Wildest Temptation - BoysLove √

2

Dylan's Pov

Huminto ako ng makita ang isang plum dress na nakadisplay sa isang mannequin. Gusto ko syang bilhin pero alam kong magagalit si Mia.

Mahilig ako magsuot ng mga panbabaeng damit pero hindi ako bakla. Sadya lang na mas komportable ako na magsuot ng damit ng mga babae lalo na ang mga dress. Pero hindi iyon naiintindihan ni Mia. Ang girlfriend ko.

"Dylan! Bilis!" sigaw nya at hinatak ako paalis sa harap ng isang boutique. Hinila nya ako papasok sa isang store kung saan gumagawa ng mga tuxedo. Malapit na kasi ang Acquaintance Party sa school. Pareho kami ng kinukuhang kurso. Landscape Architecture. At halos umaabot na sa tatlong taon ang relasyon namin parang alon sa dagat. Minsan mataas na alon, maraming away dahil sa akin. Dahil sa pagsusuot ko ng mga pambabaeng kasuotan. At isa pa, ang pagiging modelo ko kay Ms. Elynor.

Sanay na ako sa ugali ni Mia. Nagagalit lang sya pero hindi nya ako hinihiwalayan. She still cares for me. At ganundin ako sa kanya.

"Goodmorning po. Ano po kailangan nila?" bati sa amin ng sales clerk pagpasok namin sa store. May hawak syang medida at mukhang susukatan nya ako.

"Pakisukatan itong boyfriend ko." wika ni Mia saka ako dahan dahan tinulak papunta sa babaeng sales clerk. Nakaramdam ako ng hiya dahil sa babaeng kaharap ko. She looks to me like she's gonna eat me. Nakakatakot.

Naupo si Mia habang pinapanood nya ako na sukatan ng sales clerk. Tumayo ako ng tuwid. At sinimulan nya akong sukatan sa balikat ko.

Inunat nya ang medida mula sa magkabilang dulo ng balikat ko.

"You have fine shoulders, Sir." she complimented. Everyone told me I that have a feminine body. Kaya siguro nasabi nya yun. Hindi ganun kalapad ang mga balikat ko hindi tulad sa normal na lalake. At maliit ang balakang ko ganundin ang mga hita ko. Petite is the best description.

Kaya siguro madali magkasya sa akin ang mga damit pambabae. Dahil ang katawan ko ay parang sa babae. Minsan naiisip ko, isa ba akong babae na nakulong sa katawan ng isang lalake.

"Okay na po!" nagulat ako sa sinabi ng sales clerk. Naupo muna ako habang kinakausap sya ni Mia. Pinagmasdan ko ang paligid. Ayoko sana magsuot ng tuxedo pero ito ang ipinipilit ni Mia.

Pagkaraan kausapin ng sales clerk si Mia. Nagyaya na syang lumabas. Tahimik lang ako habang hawak nya ang kamay ko.

"Mia." tawag ko sa pangalan nya.

"Hmm?" tugon nya habang sabay kaming naglalakad.

"Kailangan ba talagang magsuot ako ng tuxedo sa party?" tanong ko at bigla syang tumigil. Hinarap nya ako.

"Stop it Dylan. You're not wearing those damn dresses. Okay!" pagtaas nya ng tono. She always cares for me pero hindi nya naiintindihan ang tunay na nagpapasaya sa akin.

"Ayoko ng pagtalunan natin ito. Sawang sawa na ako sa mga chismis sa school." nagulat ako sa sinabi nya.

"Anong chismis?" Bumuntong huminga sya.

"That I'm so desperate at pati bakla jinowa ko." she said aggravatedly.

"Hindi ako bakla, and you know that." pagdepensa ko. Umiling iling sya.

"I know, pero hindi lahat ng tao maiintindihan ang gusto mo. Pinagtatawanan na ako sa school dahil dyan sa pagsusuot mo ng mga pambabaeng damit. Nakakainsulto." wika nya at sinimulan nya ng lumakad.