اغتصاب معلن

8

#إغتصاب_معلن
بقلم: سحر سمير

الجزء 08

عايزة وليدد..

__ وليد !! ياخ انتي طينتك شنو !

و شابكاني احمد و احمد واحمد ، رغم ان وليد دا كان قدامك طول الوقت دا ما حصل جبتي لي سيرتو ، اسي فجاه وليد !

ايوة دا هدفي من هنا ولقدام ..

__ربنا يهديكي والله ، بالذات وليد الشفتو دا لا زول شدايد لا زول مشاكل و م عندي حاجه كعبه مع زول يعني من غير امورك بتاعت المكايده والف والدوران دا بتقدري توصلي ليهو وكل الطرق متاحه ليكي ..

لا في حاجة انتي ما عارفاها يا هدوية ..

__ شنو هي ؟

خليها مفاجأة ^.*......

عاينت لقيت وليد في وشي و واقف بعاين لباب الحمام بخلعه لمن انا جيت طالعه منو ، بقيت واقفه مخلوعه اتوترتا حسيت انه ظاهر علي... قالي :

_ مالك في شنو ؟

* مافي حاجة ..

_كيف مافي حاجة و انا سامع صوتك بتستفرغي و تقحي ، المهن كنت سامعك يا سلوان المرض ما بيتدسا ..

*قصدكك شنو بالمرض ما بيتدسا !

_يعني شكلك ظاهر انك تعبانه م تنسي انحنا في مستشفي يعني مفروض م تدسي لو بتشكي من حاجه !

*بطني قلبت بس من ريحه الديتول و مواد التعقيم حقتهم دي ، م بتحملاا

_عشان كدا كنت دايرك تمشي البيت القعده ليكي م مريحه هنا وانا مع امي ..

*لالا انا مرتاحه بس قلبه بطن وراحت حمدلله م تشيل هم ، المهم م قالو ليك خالتو سعاد حتفوق متين ؟

_لحد الصباح ان شاءالله انا ما شايل الا همها بعد تفوق كيف حيكون حالها و مفروض نفرش ما لاحق علي حاجه والله يا سلوان

*معليش كله بيترتب ان شاءالله..

راسي لافي و واقفه قدامو بقيت بحاول اتماسك و اتكي في الحيطه عشان ما يحس بي بتصنع اني بخير و ما حاصل شي ، لمن جا علي و مسكني قالي امشي ..

*امشي وين ؟

_نفحص شكلك ما بيطمن .. امشي امشي

* #لالالالالا ن ننن ن نا نن نففحص شنو لالاا انا ك كويسه مافيني حاجه عايزة اقعد بي

_لا م حأخليكي كله مجرد فحص تطمني و نطمن مالك انتي رافضه

*لا .. انا ، انا حأرفض ليه انا كويسه حمدلله بس كمان صراحه عشان م اكلت حاجه من الصباح

_ياخ بتبالغي ، اقعدي هنا اسي بمشي اجيب حاجه واجي ...

قلت في سري اوووف حمدلله قدرت اغير الموضوع و يتناسى فكرة الفحص والله لمن حيلي برد ، حمدلله ..

آخرة الموضوع دا شنو ! لحد متين ّاذا فعلا انا حامل و قدرت ادس الموضوع دا ، لحد متين ؟ لحد ما بطني تكبر و يظهر فيني ! بالجد التفكير ف الموضوع دا بخوفني شديد برعبني ، يا رب تساعدني يا رب ....

بقيت قاعده و بستغفر ، لمن جات الممرضه غيرت المحلول و ركبت واحد تاني ، امي اتصلت علي ، طلعت وخليت الممرضه جوه

رديت عليها ..

*امي

_ايوة يا سلوان كيفك ؟

*حمدلله كويسين ، مصحيكي شنو لحد اسي؟

_مقلقه عليكي ، ليه ما رجعتي مع اخوكي ؟

*ارجع كيف يا امي خالتو سعاد ما عندها زول تاني غيري والله لو شفتيها تحننك تقطع القلب

_انا عارفه يا سلوان بس كمان انا خايفه عليكي قعدة المستشفى ما ساهلة يا بتي

*فداها يا امي بس هي تقوم بالسلامة

_يلا خلي بالك من نفسك

*حاضر.. في امان الله

بعد قفلتا ، جات الممرضه طالعه ، سالتها عن فحص وكدا جبتها ليها بي فوق ، ورتني امشي وين واعمل شنوو ،،

رفعت جراب التلفون لقيت فيهو خمسينتين و الفحص بي 90 ج ، حمدت الله انه معاي قروش ،،.

جا وليد لقاني واقفه برا ، قالي مالك ، قلت ليهو كنت بتكلم تلفون مع امي ، قالي تمام تعالي اكلي يلااا ... رغم ان بطني طامة بس مضطرة اكل عشان قلت ليهو جعانة ..

اكلناا ، وبعدها طلع برا الغرفه قالي ارقدي ف السرير دا اخدي راحتك وانا برا لو في حاجه دا تلفون امي مسكلي لب منوو ، قلت ليهو تمام .. رقدتا جمبها بتقلب و بتلوى لحد الصباح ... قمت اطمنت علي خالتو سعاد و طلعت براا م لقيت وليد ، اتسحبت براحه مشيت محل الفحص حسب وصف الممرضه سحب دم بس ،، فعلا مشيت مليت بياناتي و محل متزوجة ولا انسة اخترت متزوجة ، دفعت القروش وسحبو مني الدم و النتيجة بعد تسعه ساعات ..

رجعتا لقيت الغرفه مقلوبة فوق تحت بكي وكوراك عرفت خالتو سعاد صحت ، لقيتهم ماسكنها بيهدو فيها ، و وليد بكورك فيني قالي وين انتي عنها مش قلت ليكي تمسكلي لي ، قلت ليهو نزلت ا ...

قالي خلاص خلاص ،، بقو يهدو فيها لمن ادوها حقنة رجعت نامت تاني ... قلت ليهو انا اسفه بس اضطريت امشي اجيب حاجة ،، قالي حصل خير واسف نهرتك ما بقصد ..

بعدها المستشفي دي اتملت بالجيران تعبي و تفضي واهلهم كلهم يجو ويمشو ماف زول كلف خاطرو يقول حيقعد معاها .. المهم لحد بليل حتي الجو دا راق ، وليد يحنس فيني عشان امشي البيت انا راكبةراس ورافضه .. خلاني جوا الغرفه و طلع ...

عاينت للساعه لقيتا 10:30 و التحليل 9 مفروض استلمووو ..

مشيت جمب باب الغرفه عايزة اطلع كدااا وليد فتح الباب قبلي ، و ماسك لي#الظرف بتاع التحليل .......

يتبع ......