اسماءنا على الحلق.....واختار الاحرف حتى يكون حرفها مكتوب بحلقته مو حرفي ...مع العلم هو نفس الحرف)