انت قدري *** ابو درع

الاشتياق قاتل

السلام عليكم 💕💕
💕💕💕
💕💕
💕

امال ....ماشي جمال اني راح اطلع بس اشوفك شلون راح تندم
مهجه ....ماما والله ميصير هيج
امال .... انتي اسكتي وبعدين احاسبج وهسه صعدي لمي غراضج حتى بس توصل فرح نعوف البيت وخل اهله يفيدو
مهجه .... ماما شنو قصدج .... اني ما اعوف بابا مهما يكون ...وبعدين احنه مو من حقنه نحاسبه على تصرفاته
امال .... كلت صعدي لمي غراضج بين ما اخابر خالج يجينه
مهجه .... ما اطلع واعوف بيتنه لو مهما يكون .
فرح ....شنو وين تطلعين
امال ..... همزين وصلتي يله صعدي لمي غراضج بعد ما النه كعده بهذا البيت
فرح ....شكو غير افهم القصه
امال...... ابوج المحترم ضربني راشدي ويكلي الباب يوسع جمل
فرح .....هيج بدون سبب
مهجه..... فرح ماما تجاوزت على بابا وغلطت على عمامي
فرح .....يعني واذا غلطت ...هم يستاهلون يضرب ماما على مودهم
مهجه ....عيب فرح ذوله اهلنه
امال ..... كافي بلا حجي ..كلت لمو غراضكم وخلص
فرح ..... ماما معقوله انتي القويه تنهزمين باول جوله وتخلين الساحه الهم
امال ..... فرح شنو اكلج ضربني
فرح ..... ماما هسه اذا طلعنه من البيت راح شراح نستفاد بالعكس .... ننطيهم مجال يستغلون بابا ...ومثل متشوفين هو مستعد يخسر اي شي بس ميخسرهم لهذا ابد لتفكرين تطلعين من البيت حتى اي شي راح يصير يكون النه علم بي وكدام عيونه مو ياخذ راحته ونبقه احنه مثل الاطرش بالزفه ....
امال ..... هاااااا ...اي والله ..عفيه عليج انتي صدك بت بطني وتعرفين تفكرين .... مو مثل هاي العوبه رايحه تركض ورى وتدور حقوق وواجبات
مهجه ....ماما رجاءاا بلا غلط ....والحمد لله ست فرح كدرت تحوك مكيده جديده بس بيها فايده وقنعتج متعوفين البيت
فرح ...... شنو المكيده يعني من احمي بيتنا لينهدم مكيده ....والي نصبو على بابا ويحاولون يستغلون طيبته خوش ناس
مهجه ..... اني ما عندي اي شيء احجي لان هذا صار موضوع عقيم مينفع النقاش
بي ابدا
جمال ....عفت البيت وطلعت رحت للمكتب
وخلص قررت اشتري بيت لكمال بعد ما شفت البيت الكاعد بي وشلون وضعه تعبان ..... عاد ارفع من عنده هم الاجار خطيه
وفعلا اتصلت بكم صديق عدهم مكاتب دلاليه حتى يشوفون بيت لكمال .... وبنفس المنطقه الي ساكن بيها لان مدارس ولده قريبه ومرتبين وضعهم بالمنطقه
ومن جهه ثانيه اعاقب امال على تجاوزها وغلطها على اهلي
كوثر ...... كمال اكعد تغده عيني شنو ما جعت
كمال ..... ها عيني اي حضري الغده لان عندي علاج لازم اخذه هسه ..... اكلج كوثر لعد الولد وزمزم وين
كوثر ..... اني ماخليتهم ينزلون حتى تنام وترتاح
كمال..... خل ينزلون أريد اشوفهم
كوثر ...... زمزم حسن حسين....
نزلو بابا كعد
زمزم نزلنه ركض على الدرج لان مشتاقين لبابا
كمال .... هله بيكم ..شلونكم
حسن وحسين .... بابا البيت نور بوجودك والله جنه نحس بالضعف وانت مو يمنه الله يطول عمرك ويخليك
زمزم ....امممموه بابا حبيبي مشتاقه لحضنك كومه ....صدك وجودك بينه معنى للأمان
كوثر ....يله زمزم خل نحضر غده لابوج وانتو صعدو كملو دراستكم وخلو بابا يرتاح
كمال ..... والله راحتي شوفتكم
زمزم ..... الله يحفظك النه حبيبي