اغتصاب معلن

5

#اغتصاب_مُعلن
-٥-
بقت كلمة سامر بتتردد في اضاني .. انه #اتوفي .. قلت اكيد انا فاهمة غلط بتكلمو عن زول تاني ، كيف يعني اتوفى معقول هما كلهم يموتو ويخلوني ههههه اكيد فاهمه غلط ،، رجعت بتصل علي الرقم مافي رد نهائي ، اكتر من 23 مرة انا متصله ..
فتحت باب غرفتي بكل انكسار ، بقاوم في دموعي الدايرة تنزل غصب عني ، وقفت جمب باب غرفتي بعاين في امي الماسكة راسها ، و نظرة سامر الفيها خلعه ( انه ما قايلني في البيت لانه جيت قبل مواعيدي و م شافني لمن جيت ) ، و نظرة اني صعبانه عليهو ، نظرات ليوم الليله انا كان عشت عمر علي عمري دا مستحيل اقدر انساها لحظة واحدة ،، قام وقف علي حيلو. ، قال لي ، مالك مُنفخه كدا !!
بعاين ليهو و خايفه اسألو ويقول لي ايوة السمعتيهو والفهمتيهو صح ، بس دموعي غصب عني نزلووو ....
بقى ما عارف يعمل لي شنو ، غير انه جا علي و بدا يطبطب علي ، قلت ليهو انا سمعت كلامك مع امي ، بالجد السمعتو دا ؟
قالي ليه انتي ما مؤمنة بقضاء ربنا و قدره ! بقيت لكورك قلت ليهو ما كل ما زول يموت تجو تقولو لي بي بساطه انتي ما مؤمنة بقضاء ربنا و قدره بكل بساطه , استغفر الله انا ما بعترض علي قضاء ربنل بس كمان الكلمة حارة بتكتل كتل ياخ حارة والله حارة الطاقه الفيني كملت والله كملت ، استغفر الله استغفر الله ، بس هو مالو كيف يعني يموت بالساهل كدا ، كيف يعمل زي ابوي هما ليه بمشو يخلوني بالقسوة دي ! (بالقسوة دي !! ) في عز صدمتي لقيت نفسي مركزة في القسوة هه هو بعرف عني شنو ولا ياتو يوم كان حنين معاي .......!
قلت ليهو ، انا لحد اسي ما قادرة انسي ابوي احمد كمان يحصلو طيب وامه دي يخليها لمنو ، ولو عرفت ، استغفر الله استغفر الله استغفر الله يا سامر هو كيف مات ، كان مالو كيف ما مصدقه يا سامر انت متأكد لا حول الله يا رب لا حول ولاقوة الا بالله يا الله يا الله ...

بعدت من جمبو ودخلت غرفتي وقفلت الباب و بركتا في الواطه بكيت بكيت لمن قلبي دا اتحرق ، ما قادرة اصدق ليه انا حظي كداا شنو الذنب الارتكبتو عشان ربنا يعاقبني كدا استغفر الله سامحني يا رب ،،،
يا الله يا الله اسوي شنو انا اسي ، كيف يموت وانا ممكن اكون حامل منه اااااااااااااخ يا حرقه قلبي اااااه يا نفسي الضيعتها ، ااااخ يا ناري اااااااخ اسوي شنو انا اسي اقبل وين ،اودي وشي وين من الناس ،ولا من امي ولا سامر لو عرف حيقتلني ،،،
اااااااخ يا احمد كيف تمشي كدااااا وتخليني انت وعدتني تتزوجني وتسترني وتصلح غلطتك ، وعدتني بالعرس معقول تخليني كداا ،
والله والله ما بحبو انا ولا فارق معاي كتير ، اي فعلا مخطوبين لينا تلاته سنوات بس احمد كان انطوائي ، م حصل حببني فيهو ما عمل معاي حاجة حلوة تخليني احزن عليهو ، دايماّ كان انسان مبهم و سكوتي ، حتي لمن يشوفني ما بيعاين فيني ، لدرجة في يوم بعد خطوبتنا بكم يوم عزمني غداا ، طلعنا م اتكلم معاي غير قالي اطلبي ، طلبت بيتزا اكلنا حاسب طوالي ساقني رجعني البيت ، لدرجة كنت بحس انه مجبر علي ،، و ما سكتا علي كداا ، سألتو كتير في شنو انت اذا خطبتني عشان ترضي امك ، اعتبر الخطوبة كأنها م حصلت انت ما مجبر علي ولا انا مجبرة عليك ،، قالي لا ابداا و قالي الحجة البستخدموها كل الرجال ، انه منفسن وامور شغل جايطه وكلام زي داا .. ف كل مرة كنت بقوليهو خلينا نفترق واغرب شي كان بتمسك بي اكتر ، ومفروض ان الخطوبة دي عملوها للتعارف بس لحد الان انا م بعرف عنه ااكتر من المعلومات العاديه ........
بقيت ببكي و بسترجع في الزكريات
حسيت بالتعاسه و ان ماعندي حيلة عاجزة كلياً ،،
قمت علي حيلي مشيت غسلت واتوضيت صليت ركعتين ، لبست توب و طلعتا ، مشيت علي بيت خالتو سعاد ، من وصلت جمب الباب سامعه اصوات البكي والكواريك ، ضعفتا شديد بقيت ببكي لا شعورياً ، لزيت الباب دخلت لقيت نساوين الحلة كلهم م عدا امي ( لانها محبوسة بعد وفاة ابوي ) ..
بقيت بفتش بعيوني عن خالتو سعاد و شايفاهم كلهم بعاينو لي بعين شفقه او اني نحس ، مسكتني وحدة من الحريم دايرة تبكي معاي ونظام بتواسي فيني ، قالت لي يا حليلك يا بتي شكلك م محظوظة الود مات في عز شبابه ليكم تلاته سنة عرسكم دا في تلتلة في النهايه الود مات الظاهر في شوم ... دفرتها مني ، قلت ليها انا اريد وانت تريد والله يفعل م تريد .. مشيت خليتا
دخلت #غرفه من اكتر االغرف البكرها ، لقيت خالتو سعاد راقده زي الفاقده الوعي و ولدا قاعد جمبها و بت اختها ايلاف ..

#استككانة😿~
ربنا ما بفقدكم عزيز .. قولو آمين

يتبع .....