انت قدري *** ابو درع

لن أنساك

السلام عليكم.....
قرأي الاعزاء احب اعرف تعليقاتكم ...على قصتي
لأن هاي اول قصه الي .. واريد  اعرف شنو رأيكم .....سرد الاحداث حلو لو اغير اسلوبي
رجاءا دعمكم الي بكل الحالات يفيدني

💎💎💎
💎💎
💎

مهجه....😲😲بابا امشي بسرعه...ذولي مطلعين سلاح ولاحكين سيارتنا
جمال .....مهجه نزلي راسج ولترفعي ابد ....ودست بانزين ومشيت بكل سرعه ....وذوله  ضالين ورايه ....وين ما اروح لاحكيني بس اني طلعت للشارع الرئيسي حتى اضمن ميطلقون اي رصاصه ....وهاي مهجه ربكتني بصياحها......وضليت افتر من شارع لشارع واستغليت جهلهم بالمناطق وكدرت اضيع سيارتي منهم
جمال .....بابا  مهجه حبيبتي
مهجه .....مرعوبه😣😣 بابا من ذولي وشيريدون منك ......وليش يصيحون عليك قاتل
جمال...... بابا عوفي الاسئله هسه.... نروح للبيت وارتاحي
مهجه....شتصور بابا بعد هذا الموقف اكدر ارتاح بعد
جمال ....حبيبتي ....اسكتي لخاطري وبعدين اني افهمج كل شيء....
مهجه .....بابا اتمنى تحجيلي الحقيقه مره وحده بحياتك .....خلصنه كل  عمرنا عايشين بالكذب والكره....وهسه طلعت انت قاتل
والله اعلم شيطلع بعد
جمال ....مهجججججججه كتلج اسكتي كافي
...صيحت عليها لأن كلامها كله صحيح ....وحسيته جردتني من كل كذبي وكشفت حقيقتي المخزيه ...ومدى قذارتي وظلمي لأقرب الناس ......
وصلنه للبيت نزلت مهجه .....
جمال ....بابا مهجه الي صار اليوم ما اريد امج تعرف عنه اي شيء.. لحد ما ارتب اموري
مهجه... صار بابا....بس انت وعدتني تحجيلي كل شيء
جمال .....ان شاء الله حبيبتي ....اروح هسه وبعدين اوضحلج كل الامور
....وعفتها وعفت سيارتي بالكراج .....وطلعت...اخذت تكسي ورحت للمكتب
واتصلت على أركان
جمال ....هلو اركان...تكدر تجي للمكتب
اركان......هاا جمال شبي صوتك
جمال ....ما بي بس محتاجك تجيني بسرعه

اميره .... هله ابو حيدر تفضلوا
ابو حيدر ......هله بأم الغالي شلونج خويه اخبارج صحتج شلونها
اميره ....الله يعز غاليك خويه الاهل شلونهم أخبار العماره واهلها شلونهم
ابو حيدر .....بخير ....ويزيد الخير والفرح من نزف بشارة ثار عبدالله الهم  لأن   كتاله صار قريب ونكدر نوصله  بأذن الله
اميره ....شنو القصه ابو حيدر ...شذكرك بالثأراليوم وشجابه على بالك 
ابو حيدر ....لا لا  ما مقبوله منج يا ام ياسر ...شذكرني شلون ...ليش اني نايم ليله وحده من يوم الغدروا لليوم بدون ما فكر شلون نلزم هل الكلب جمال
اميره ....والله يا ابو حيدر دم الحر ميضيع ...بس اكول هذا الأمر خاف بي خطوره عليكم
ابو حيدر......عفا والله ناخذ ثأر.. ....الغالي حتى لو ضحينه برواحنه ... وظل اخر نفس بينه ....هم نأخذ حق دمه
اميره ....سالمه ارواحكم وان شاء الله تلكوا وترتاحون
ابو حيدر .....والله يا ام ياسر احنه وصلنه لرقم سيارته وان شاء الله باجر نتصرف
اميره .....هاااااا  وشلون عرفتوا
ابو حيدر .....اليوم واحنه جايين بالطريق وبالضبط بهاي المنطقه الي انتو بيها شفنا هذا النذل بس الي جتف ايدينه وما رمينه عليه ...جانت ويا حرمه  وانتي تعرفين حق الحرمه شكثر غالي عدنه
اميره ......اوووف يبو حيدر شكلك معقوله .....نطلع عايشين وي كتال. ..........عبد  الله   ........بنفس المنطقه .....والله لو ياسر يسمع اله يدورها بيت بيت
ابو حيدر .....هسه ما نريد نشغل فكر ياسر ..بس نرتب امورنا ونعرف دربنا زين صدكي الجيلات ما يطلعن الا من سلاح ياسر